تجمع الجزائريات المتأخرات في الحمل و أهلين بالتونسيات الغاليات

[lamia zina]

توحشاكم البنات امة الرحمان ربي يعوضك و اله غير امر مؤسف و لكن قدر الله ما شاء فعل
صبورة اهلا بك و راني قريت و عرفت بلي اختك تحسنت الحمد لله و انت كلش جديد و قتاش ديري التلقيح.
اترج واش احوالك مادابيك تعطيني الوصفة تع ضعف التبويض و انت وعلاه ما جربتيش التلقيح الصناعي .
باقي البنات كيفكم..الامومومة ما راهيش تدخل غير الخير

[عبير الحرية]

اهلا لبنات

صبورة ربي يشفيها اختك بلا تخفيف ذنوب ان شاء الله و دعاوي الخير وراها

طهورا ان شاء الله

و انت واش احوالك

سهام واش بيك تقولي راني مريضة غير الخير

امة لازم تروحي تديري ايكو باش تصفاي مليح

ما تقوليش هكذاك ربي يكبرنا في طاعته

خولة واش احوالك و العيايس نتاعك

نور الهدى واش نقولك مادامني حابة نرجع نخدم وراجلي ما حبش ما راهيش رايحة تفرى

مريم غاب حسها ربي يسترها

نوال و لمياء و ام عبد الرؤوف و الزعفانة ام صهيب و ام بلقاسم و ندى ونور اليقين الما امومة

وصال عندها ياسر ما بانتش

[عبير الحرية]

ههههههههههههه لمياء تموتي عجوووووووووووووووزة انا نكتب في اسمك و ضفت الرد و انت خرجتي قدامي

عمرك طويل

[lamia zina]

المشاركة الأصلية كتبت بواسطة عبير الحرية

ههههههههههههه لمياء تموتي عجوووووووووووووووزة انا نكتب في اسمك و ضفت الرد و انت خرجتي قدامي

عمرك طويل

ههههههههههه قتلتيني بالضحك عبير شوفي اذا ما خلاكش راجلك تخدمي ما تخدميش و اذا جاك عرض عمل مغري شوفي معاه غير بشوية و ساعفيه .حتى انا نخدم و اطار في شركة كبيرة و معروفة بصح كي قالي حبسي ما نحبكش تخدمي و الله غير حبست و الناس كامل حارو فيا و لكن راحت البال اظن احسن و ما رانيش ندمانا

[عبير الحرية]

Maher Zain - Number One For Me | Official Music Video - YouTube

اليكن جميعات و لماماتكم ربي يحفظهم ياااارب

و لماما اغلى و اجمل ام في الدنيا

[حياتي قمراتي]

سهام ما زلت مجبتهمش ياك راكي مليحة
نور الزينة ياك لاباس و الخدمة ماشيه مليح ؟
عبير كل يوم عندهم و نوحشهم بزاف النهار الاول محسيتش بصح مبعد ولاو يغليولي في قلبي هههه واشراكي انت و ليلك ؟
لمياء حنونة على السلامة امومة معندهاش الناث في دارها نهار كانت معانا كانت عند ماليها
يا رب تفرح هاد الشهر و تفرحو كامل

[عبير الحرية]

معليش خولة لبنات لازم يكبرو شوية في السبيطار اضمن

يجيوك و يشيبولك شعرك نهارها تفكريني ههههههه سجي روحك

لمياء انا ثاني كنت نخدم و نموت على خدمتي خدمت 7سنوات و على جالو حبست

خاطر حبيت نخرج من السيرفيس و نخدم نتاع كل يوم خير

و من بعد ما ولدت وعدني يجيبلي بوست راني نستنى

ماديا ما خصني والو بالصح راني نحس في روحي تافهة

ما نيش ندير في والو و انا نحب نكون نافعة نكره نعيش على الهامش

[حياتي قمراتي]

عبير معليش يشيبوني غير يجيوني برك ههههه
و ليليك واش راهي تدير
على فكرة عجبني بزاف اسمها و ثاني مكانش نادر ولا منعدم ههه منين جبتيه هايل ؟
الا عندك فيس بوك قوليلي واش اسمك باه ناجوطيك

[basouma26]

لبنات صحة عشاكم
عبير انا اسمحيلي ما باركتلكش مبروك عليك الحمل و الله يثبتولك و يفرحك بيه بصح نوصيك الزعاف ماشي مليح انا طلعتلي لاطونسيون ببنتي على بيها قلعوهالي قبل وقتها و الله هاد الرجال هوما اللي راه يجيهم لوحم و بالنسبة لبنتك الله يحفظها تهبل
صبورة اختك و الله غاضتني مسكينة يجعل ابنها طير من طيور الجنة و الله يشافيها ان شاء الله و ربي يعوضها و يرزقك انتي تاني ان شاء الله
خولة بناتك زادو قبل الوقت و لا واش

[عبير الحرية]

ربي يخليهملك ياااااااارب

ليلك راهي راقدة

كنت بالحمل قالي راجلي طفل نسميه انت و اذا بنت تسميه انت

لما بانت طفلة كثرت الدباير عجوزتي تقولي سمي لجين و بنتها قاتلي سمي افنان

ماما قاتلي سمي سمر و خواتاتي قالو جوري

المهم انا كنت ضاربة الخنسة

نحوس في انواع الزهور عجبني جوري بالصح كاين بزاف

لقيت كادي و ليلاس

بانولي غربيين شوية

اختي عندها صحيتها يمنية

في الفيس شفتها اسمها ليلك قلت لوفاء واش معناه قاتلي نوع من الزهور

ثم قررت في نفسي نسميها و دخلت و شفته و عجبني ما قلت حتى لواحد نهار رحت نولد و انا نبكي من الوجاع و راجلي معايا

تفكرت قتله راني حابة نسمي ليلك

من الخلعة عليا قالي سمي واش تحبي

هههههههههههههه الناس كامل دارولي الملاحظة بالصح انا عاجبني خالف تعرف

نزيدلك ما بغاوش يسموها في البلدية حتى راح راجلي للمير


كسرتلك راسك ببنتي شفتي واش دارت فيا