** ليبيا زين علي زين ليبيا ورد وياسمين ** تجمع الليبيات

[هدية الخالق]

المشاركة الأصلية كتبت بواسطة dr.loly

الف لاباس ع هدووو ..

ما اصعبها الزكمه بس انتي شكلك مادفيش ف روحك واااجد.. بم انك تحبي تلبسي خفيف
شخبار سوما وخطواتهاااا... واخر مغامرتها


وماشاء الله ع تمر نايس بكل


ذكرتيني بايام زواجي الاولى زوجي ف فندق حاط ف الجناح تمر عمري ماشفته بحيااااتي

محشي عسل طبيعي ولوزه ومغلف بفستق ..؟ ولتوا مستغربه كيف داروها هههه

شاريه من محل ف بنغازي قالي افخر نوع مشكل قالوله بعدها عرفته المحل ناخدو منه ف معمول السعودي ديما



عموما ياقديش غالي عليا انزين التمررر

حتي بعد جابت جارتي راجلها عاجبهاااا طريقه

ندير فيه اكور بعد نعصده ونكهه بزبده وقرفه ونغلفه فستق مجروش يهبل
و لا جوز هند نصها ونصها لوز مجروش او كاجو

وجربت حتى بالسمسم ونحمصه شوي ف كوشه بعد نديرله سمسم

ومره درته لعربي ف رمضان ودرتلهم عيدان اسنان ف كل تمر وفوقه رشفت كرموسه مجففه

عمي قدااش مدح فيا وقتهااا قال هذا لفطور لي يفتح النيه

الله لا يوريك باس فروسه بارك الله فيك إيه صح أني ما نلبسش هلبه بما إنه الحوش نو من التذفئه لبسي خفيييف وخصوصا لما نكون راقده في الليل ودافيه وفجاة انوض مندير شيشه لسوما نصقع
ماشاء الله صار فالحه حتي في تزيين التمور سلم يدياتك مره تانيه ما يحتاجش نوصوا من السعوديه فروسه أقرب

[dr.loly]

ومرات نحشي التمر بندق او لوز طبعا المعصد ونزينها من برا

[dr.loly]

حتي نا نستخدم ف موس جيليت فينوس نوع لي بمرطب اولاي

لنقانه روعه ومتريحه معاه مع كل حماااام




هذي 5 شفرات وفيها بارين لاصقات مرطب بالعسل من اولاي

[dr.loly]

هههههههه اسم الله علينا نحن الصبايا وخلآص

[sosolibya]

فرووووووووووووووووووسة ليك وحشة..

ومنو كان عندك أمس ,, سمعت عندك ضيوف..

[dr.loly]

سوسو شن معني حولي ههههه نحن الحولي في الشرق عندنا معناه الخرووووف

بس فهمت ان معناه رداااااء


نحن مانلبسوا فيهن بكل الا ماندر

[dr.loly]

اصحاب زوجي ال 2 جايين يقروااا
لهيت درتلهم عشاااا

وحتى بكرة ان شاء الله

[dr.loly]

يانا عليا يابناااات

اليوم رابع يوم في فطمة فروسي من لهايه

ينوض ف ليل ينـــق ومسكين باته يعدي متأخر للجامعه


عودته نهز به ع كرعيه بالمخده معش عرفت حسيته ف نهار وقيلوله قبل مايرقد نساها

لكن نوضة الليل بعد يرقد هي لي تطيرلناااا ف نووووم




وخاطي لولي لي مدايرتني لهايه طبيعيه اهئ اهئ

نضت الصبح قلت لماما معش بنجيب خلاص ههههههههههه


قالتلي واعره التربيه ربي يعاونكم

وديريلها قميله(بابونج) توا ترقد بالك

[dr.loly]

علمتني تجربتي في عيالي

اني مستحيل نعطــي لهايه مرة اخرى ....
وان لازم نعطي رضاعه (شيشه زي ماتقولو) من اول مايجي ( نفس مادرت ف فراااس)

[هدية الخالق]

حتي أني فروسه نستخدم في موس فينوس الازرق يهبل مرتاحة معاه نعومه الحق كانه حلوه

الله يعينك عالفطام والله صعب أني الحمد لله سما ما تقبلتش اللهايه من البداية وحتي أني خفت من الغازات ما عطيتلهاش هلبه
لكن توا لما تكبر شويه خايفه من فطمة الشيشه أوعر من الطبيعي قالو
وكان بتقعد عالشيشه معاش بتاكل هيا توا زي البيبي اللي كيف مجيوب قاعدة عالرضاعة قلييييل ما تاكل حاجة وتوا قريب تسكر العام
مشكله !!!!