ديوانية حوامل البحرين

[أم حماني]

انا قلت لكم من قبل .. الاسبوع كله بيت ابوي بس بالويك اند اروح معاه ... بس المشكله الحين صار يرجع من وقت من الشغل .. يعني وحدة مخلص قبل يخلص العصر ... اليوم اتفقنا اتفطر بيت ابوي واهوة بيت ابوه ونروح التراويح نصلي وعقب بيوديني اي مجمع امشي.. بس عقبها مابيرجعني بيت ابوي لانه ويك اند خلاص .. بروح معاه وبتفطر معاه باجر واللي عقبه اهيء اهيء اهيء ,,, اهمه طباخهم حلوو بس المشكله عندهم ازمة انه الخدامه سوت لها دقه قبل رمضان وسفروها وانا استحي اكل وما اسوي شي .. فشيله وريلي مستحيل يرضى اسوي اي شي ,,, بقترح عليه نروح نتفطر عند وحدة من خواته ,,, الله يعدي هاليومين على خير

[بنت الأياويد]

الله بيعديهم ان شاء الله على خير ، انزين على الاقل سوي نفسي شيلي الصحون عقب ماتخلصون وخلاص انج سويتي شي

[أم حماني]

اهل ريلي وعليه وايد طيبين ...مابيخلوني اسوي شي اصلا ومافي الا حماتي وحدة اهيه اللي تطبخ وتغسل وكل شي ...يعني انا اتفشل وايد حزتها,, انا خليت امي تسوي سمبوسه ,, عشان اوديها معاي ... تخف الفشله شوي هههههههه ,,,

[أم حماني]

فاصل ونواصل

[حنين للماضي]

ام حماني اني احب الطباخ وبصراحة زوجي كله يقول لاتطبخين وارتاحي
بس اني احب اسوي حركات يعني
اليوم سويت بيتزا خضرة بالمرتديلا
ان شاءالله تطلع اوكي
بيت جيرانه جابوا ورق عنب خاطري فيه عدل

[شمس الصباح]

يعني جدي هاااااااااااااااه

محد سئل عني ولا افتكر فيني غبت لي ثلاث ايام

كنت مريضة

الله يسامحكم

[بنت الأياويد]

صباح الخير شخباركم عقب اول يوم صيام انا اول ماتفطرت وايد تعبت دقات قلبي قامت تدق بسرعه تقريبا ساعة وشي والياهل ماشاء الله يتحرك بسرعه شكلها كانت يوعانه وياها الاكل بس وايد خفت ماخف علي الا يوم شربت شوي ماي ورد وماي زمزم وان شاء الله اليوم يخف

[rose soul]

السلام عليكم
شخباركم اليوم
؟
احس اليوم طويل على ما يأذن المغرب...بطني يعورني يبي ياكل هههه
بس احمد ربي ان الله مصبرني ومخفف علي
واحس النساة شوي شوي تروح
الحمد لله لك يااااااارب

[rose soul]

شمس الصباح سلامتج عمري
ماتجوفين شر
ان شاء الله في عدوينج

[حنين للماضي]

ماجوفين شر اختي شمس
وبصراحة حسينا بغيبتش
ومو معناته اذا ما كتبنا شيء ان انتي مو في بالنا
عسى ربي يعافيش ويبعد عنش كل سوء
أختي شمس عرفتي جنس الجنين؟؟؟
وبما تنتي نفسي بالضبط بطنش كبير لو عادي؟
لأن بطني شوي صغير وخايفة نوعاً ما

وعلى طاري ام حماني لاحظتوا اختفت من راحت لزوجها

بقوم اسوي جيز كيك خاطري في عدل