اهلا باهل الجود والكرم **اهلا بسيدات ليبيا**

[جوهرة ليبيا]

السلام عليكم ورحمه الله وبركاته

فروسه الف الف الف لاباس عالغالي فراس والحمد لله علي سلامته وربي يحفظه ماهي رعشه نقرا ونرعش

والحمد لله علي كل حال

وربي يحفظهم

[خوله 2014]

المشاركة الأصلية كتبت بواسطة خوله 2014

يا بنات حق اليوم كنت عند دكتورتي وقتلي العيل قاعد راسه فووق وقتلي عندك تلات خيارات يا اما نولدوك وهو بالوضعيع هده لكن مرات حيكون خطر شويه عليا وعالبيبي او ناخدلك موعد في المستشفي ونلفوه (تلفه الدكتوره تقلبه يعني ) او العمليه والله لين اضايقت وراجلي قالي لاحظت ان في حملك هدا ما تتحركيش هلبا زي حملي الاول معادش عارفه حايسه في بعضي وخلاص بالله مني صايرلها زيي البيبي متاعها راسه فوق وشن درتي وكيف صار معاك
نستني في ردودكم

اين انتم يااا قوم

[خوله 2014]

المشاركة الأصلية كتبت بواسطة هدية الخالق

يا بنااااااااات حسني خايفة توا لقيت نازل مني شوية دم خفيف مع مخاط وصفته مش زي دم الدورة
زعما هادي الدورة جت والا علامة حمل ولا إجهاض لا سمح الله وظهري مفتوووووح منموت منا
أحسن حل نمتد ونرتاح نين نشوف شن يصير

ان شاء الله لاباس اختي هدية وردي بالك علي روحك حسب علمي والله اعلم ان هدا شيء طبيعي يصير لان جارتي حتي هيا في حملها التاني ينزل عليها دم كانها دوره ولما عاينت القوها حامل ووضع الجنين ممتاز وتوا هيا في السادس وانتي بالك هده علامه حمل بوليد ما تندريش وربي يكمل حملك علي خير

[جوهرة ليبيا]

هدهد ياريت اطمنينا عليك

سوسو وام معاذ كيف حالكم اليوم

[جوهرة ليبيا]

خوله حبوبه حاولي اتكثري من السجود حسب علمي يقلب العيل

وموضوع ان تقلبلك العيل استخيري فيه وان شاء الله خير

سامحيني اني عندي جميع اعراض الولاده الطبيعه من كل النواحي ومع ذالك ربي يكتبلي عمليه

فان شاء الله البنات ايفيدوك

[خوله 2014]

المشاركة الأصلية كتبت بواسطة dr.loly

السلام عليكم ورحمة الله وبركاته

ان شاء الله تكونن كلكن بخير اخواتي الغاليات

امس تعرضت لموقف الله لا يجبه لصغاركن

فراس طاح ع زاوية الدفايه وفتحت جبهته وجنبي كان
ف دفاية المطبخ العيل بكا لدرجة قلبي انقبض برمت
ف لحظة يابنات وبدون مبالغه لقيت وجهه كله دم يسيل

معش عرفت شن اندير رغم اني دارسه طب ونزيف بالتفصيل
لكن ف اللحظه هذه نسيت كل شئ وجسمي كله قعد يرعش
وهو يبكي باعلي صوت ويبحت ف دم لي يسيل ع وطا جيت رفعته
وقعدت نحط ف مية مسقعه ع جرح تحت الشيشمة والدم يزيد
وبعد بان عليا الجرح عميق خلاص والله لا قريب دخت

ارضيه المطبخ كله دم بيجامته كلها دم

لابسه روب وردي هادي اكتوفي لبطني كله احمر قعد


بنرن ع باااته نرعش معس شفت شئ ونقال كله دم والله بدون مبالغه

حطيت راسه تحت الميه المسقعه هذا شئ لي اذكرته ان المسقع يقبض الاوعيه الدمويه اسرع

والاء تزحف ف وسط الدم ورعش مسكين حتتى هو يبحت فيه ومفجوووع


معش عرفت شن ندير اذا كان رقم وزوجي راسي يبرم معش عرفت نطلع

خصيصا ان السجل امتسح ف صبح بروحه
قعدت نستغفر ونحاول نهدي نفسي لين دورته ف قائمة ورنيت ماردش قاعد ف محاضره..

