تجمع حوامل الأشهر الأخيره(السابع,الثامن,التاسع)

[ناطرة الفرح]

المشاركة الأصلية كتبت بواسطة احلم بطفل

السلام عليكم و رحمة الله و بركاته
صباح الخير يا بطات يا حلوات
كيف حال الجميع ؟ و كيف بيبيهياتكم اللي لسى
في اليقشه و اللي طلعوا منها .. يا رب الكل بصحه و عافيه ..

وعليكم السلام ورحمة الله وبركاته

هلآ وغلآ

يسعد صبَـآحك

آلحمدُ لله بخير آنتي كيفك؟

[بنت من البنات]

الصبر
بنات
ع اللهــــــ

[فوفو85]

كيفكم بنات طولت عليكم ادري وحشتوني مووت بصراحه يا بنات الشهر التاسع قرب والتجهيزات جاريه على قدم وساق وزوجي رجع بالسلامه وضييق النفس زاد ورجولي ثقلانه انتو ايش اخباركم وميض النجوم وبوح المطر وباقي البنوتات

[بنت أبيها]

المشاركة الأصلية كتبت بواسطة وميض النجوم

الله يسلمكم يا بنات والله يفرجها عليكم .. راح اقولكم الاكشن الي صار لي

انا مفروض اني اتنيم يومين من امس عشان يظبطون السكر و يفتحون الربط ( ربط عنق الرحم ) وبعد ماانام يومين ارجع اظبط اموري بالبيت وارجع عشان العملية لان قلت للدكتورة تجيني اوجاع تشبه الام الدورة قالت لي لازم نفتح الربط عشان لو جاك طلق وانتي مكان بعيد ومايمديك تجين المستشفى ماينفجر الرحم وقالت لي تعالي بكرا مع موعد السكر نفتحه لك ووافقت .. وقلت حق بنتي قبل ماتروح المدرسة اني راح اروح الموعد عشان السكر وكذا لان بنتي مره قريبه مني وكل شي تقوله لي وكل شي اقوله لها المهم عطيتها مفتاح البيت لحالات الطوارئ ووصيتها على بعض الاشياء وراحت بنتي المدرسة ورحت مع زوجي ووداني المستشفى وراح هو الدوام .. وفتحو لي الربط وممره يألم ماحطو لي بنج وانا اصارخ ويقولون لي لاتصارخين ساعدينا المهم بعد مافتحو الربط جات الدكتورة قالت بنسوي لك تخطيط وحطو لي التخطيط والممرضه والدكتورة يقولون ماشاء الله البيبي يتحرك كثيير وانا تطمنت قلت الحمدلله مافيه شيء ولما حطو التخطيط اشوف وجههم تغير الوان قلت لهم شفيكم شصار؟ قالو الوضع مايطمن نبض الجنين ضعيف لازم الحين الحين عملية قلت لهم طيب دقييقه بكلم بنتي لاني قلت لها اول ماتجين من المدرسة كلميني وانا ماسكة الجوال سحبوه مني قالو لالالالا مافي وقت بعدين المكالمات وانا مره خايفه مو مستعده للعمليه وتجمعو علي الدكاترة وحطو لي البنج و المغذي وفجأه نمت .. وبعدين حسيت فيهم واهم يصحوني من البنج وانا ابكي اقول انا صاحية بس ابي احس فيكم والحمدلله كلها ساعتين وصرت احسن وكلمت امي وامي بكت من الفرح وزوجي قال لبنتي وبنتي الدمووع تصب من عيونها من الفرحة وبكت زيادة لما شافت البيبي .. والحمدلله يارب ..

نصيحتي لكم يابنات الي فيها سكر الحمل لاتفكر غلط مثلي انا فكرت ان اهم شيء الجنين يتحرك اذا يتحرك يعني كل شيء تمام هالكلام غلط لازم تتابعون وتروحون مواعيدكم باستمرار ..

