ديوانية البحرين - دردشة حوامل البحرين - البحرينيات

[فرح عمري]

تسلمين حروف يالغاليه على النصيحه

طلعت الكبت كله ولبسته على شان بس اعرق وتطلع السخونه هههههههههههههه

ما فيني شدة مستشفيات وعوس

شكاي بقوم اسويلي عصير ليمون <<< وهذا دواك وعلى الله شفاك

[شمس الصباح]

المشاركة الأصلية كتبت بواسطة حروف عاشقة

ويش هل الحركات يا شموس بس تصبحين على امهات الكروشااات >>> حاطة دوبي ودوب شموس لازم احرها على الرشاقه .... امزح

صبحش الله بالخير والصحة والعافية

إن شاء الله تروحين وتسمعين إلا يسرش بحق محمد وآل محمد ، ويسهل عليش ولادش وتشوفين ملوكتش بين احظانش ..

ااااي على سالفة الكسوف نسيت احذر علووي انه ما يطالع في الشمس بس بعد اشوه ما خبرته عشان ما يعاند ويطالع لانه اليهال كله بالعناد تقولين ليهم لا يطالعون بطالعون .. والله يستر ما ابي اقعد اوسوس ..

هلا حروووووووف بعد عمري والله كل شي ولا الرشيقة تصدقين واني في السيارة قلت لنفسي صبحت بس على الكروشات ونسيت الرشيقات بس قلت يمكن تطوف ولا يلاحظون خخخخخخ

ولا يهمش صباح الخير على امهات الرشيقات وان شاء الله انضم اليكم قريبا

اليوم قالو كل شي تمام الحمد لله اقول الي الدكتورة ويش بولد قريب قامت تضحك تقول ان شاء الله

وعلى سالفه الكسوف اني من أمس عطيتهم محاضرة طويله وعريضة والله يستر

[حروف عاشقة]

فرح عمري

زين تسوين حصني روحش عن البرد :) وما تشوفين شر يالغالية ..

شموس

هلا والله بعد جبدي زين الحمد الله اطمنتين على روحش وطمنتينا وياش يالله هانت ما باقي شي وتولدين بالسلامة ..

ينتت ريلي كل شوي ادق عليه اقول له اتصل للمدرسة قول لهم لا يطلعون اليهال وخلهم يحدرونهم ضرب الوسواس حده .. الله يعدي هل الساعات على خير يا رب

[بنت الأياويد]

صباح الخير ، شخباركم جميعا ؟ فرح ماعليج شر وحروف شخبارج مع التوأم الله يعطيج العافيه ويخليهم لج ، شموسة الحمدلله كلشي تمام بس باقي نسمع خبر ولادتج وبقية البنات شخباركم؟ طف طف شكلها طالعه تشوف الشمس خخخخ لاتقولين حق اليهال عن الكسوف لان لي قلتوا لهم بيطالعون خلوهم على عماهم احسن

[أحلام أم]

مساء الخيررعلى أمهات البيب والرشيقات عن لايزعلون الوالدات
ماعليش شر فرح عمري
إخذي لش من الصيدلية فيتامين سي عطوني إياه في العشرة لمن مرضت وزكمت وسخنت 3 مرات في اليوم هو فوار مع الماي وإذا الزكام سد الخشم مالش إلا قطور راينومر طبيعي حدة أملاح البحر وزين وطبيعي للحامل وإقري النشرة
شمس الصباح
الحمدلله يوم تطمنتين على ملاك وإصبري شوي لين الله يأذن بولادتها
حرووف عاشقه
هلا يأم الكتاكيت ،تصدقين أني بعد ماحذرت ولدي علاووي عن لايطالع في الشمس واللة يستر قلت بتصل بالمدرسة الصبح يحذرونهم لاكن تخييبت وقلت يمكن مايحط باله على عمري لشي
بنتي أمس عطوهم ورقه علشان نحذرهم مايطالعون الشمس في حال الكسوف لأنه يتعب العيوون لاسمح الله ،وقلت ليها وهي تقول الله زين
أباطالــــــــــــــــــــــــــــــــــــــــــــ ــــــــــــــــع
الحافظ الله يختي
تصدقوون أمس ويش حاااادني على الأشغال الشاقه ،كأني نااقصة تعب أمس ركبت فوق سطح البيت عندنا مخزن فيه كل شي من ثياب وكتب وألعاب وعدة أبو العيال المهم ركبت أتسحب تسحيب من المنافخ أدور شي مهم
إلا الباب مال المخزن مفتوح من مدة ولا حد يدري والغبرة تارسة المكانوساكن الغبار على كل شي والمناخ الحلو ماقصر في عدام الأغراض والألعاب وقمت فشيت واقول لحمود روح جييب أكياس سودان الطية كلها وأرمي معظم الأغراض وأني صاكه الخشم عن الغبار عندي حساسية والله يستر حزمت شحنة كيسة وحمود على عمري حمل كيس مو علشان يساعدني يلقط أغراضة بسرعه عن لا أرميهم وقعدت أنافخ وأقول ياربي مين يركب ليي المكنسة لأنه أرضية المخزن مضروبة زولية والله لايراويكم حالها من الغبار والوسخ إللي جمعه الهوى داخل يأست وتالي قمت حولت دايخة وأخرت طباخ الغذى لين 2وننص من التعب وللحيين أهدد أبو الشباب يركب يحول الأكياس ويخم فوق وكل حيين يأجل ياربي هالريال بااااارد شوفو متى يتفرغ بس تصدقوون أشياء واايد إختربت من الرطوبة والمطر إللي دخل وضليت بااقي اليوم إمدده من التعب

[Um Amal]

مسائكم ورد ..

[طفلي حياتي]

السلام عليكم
بنت الاياويد تطنزين عليي اني الشمس انكسفت وخلصت واني نايمه لان مانمت الا الفجر ماقدر اقوم الصبح ابغي اروح السوق ويش اسوي في عمري
حروووف ياهلا والله حيى الله الرشيقه ام الاقمار شخبارهم؟ عباسي وشخباره صار زين؟
شموسه الحمدلله تطمنتين على فرحة عمرش ربي يقومش بالسلامه واحنا وياش
احلام ام الله يعينش اني اذا يصيدني مثل هالموقف انحبط حدي ودايما اقول باااااااااااااال طلع لي شغل ببلاش اهيء اهيء اهيء شغل فارغه منه هخخخخخخخخخ الله يساعدش
بعد من بعد من بعد من امممممم
كلكم كلكم شخباركم وشمسوين؟
فلونتي يلا خلص الدلع تعالي

[حروف عاشقة]

أحلام ام ، بنت الاياويد , طفلي حياتي ، أم أمل

يا هلا فيكم والله انا بخير الحمد الله بس شكلي بمرض ورى عيالي بدى علي الزكام عباس وزنوب الحمد الله صارت صحتهم اشوه بس عدوو لي اخوانهم علوي وكرار ..

وإلي يسأل عن تربية التوأم اصرخ بأعلى صوتي عذاااااااااب ما فيه راحة كلش ولا نوم بس الحمد الله كل ما تشوفينهم يبتسمون ينسوني تعبي ..

واكاني اكتب على السريع لاني بودي اخوانهم العيادة واسمحوا لي للي ما ذكرتهم لاني اكتب على عجل ، نشوفكم على خير

[Roze]

السلام شحوالكم كلكم. امن اني دقت عليي هالفلونزا سدحتني بس اقرا ردودكم واستانس خصوصن هرار طفلي الله يسعد ايامش تدبحيني من الضحك هههههه

[rose soul]

مساء الخير