ديوانية حوامل البحرين

rose soul · 08-12-2010, 02:43 PM

حنين للماضي
انا بعد بطني صغير
ولا جني حامل اصلا
عقب اسبوع بدش الرابع

وام حماني من تروح مع الريل تختفي ههههه

rose soul · 08-12-2010, 02:44 PM

شهيتيني في الجيز كيك

شمس الصباح · 08-12-2010, 04:15 PM

اقتباس:

المشاركة الأصلية كتبت بواسطة rose soul

شمس الصباح سلامتج عمري
ماتجوفين شر
ان شاء الله في عدوينج

ما تقصرين حبيبتي والشر ما يجيش

شكرا على الرد والسؤال

شمس الصباح · 08-12-2010, 04:25 PM

اقتباس:

المشاركة الأصلية كتبت بواسطة حنين للماضي

ماجوفين شر اختي شمس
وبصراحة حسينا بغيبتش
ومو معناته اذا ما كتبنا شيء ان انتي مو في بالنا
عسى ربي يعافيش ويبعد عنش كل سوء
أختي شمس عرفتي جنس الجنين؟؟؟
وبما تنتي نفسي بالضبط بطنش كبير لو عادي؟
لأن بطني شوي صغير وخايفة نوعاً ما

وعلى طاري ام حماني لاحظتوا اختفت من راحت لزوجها

بقوم اسوي جيز كيك خاطري في عدل

هلا خيوتي مشكور على السؤال اي الحين الواحد يقدر يفرح اشوي في ناس تسئل عنه

لا بطنى زين ما يبان بالعبايه بس اتعمد بالبيت البس سبورت ضاغط ابغي اطلع غصب بطني

بس انتي بكرية عادي يصير بطنك صغير في البيبي الثاني يصير اكبر وفي ناس يكبر بطنهم مرة وحده في السابع

على طاري جنس البيبي ان شاء يوم السبت بعرف لان عندي موعد في الخاص ويوم الأحد في المركز الصحي بس ان شاء يبان مشتاقه وايد اني اعرف خاطري اروح اشتري ملابس صغيرونه

شمس الصباح · 08-12-2010, 04:30 PM

انا من ادخل المنتدي ما الاقي احد واليوم حملت اللاب توب معاي المطبخ قلت يمكن اصيد وحده في الديوانية قاعده ادردش معاها

بس اظاهر ما في احد

شمس الصباح · 08-12-2010, 04:31 PM

بروح اسوي حلا للفطور

rose soul · 08-12-2010, 04:55 PM

عدنـــــــــــــــــــــــا هل من مجيب
^_^

حنين للماضي · 08-12-2010, 05:17 PM

هلا حبايبي
يلا شمس اعترفي شنو طبختي اليوم؟؟؟
وان شاءالله تعرفين جنس البيبي وتفرحين

حبيبتي روز شكلنا كلنا نفس الحالة يمكن نفس ما قالت شمس لأن بكريات
وعلى طاري جيز كيك ترى حده سهل
اذا ماتعرفين خبريني بقول ليش وسوي
لا يصير في البيبي شامه وتحطين اللوم علي

الفتاة الذهبية · 08-12-2010, 05:23 PM

هاي كروشات شخباركم ؟؟

امس رحت موعدي سوري ما دشيت امس عشان اطمنكم

سمعوني نبض البيبي وقاسوو بطني وجيكو الضغط والوزن
وجيكو ابوال عشان يتأكدون فيني التهاب او لا وجيكوو دمي
طلع دمي ناقص كان 13 وصار 10.6 وقالوو لازم الموعد الجاي
دمي يكون اوكي عطوني شنو الاكلات الي ترفع الدم ؟
عطوني حبوب فوليك و حديد

rose soul · 08-12-2010, 05:41 PM

حنين للماضي فديتج هههه
لا انا ما اطبخ...لحين مافيني شدة على ريحة المطبخ والاكل هههه

الفتاة الذهبية
هذي ثاني موعد لج مو؟
يعني انا بسون لي جذي عقب شهر
انا بعد اول موعد دمي ناقص
وقالو لي كثري من السلطة والتبولة ترفع الدم والجبود بعد