تجمع اللي بيولدون في شهر ذو الحجه

[Dado]

كيفكم حبايبي وخاصة المناضلين
الف مبروك لكل اللي ولدو وحمد الله عالسلامه

يللي لسا ماولدو لا تستعجلو والله كلو بوقتو
انتو زعلانين لانكم طولتو وانا زعلانه لانو نونتي استعجل مرررره
والله شعور مررره معفن وتحسي بتأنيب ضمير وانو انتي السبب بكل شي
حاله نفسيه مستعصيه.. خاصه لما افتكر انو احتمال كبير تتكرر نفس الحاله والله مررررره اتضايق.. زوجي لما يشوفني متأزمه يقللي خلاص واحد كفايه بعدين ليش تفكري لبعيد خلينا نفضى للي عندنا بالاول
عشان كدا احمدو ربكم الواحد لما يشوف مصيبة غيرو تهون عليه مصيبته

[Dado]

طفله والله ماعندي خبره ياريت اقدر افيدك
انا ماكنت احس بالخيوط مادري هيا كانت مسويتها على جوا ولا كيف
بس الحمدلله طابت بسرعه

انتي لا تشيلي هم وانشالله مافي شي

[اجوان]

زهره,,
اخدتي اسبوع من العاشر ومن دحين تفكري بالولاده ههههههههه
انا احس الوحده تكون كل ولاداتها على حسب ولادتها الاولى ..

ليال,,
شوفتي كيف انا قويه هههههههههههههههه
لا بس صراحه قلت مااعرف اخاف مااستفيد منو ولا مايضبط المقاس ترددت وقلت خلاص بس تجي عالارض انشالله نشتريلها دحين كفايه الملابس اللي شريتها..

[لياليـ]

دادو هلا فيك

الحمدلله على كل حال ننتظر الفرج من عند ربنا ولاتضايقنا الا من الثقل وضيق التنفس لان الجسم مكور على فوق بس الحمدلله على كل حال

وانتي احمدي ربك وان شاء الله ايمن بيكون بصحه وعافيه لما يكبر وتجبين له اخو او اخت يملوا البيت عليكم

ومو شرط التجربة تتكرر كل ولادة بالسابع لا ان شاء الله يكمل الجاي للتاسع

[اجوان]

دادو كيفك يابت وكيف ايمووون ..

احنا مو زعلانين احنا تعبانين والله الشهر التاسع دا كوم ثاااااااااااني ثقل وكلك تصيري بطن وكل شي يعورك وماتقدري تنام كويس يعني والله لو عالولاده خلاص متى ماجت جات بس التعب هلكني الجلسه تتعب الوقفه تتعب النوم يتعب كل شي يتعب..
لمن تنامي كل خمس دقايق تصحي وتوني من التعب والثقل يارب اجرنا ياكريم..

[هيووونه]

سلااااااااااااااااام كيفكم انشاءالله تمام

[لياليـ]

والله يانتي شيء يا اجواااااان قويه ههههههههههه

هيونه هلا والله فيك كيفك ؟؟؟

[اجوان]

هلا هيونه كيفك؟؟

[حبيبة موني]

ليالي من جد دمهم تقييييل نوناتنا يااربببي منهم

حتى مابزوجها عصبت منها خخخخخخخ

دادو مو شرط ،، بنت خالتي جابت بنتها التانيه في السابع والبنت اللي بعدها جابتها في التاسع عادي

[حبيبة موني]

اهليييين هيووووونه اخبااااااااااارك