دزيت مسج بعدها كلمني بسرعه ..وجا بعد ربع ساعه بيش حصل تاكسي
هو ووصاحبه..
وشالوه المستشفي

وياما صار فيا بعدها انهرت وكلمت خواتي وقتلهم ماتقولهش لماما

حسيت روحي بنبكي عند حد انخنقت

العيل كان يلعب يالايا ونرد عليه ف حروف متعلمهم ويضحك
فجأه انعكس كل شئ


وباته ف مستشفي قعد يبعثلي ف صوره يلعب ف حضانة اطفال
ف انتظار

وبعدها قالي يراجوا ف اخصائية جروح الاطفال

شافوه دكتورين وطمنوه وقالوله يديروله لصقة جرح تلمه
لان الاطفال مايتخيطوووش

افتكينا من علامه الخياطه والحمدللله ..

قالي نظفوا جرح بعمق للحم والعظم وصبوله حاجة زي لصقة الاميره بخامتها
وسكروا بلصقة من برا
وقالوا تقعد يوم ونص اقل شئ

وعطونا كرت اصابه راااس فيها بعض الاعراض لوصارلنا نحيبوه بأسرع وقت
وهذه قصة فروسي ورعشتي عشية امس


والحمدلله الحمدلله يااااارب


ولنقانا ف روضه ركزوا عليه واجد امس من حبه للكتب والقصص
قالولي مش نفس الاطفال ف عمره ..

الحمد لله علي سلامة وليدك يا دكتوره وما يشوف شر ان شاءالله

[خوله 2014]

بارك الله فيك يا جيجي وربي ما يحرمنا طلتك

[جوهرة ليبيا]

ولامنك ياخوله ياعسل


شن غداك ؟؟؟ او شن امفكره اديري غداك ؟؟؟

اني رشده كسكاس بالوطني <<<اني انحب اللحم الوطني بس عقلييييي

[dr.loly]

الله يسلمكم اخواتي جيجي وخوووله
بارك الله فيكم..

وصحة الرشدة جيجي ادتديري فيها انتي او تجيبي فيها واتيه

لاني انفكر نشري ماكينتها جاي خاطري فيهااا


وغدايا نا قلايا كبدة عشان فروسه يعوض الدم,,
وسمبوسه عندي واتيه ف فريز
وبطاطا مقليه يحبهاا حبوبي الصغير
وحتي هي واتيه فرنش فرايس(مقالي فرنسيه)

الحق نحس في روحي مازال مش قادره ندير شئ

[dr.loly]

بنات حق اليوم كنت عند دكتورتي وقتلي العيل قاعد راسه فووق وقتلي عندك تلات خيارات يا اما نولدوك وهو بالوضعيع هده لكن مرات حيكون خطر شويه عليا وعالبيبي او ناخدلك موعد في المستشفي ونلفوه (تلفه الدكتوره تقلبه يعني ) او العمليه والله لين اضايقت وراجلي قالي لاحظت ان في حملك هدا ما تتحركيش هلبا زي حملي الاول معادش عارفه حايسه في بعضي وخلاص بالله مني صايرلها زيي البيبي متاعها راسه فوق وشن درتي وكيف صار معاك
نستني في ردودكم

مرحبا عزيزتي خوله .. وتسلمي ع طريقه الحلوة للبقلاوه..
وان شاء الله ربي يتمملك ع خير..

بالنسبه لوضع البيبي ردي بالك تولدي وهو بالعكس انحس فيها مخاطره شوي
مع ان زمان جداتنا كان يولدن ولادة الفارسيه اي الجنين ينزل برجليه
وعمتي (ام زوجي) عندها 3 اولاد فارسييين وبنت ..


بس ننصحكـ تعدي وتحاول تقلبه لكي دام عطوكي الخيااااار هذااا
لان في في الأسبوع 38 بعض الأطباء يستطيع أن يقلب الجنين بعمل مساج بطريقة معينة ومراقبة وضع الجنين بجهاز السونار


ومع ذلك عليك بالحبووووو او المرد (الزحف زي الصغار)

هذا له مفعول كبير في المساعده ع قلب الجنين
وكذلك الاكثااار من السجود وقت الصلاه


نا ف فراس من السادس ل الثامن كان جالس ديما يقولولي
وساعدني الحبوو ونا نكنس ف الفرشه بالكمنسه الصغيره كل واحد يقولها ف
اسم اكيد عرفتيها وكذلك كثر الاستغفار واطاله السجووود ف الصلاه..

وننصحكـ تقري هالموضوع كويس اكيد ح يفيدكـ

ونا ثبته في القسم لاهميته
http://forum.hwaml.com/t288451.html