دردشة حوامل مصر - دردشة بنات مصر - تجمع حوامل مصر

دودى اشرف · 10-16-2010, 07:12 PM

هههههههههههههههههههه ... بس انت مش بترغى هنا خالص .... ولا العكس اللى بيحصل .... احنا بقينا رغايين وانتى بطلتى رغى ... يمكن علشان انتى فى مصر

دودى اشرف · 10-16-2010, 07:16 PM

اقتباس:

المشاركة الأصلية كتبت بواسطة رنا خالد

لو ع الرغي انا كنت قبل الجواز مابفتحش بؤي
دلوقتي مابفقلهوش والله من كتر الرغي لما انا صدعت من نفسي ههههههه
وبجد انا بعذر كل البنات المتغربه بعيد عن اهلها وشكلي كده هاحصلكم واتغرب قريب وربنا يعين الجميع في الغربه
بس البيبي لما يشرف هاينسينا اسمنا وهاننشغل شويه واهو يمكن نبطل رغي وجوازتنا تتعتق من تحت ادينا
وحابه اتعرف علي كل واحده فيكم اكتر
ايه رأيكم كل واحده تحط سي في عن نفسها يعني سنها
وامتي اتجوزت وامتي حملت وهوايتنا وكل اللي حابه تقوله وكده يعني واهو نقرب لبعض اكتر ونعرف نرغي علي راحتنا هههههه

هههههههههههههههه ... والله فعلا الغربة دى حاجة صعبة ربنا يعينا جميعا ويوفقك يارب ... وفعلا البيبى لما ييجى هيلهينا شوية ويمكن منعرفش ساعتها نتكلم مع بعض ... هههههههههههه ... وحلوة فكرتك اوى انا كنت بفكر فيها ..بس قلت كل واحد يحكى حاجة عن نفسه يعنى ... موقف معين مثلا اى حاجة ... بس ابتدى انتى ... لان انا اكبر واحدة فيكم وانا الاخيرة بقى

رنا خالد · 10-16-2010, 07:29 PM

والله يادودي انا حاسه بيكم وان شاء الله ترجعوا بالسلامه لمصر
ابدأ بالكلام عن نفسي
اسمي رنا عندي 23سنه
متجوزه من 8شهوروخمس ايام
حامل في الشهر السابع في بنت هاسميها جودي ان شاء الله
معايا ليسانس اداب علم نفس جامعة حلوان بتقدير جيد
هواياتي كتابة الشعر والقراءه
عايشه في مدينة نصر
وبحب جوزي و الحمد لله
ومستنيه ميعاد الولاده بفارغ الصبر
ههههههه كفايه كده لحسن انا لما بفتح مبعرفش اقفل خالص
ووصلة الرغي دي هاتخلي الرز اللي ع النار هايشيط

دودى اشرف · 10-16-2010, 07:31 PM

انتوا روحتوا فييييييين

دودى اشرف · 10-16-2010, 07:34 PM

اقتباس:

المشاركة الأصلية كتبت بواسطة رنا خالد

والله يادودي انا حاسه بيكم وان شاء الله ترجعوا بالسلامه لمصر
ابدأ بالكلام عن نفسي
اسمي رنا عندي 23سنه
متجوزه من 8شهوروخمس ايام
حامل في الشهر السابع في بنت هاسميها جودي ان شاء الله
معايا ليسانس اداب علم نفس جامعة حلوان بتقدير جيد
هواياتي كتابة الشعر والقراءه
عايشه في مدينة نصر
وبحب جوزي و الحمد لله
ومستنيه ميعاد الولاده بفارغ الصبر
ههههههه كفايه كده لحسن انا لما بفتح مبعرفش اقفل خالص
ووصلة الرغي دي هاتخلي الرز اللي ع النار هايشيط

ربنا يوفقك يارب ويقر عينك بشوفتها بين ايديكى سليمة معافية يارب ويقومك بالسلامة ويسر ولادتك ان شاء الله ... وعقبال السنة المية للجواز يا حبيبتى ويخليكوا لبعض ...

دودى اشرف · 10-16-2010, 07:35 PM

مين اللى بعدها بقى؟؟؟؟؟؟؟؟؟؟؟ هااااااااااااااااااااا مين هيلحق

نولارا · 10-16-2010, 10:03 PM

انا بما انى خلصت اللى ورايا
وجهزت المحشى لبكره
واحمد نام 5 دقايق وصحى
اكتب انا بقى
اسمى نورا
من طنطا بلد الاونطه

متجوزه من سنه و3شهور تاريخ(3\7\2010)
حملت بعد جوازى بشهر
عندى احمد 5شهور
معاى بكالوريوس علوم ومتخرجه من جامعه الازهر
عندى 24سنه اهىء اهىء اهىء

somia · 10-16-2010, 10:30 PM

نولار يا ريت لو عاملة محشي كرنب تعزميني لاني نفسي فيه قوي.. ههههههههههههههههه

نولارا · 10-16-2010, 10:32 PM

ايوا ياسميه محشى كرنب اتفضلى ياقمر

somia · 10-16-2010, 10:48 PM

أأأأأأأأأأأأأأأأأأأأه ربنا يبارك لك فيه ..بس كده بجد حرام ..اهئ اهئ اهئ انا بجد هموت وأكله مع اني قبل الحمل كان عادي جدا بل بالعكس كنت بحب الورق عنب أكثر منه الا اني دلوقتي هموت عليه والمشكلة اني خايفة اعمله لاني الحمد لله تعالى مبطقتش ريحة الفراخ لامستوية ولانية وكذلك اللحمة الا فيما ندر واي ريحة بشمها برجع فمش عارفة ده انا اعمله ازاي او حتى أشتريه معمول منين.. اهئ اهئ اهئ