.·¤ تجمع الحوامل اللي ولادتهم في محرم¤·.

[Marawy]

روح الورد .. ربي يسلمج حبيبتي .. تسلمين فديتج طمنيني عليج وعلى النونو .؟! وعليه بالعافيه النونو الملابس يتهنى بهم ان شاء الله ..*



هدوء الماضي .. الف مبروك الولد ربي يتمم لج على خير وتبلغين فيه معرس ..*

[rawan393]

المشاركة الأصلية كتبت بواسطة marawy

روان ،، ياهلا فيج يالغلا بيننا .. منوره .. وربي يتمم لج ولنا على خير يارب ويسهل ولادتنا ..*
بالنسبه لنزول المشيمه ارتاحي وارفعي رجولج فوق مستوى الحوض بشوي وحاول ماتقومين من السرير الا للحمام الله يعزج وللاكل .. وان شاء الله بترتفع .. الاخت ام التوينز تعاني من نزول المشيمه ان شاء الله تفيدج اكثر.. وان شاء الله بعد موعدج تجين وتطمنينا عليج وعلى النونو ..*

اهلين بيكي ياقلبي النور نوركم كلكم ..
امييييييييييييييييييييييييين يارب
الله يسمع منك ياقلبي وأن شاءلله اموري واموركم تتيسر وينكتب لنا الولادة السهلة الميسرة وتسلمي حبيبي علا اهتمامك^^

[Marawy]

اليوم كان موعدي بالحكومي .. والحمدلله كل شي طبيعي وزني يزيد بالمستوى الطبيعي ودمي اوكي مو ناقص وعطتني اخر جرعة من الكالسيوم تكفيني لحد نهاية السابع او بداية الثامن وقالت لي وقفيها بعدين لان تخلي عظام البيبي قويه والولاده الطبيعيه صعبه تصير .. عشان نتجنب القيصري .. ومسكت بطني وقالت على ايدي حجم النونو 27 اسبوع ويومين (مثل السونار) بس على حسبة الدوره 30 اسبوع وكم يوم واستغربت ان الفرق 3 اسابيع وقالت ممكن لان دورتج مو منتظمه بس خلج على اول تاريخ عطاج اياه السونار لان هو اضبط شي اما اللي بعده تواريخ تعتمد على اكلج وحجم النونو .. وقالت لي ان الراس نزل تحت ومسكته بيدها وقالت طبيعي الحمدلله .. وقلت لها اني مشيت في دبي كثير قالت لي عالشي يستعد ان ينزل الراس تحت وشي حلو انه نزل لج تحت الحمدلله .. لكن ما نصحتني اكثر من المشي بهالشهر لانها على كلامها تقول السابع اخاف منه كثير .. خلي المشي خفيف وبما تدخلين الثامن ابتدي امشي عشان الولاده تسهل لان قوة رجولج هي اللي بتساعدج في الولاده .. وخبرتها عن الكحه قالت هذا طبيعي خصوصا وقت النوم لما تقومين شرقانه وتكحين .. وقالت اواصل على حبوب الحديد*
الفوليك اسيد وحبوب الزنتك للحموضه ..*

عطتني موعد للسونار بالحكومي بتاريخ 11/9 ميلادي بعد اسبوعين .. وبس

[اعز الناس عافوني]

السلام عليكم
يسعد مساااككم ياااحلى كروشاات
وحشتوني كرشه كرششه ^^
اخباركم وش مسوينن مع النونوات
اناانقطعت بسبب لابي اللي احترب فجأه وبعدها سافرت دبي قعدت 4 ايام
وتوني رجعت امس هالفتره جسمي كله متكسر وتعبانه على ططول
الله يعدي هالشهور على خير
<<ماراح اقدر ارد ع السوالف اللي قبل لاني داخله من الجوال ولسى ماقريتها
اصلا مدري اي صفحه اخر شي قريتها

[غايتي الجنة]

الحمدالله الله يتمم عليك يارب انا مرجعتي الجايه باذن الله اخر السابع تتوقعون تعلمني عن وضع الجنين

طيب بنات ابره الكزاز متى؟؟

[اعز الناس عافوني]

مراوي اخبارركك تمنيت اشوفك هناك هههه
ع طاري المشي انامثلك تقطعت رجولي من المشي
ومن رجعت طلع التعب كله مره وحده
كيف كانت سفرتك ومتى رجعتو ^^

[فل وكادي]

مرحبا يا حلوات
بسألكم هل ابرة الكزاز مهمه لان دكتورتي ماجابت لي طاري عنها

[اعز الناس عافوني]

الحمدلله مراوي. وربي يسهل علينا ^^
انامراجعتي السبت هذا
ان شاء الله بسالها عن ابره الكزاز كل موعد انساها هالمره بكتبها مذكره هع

[غايتي الجنة]

انا بعد اسال عنها انا اخذتها بالثانوي ماادري هم يعطونيها الحين او لا؟؟

بنات الله يعافيكم افيدوني بنسبه لابره الكزاز

[اعز الناس عافوني]

هي نفسها اللي يعطونا ايااها بالثانوي ولافي غيرها
لان انااذكر عطوني ابره بس مدري وش هي خخ

واناسمعت اذا مر على الابره خمس سنوات يعطونك اياها اذا لا مايعطونك