حبيباتى سيدات ليبيا تفضلو لأعرف ما حالكم

[dr.loly]

المشاركة الأصلية كتبت بواسطة أم أجنادين 80

ام فرأس انتي قلتي سالتيني أكثر من مره
انا ماشفت الا مره وحده سؤالك وجاوبتك
بس الباين ماشفتيه زي ماشفتيش المواقع اللي حطيتها
وسؤالي ليكم ثلاث مرات سألته
وجاوبت سوسو بس
او حتي انا ماشفتش اجاباتكم
انا في الفتره الأولي من جيتنا لأمريكا ماقريتي كل الصفحات
ولا كل الردود

لا والله 3 مرات سألته ...؟؟

وماعرفتش الجواااب لتوا وعادي قلت يمكن مش حابه تقول شن تدرس مع ان كيف ماقلت نحسه الامر عادي .. ان تقولي شن تقري انت وزوجك

انا نحب المراه المتعلمة والطموحه في اكمال تعليمها لذلك

كنت حابة نعرف تخصصك خصيصا اني مش عارفه اصلا شن تخصصك من الاول او من شن متخرجه

بالنسبه للمواقع اول مرة نعرف انك حطيتي مواقع او استفسارات ماجاوبتها


بالعكس انا نشوف ف كل الصفحات تقريبآ ..

ونجاوب ع كل الاسئله اللي موجهتلي خصوصآ او للجمــيع


بس برضه نقووول يمكن المنتدى بدا يخرط لان في ردود للبنات تتكر مرتين يمكن تغطي ع ردود اخرى ....؟؟ والله اعلم


هو المنتدي بصفة عامة في حالة صيانه

بس نأكدلك اني لاشفت اجابتك ولا استفساااراتك

[جوهرة ليبيا]

ياااااارب هدي البلاد والعباد

صوت الرصاص والدنيا حاله ربك يستر وخلاص

[جوهرة ليبيا]

كيف حالك جنوده ربي يوفقك في قرايتكم ويسرلكم اموركم

[أم أجنادين 80]

وين الرصاص جيجي
ربي يهدي

[جوهرة ليبيا]

شموسه ربي ايعاونك

وردي بالك تعبي روحك حامل ومسؤولية طفل داخلك

ان شاء الله اتكون عزومتك زي ماتبي واحسن

[جوهرة ليبيا]

اثري مصحه السرور يشكروا فيها

احتمال انجيب فيها شن رايك

بس قالولي الدكتورات الكبار اللي فيها ميولدوكش الا لو اتابعي عندهم

[شموسه 88]

جنوده اوجيجي كيف حالكلم
اثري لاباس عل عللولي


جنوده اه زوجي امكلم حتى اصحابه وان شالله ربي يسترني

[dr.loly]

مشغووووولة على امــــــــولة


زعمة جااابت؟؟؟؟؟ ربي يطمنا عليهاااا

[dr.loly]

وين هدـــــية



هدوووووو


هدهد





دودي






يا ام سِمــــا وينك؟؟؟

[هدية الخالق]

السلام عليكم ورحمة الله وبركاته
كيف حالكم كلكم ان شاء الله تكونوا بخير
فروسة تسلميلي ياقلبي اللي سألتي عليا وفقدتيني ان شاء الله ماتفقدي غالي والله اني قاعدة وكالعادة جري وراء سوما وخلاص لما ترقد قريب ندير عرس ونعزم كندا كلها هههههههههه
لكن والله مزات نبدأ شادتها ونقرأ في هدرزتكم من التليفون ومايصحليش نكتب وقتها
شن أخبارك انتي وآخبار فروس ولولي شن دايرين معاك خصوصا لولي نحس فيها هادية لأنك ماتحكيش عليها هلبة وعلى مغامزتها ماشاء الله ماشاء الله ماتقوليش بعدين عينتها صح عيوني ملونات لكن مانعينش هههههههههه