دردشة حوامل أهل الرياض - دردشة بنات الرياض - تجمع حوامل الرياض

[بوح المشاعر]

وابي اسئل عن افضل وارخص دكتوره تسوي اشعه رباعيه اللي تبين شكل وجه البيبي ونوعه

شوفي ياقلبي انا بحملي الاول كنت بسويها بس توي داخله الثامن
كنت بصوره بسدي اشاعه رباعيه عند مستوصف الجزيره
قلت بسوي لك اشاعه عاديه لا ن الجنين كبر وحركته قليله بس تدفعين فلوس ماتستفيدي شي
المفروض جايه من اخر السادس

[$حبيبة زوجي سطومي$]

تسلمين ياعمري بوح
انا والله اول حملي كنت مطمئنه
حتى امي الله يجزاها خير عطتني كتاب اللي فيه ادعيه وايات تسهيل للحامل
بس الحين باديه اخاف لان لحد الان ماقررت وين اولد
الجامعي الاربعاء بعد بكره بيعطونا الرد بالقبول او بالرفض
وعساهم يقبلوني لاني مدري مرتاحه لهم
احس احسن من الشميسي وسلمان

بخصوص الاشعه انا كثير قريت افضل شي تسوينها نهاية السابع او بداية الثامن
لان يكون بانت ملامحه كلها
لان وحده سوتها بالسادس تقول مابان شي فيه من ملامحه
ومشكوره ياعمري
والله يهون عليك ولادتك يارب وولادتي
ومو عاد كل من شفتي قلت له اني ولدت بالاول ماحسيت بالتعب
ياشيخيه لتجيك عين تروحين فيها بسم الله عليك
ههههههههههه

[جذابه]

مساء الخير كروشاااات
وحشتووووني من زمان عن الدردشه الله ايام زمان كنت كل شوي ناطتة لكم بسؤال
الحمدلله ولدت وولادتي كانت مرررررررره ميسره وسهله الحمدلله بعد ماكنت بجن من التفكير بالولاده
عطر بمااني خبره بقوى الامن باارد عليك عاد ياختي كلهم الدكتورات زي بعض كل موعد تسدحك وتشوف النبض وتكتبلك حديد وكالسيوم الدولاب حقي كله حبوب حديد وكالسيوم والاشعه يسونها مرتين بس وبعد مايعلمونك بجنس الجنين عاد نجي الولاده انا طول فترة حملي اراجع عندهم وقت الولاده جيتهم وشافو الرحم كم فاتح وحولوني ع مستشفى الدكتور احمد باانمي قمه ف الرررررررررررروعه هذاي ميزتهم والله يابنات روعه هالمستشفى عنايه واهتمام الولاده مادري شلون ماحسيت بشي ماعطوني ابرة ظهر عطوني ابرة عظل قسم قسمات جونان ماصدقت اني ولدت بدون عواااار والخياطه روعه ولدتني دكتوره سوادنيه طيووووبه وشلة ممرضات كانو مره يساعدوني ويشجعوني برفوووووو يلا اقوى هيييييييييييييييه لما طلع
والعنايه روعه كل شوي تجي ممرضه تشوف تشيك ع الخياطه وكل شي والدكتوره بعد تجي تشوف الخياطه قبل مايرخصونك ونظافه وممرضات عسولات >>>مصختيها محد سئلكحبيت اقولكم تجربتي مع قوى الامن بنات الله الله بالاستغفار وسورة الزلزله عجيبه وبعد انا تهورت ومليت من الانتظار وشربت زعفران شربته الصباح وولدت الظهر قريت عنه انه يحمي الطلق وفعلا شربته الصباح ونمت قعدت الظهر ع طلق حاااااااااااااااااااامي كل عشر دقايق ماطولت مشاءالله اخذت ثلاث سااعات بس وولدت وجبت احلى روان بالدنيا

[ام شوق2]

وا نا اخت جديده لكم من الرياض وفي نهاية الشهر السادس واتابع حملي في المستشفى العسكري والتجهيزات باقي بدري عليها اسئل الله الكريم ان يسهل لي ولجميع الحوامل

[{ يا كُل مآملك ,,]

اهلا حوامل اخباركم
انا الحين بكمل الشهر الثالث مين معاي تتابع بمستشفى المملكه ؟؟

[عطر وقمر]

مساااء النوور ام روونه

ماشاء الله تبارك الله

الف الف الف مبروووووووووووك حبيبتي والحمد لله على سلامتك
وسلامة روان

الله يقر عينك بصلاحها

الله يجزاك كل خير ويووفقك يااارب
رحتيني الله يرحك دنيا واخره انا جديده على الرياض مااعرف فيها شيء

بس كيف عن فتح الملف ونظام المرجعات معليش غلبتك معي

[جذابه]

عادي حبيبتي تامرين امر فتح الملف دقي عليهم واحجزي موعد نساء وولاده عاد انتي وحظك عند اي دكتوره انا دكتورتي كانت هنديه دقي الساعه 7 الصباح وقت المواعيد الله يسهل عليك واي سؤال انا حاضره

[قمر ماجد]

يارب تمم علينا وارزقنا الذريه الصالحه
وهون علينا يارب
يارب ياارحم الراحمين ارزق كل محروم بالذريه الصالحه

[$حبيبة زوجي سطومي$]

حمدالله على سلامتك ياجذابه
ومبررررررررروك البنوته الحلوه اللي يخليها لك يارب
وربي اقرى كلامك كله جونان واضحك بعض المواقف تضحك
طيب حبيبتي مستشفى ابانمي هذا وينه فيه موقعه وهل خاص والا حكومي
وكم الولاده والخياطه وكم اخذو منك مع الكشف والتحاليل والكشف على البيبي
وعلى فكره كثييييييييييير يمدحوووووووون الدكتورات السودانيات بالولاده يقولون خياطتهم روعه ترجعك بنت على فكره وش اسمها اللي ولدتك وهي نفسها اللي خيطتك والا غيرها
وقوى الامن وشلون حولوك انا اخبره مايفتحون ملف الا للي يشتغل زوجها عندهم والا واسطه
واشوى مااخذتي ابرة ظهر لان كثير يذمونها لها اعراض خطيره مستقبلا
وبسئلك عن سالفة الزعفران متى اشربه وشلون طريقته
اخاف اشربه قبل حلي واتوهق خخخخخخخخ
واسفه على الاطاله حبيبتي

[عطر وقمر]

يسلمووووو حبيبتي جذابه

ماقصرتي

موفقه يااارب