دردشة بنات ليبيا , دردشة حوامل ليبيا , تجمع بنات ليبيا

[زهرة2000]

سالى رقبتى انبحت وانا نادى فيك ماتبيش قلت ع راحتها هههههههههههههههههه

[عيون زوجي]

ماشاءالله عقبال حجه وعمره يارب
انا ماشيه لسوريا والاردن مرتين والمانيا مرتين وتركيا ترنزيت بس قضيت فيها 3 ليال ههههه
وتونس طبعا ممكن 10 مرات كرهناها
والصيف بأذن الله راجعه المانيا لان فيزتنا قعده ونبوا نستغلوها ونصيفوا غادي

[زهرة2000]

ايه حقه نسيت ماشيه للعمره اسبوعين وابوظبي مرتين ودبي مره وماليزيا مره والدوحه ترانزيت

[زهرة2000]

ومصر ام الدنيا كارهتها من كتر مامشيتلها ههههههههههههههه

[saly.me.91]

انا ماشية ل بريطانيا قعدت 7 شهور
وفنلندا قعدنا فيها شهر
ومالطا مرة ترانزيت ومرة شهر
وايطاليا قعدنا فيها شهر الا يومين
وترانزيت لهولندا في نفس اليوم بس مطارهم بروحه بلااااااااد
وتونس الجربة بالك 4 مرات اعود بالله منها خخخخخخخخخ
خاطري نمشي لفرنسا بنموووت عليها

[عيون زوجي]

ماشاءالله يا سالي خبيرة اروبا
سيرة السفر تفتح النفس .....

انا احسن مكان عجبني المانيا رائعه جدا وسوريا حلوة وهاديه بس الاردن اعووووووووووذ بالله

[زهرة2000]

عيون ربي يكتبلك حجه ولا عمره
سالى ربي يكتبلك حجه والا عمره ان شء الله بس ليش سفراتك يطولو هكى قصدى تمشي دراسه ولا عمل ولادهوره ههههههه

[زهرة2000]

انا اكتر بلاده عجبتنى بعد العمره لانها كانت روعه دبي الله تهبل وان شاء الله بنمشيلها مره تانيه بعد نجيب ههههههههه ع قصاد السيل ههههههههههه
ماليزيا حلوه بس زحمه

[saly.me.91]

والله مافيه الا بلادنا حنى جرربة حتى طريق باهية مافيهاش
لازم في كل شارع كمشة احفر والاسواق
ههههههههه ندكر اول مافتحو سوق التلات
عاااااااااااااااار الناس يتقاتلو على الاسكليتور
"السلم المتحرك" لعند فمه امعبي ومزال يتزاحمو يبو يركبو
وفيه راجل ينظم فيهم يركبو بالمجموعه
خخخخخ موقف ماننساه طول عمري

[عيون زوجي]

سوسو...حسيتك ما تقدريش قيمة المناسبة وتحسبي فيها ماديا
الوحدة مننا تتعب من الحمل والولادة والسبوع هو حفلة ليها لانها تستاهل وللبيبي لاستقباله واحلى شي هي عاداتنا لو نسيناها يقعد كل شي بلا بنه
مش كل شي تحسبيه بالفلوس مرات المناسبة الحلوة ولمة الاقارب والاحباب واتحسي روحك سيدة المكان والاميرة فيه ينسيك كل التعب ويحسسك بالفخر
شخصيا اني مستحيل انفرط في السبوع بكل عاداته ولك الاختيار انك اتزيدي او تنقصي شنو تبي لكن تلغي بلا شر لا لا مشناها
عزوزتي بروحها ما ترضهاش ولا اهلي يرضوها
كل شي فيه حلو من العصيده للوشق وريحته للنافس للبسه العربيه للتقديم كل شي حلو وعقبال كل متمنيه يااارب