الله يفرج عليكم ويرزقكم الساعه السهله ..

حمد الله علي سلامتك

سبحان الله هذي اراده الله

محد يعرف متي يولد

اللهم اني اسالك الخلقه التامه

وربي فرحت لك قصتك وايد اثرت فيني

انت تريد وانا اريد ولكن الله يفعل ما يريد

تتربي بعزك ياااااااااااااااااااااااااااارب

ومره ثانيه الحمد لله علي ما جبتي

[روح الورد]

آلسـَلآم عليـكـَـَم وَرَحْمــَـہ آللًـہْ

أَخْـبـً ـٌــآًرْرْرْگم

طلع عندي فتاق سري

والبيبي صغير من عندهامعلومات عن عاالوضع

وكيف والعلاج جزاهاالله خير.....

[يغار الحلى]

كيفكم كروشااات جميــــعـــــــآ

هلا روح الورد قدامك العافيه يااارب ماعندي اي معلومه ان شاءالله البنات يفيدووك

آمهااات المسستقبل بشاوركم بمووضووع زواج آختي يوم 30 بهذا الشهر وانا الدكتوره قالتلي اخر موعد لك يوم 29

طيب لو مامعاي الم ولا طلق اش رايكم آحضر الفرررح ولى عيب وانا بكرشتي بالتاسع واكيد بعدها بيوم ولى يومين بولد

والناس تتكلم ولا عااادي مايهمني كلامهم شاوروني اختي الكبيره تقولي اتكشخي واحضري وماعليييك بأحد ؟؟

تكفووووون ارئكم ؟؟

[ندى الياسمين]

انا سالتكم عن وضعي وعن الطلق الصناعي وما رد
احد
عموما مشكورين

[يغار الحلى]

ندى ان شاءالله ربي يرزقك طلق طبيعي الله يكفيك شر الصناااعي

يقولوا مره حااار و يكسر الظهر آنا بكريه بس اسسمع والله آعلم ..

[nur.kh]

يغار الحلا
انا واقعة كمان بنفس مشكلتك
اختي خطبت و بعد العيد زواجها وانا رح بيكون بعد العيد ميلادي ان شاءالله
احنا التنتين بنفس التوقيت ما شاء الله
مش عارفة شو اعمل
بس اكيد رح اضطر احضرالعرس غصب عني كمان
يعني بضل اختهم الكبيرة
شو بنعمل بيعين الله

[هوادي***]

المشاركة الأصلية كتبت بواسطة يغار الحلى

كيفكم كروشااات جميــــعـــــــآ

هلا روح الورد قدامك العافيه يااارب ماعندي اي معلومه ان شاءالله البنات يفيدووك

آمهااات المسستقبل بشاوركم بمووضووع زواج آختي يوم 30 بهذا الشهر وانا الدكتوره قالتلي اخر موعد لك يوم 29

طيب لو مامعاي الم ولا طلق اش رايكم آحضر الفرررح ولى عيب وانا بكرشتي بالتاسع واكيد بعدها بيوم ولى يومين بولد

والناس تتكلم ولا عااادي مايهمني كلامهم شاوروني اختي الكبيره تقولي اتكشخي واحضري وماعليييك بأحد ؟؟

تكفووووون ارئكم ؟؟

هلا هلا....
شوفي حبيبتي..اخي فستان واكشخي..

اذا جاك ولاده قبل العرس كان بهاا ..
واذا لا عيشي فرحتك

وحده من صديقاتي يوم عرس اختها الظهر وهي رايحه للكوفيرة جاتها الولاده...ربك كاتب



توكلي ع الله

اختي حضرت عرس اختي..وبعدها بكم يوم ولدت



العيب والكارثه انك تحضرين وانتي توك ولدتي

الناس تقول كيف قامت



بس حالتك عاادي

كثييير يحضروون وهم تعبانين..



الله يسهل لك
ويتمم لختك
ودي