ديوانية البحرين - دردشة حوامل البحرين - البحرينيات

[طفلي حياتي]

شوفي لاتبدين تشفيني على الاكل
ابغي سينابون من وين اطلع الحين؟؟

[بنت الأياويد]

مساء الخير
شخباركم جميعا

[طفلي حياتي]

هلالالالالالالاو بنوته شخبارش وشخبار شيوخه

[rose soul]

طف طف ولا يهمج..بقول له يزيد العدد واييب لج وحدة افا عليج
..
هلا ام شيوخ..شخبارج؟وشخبار البنوتة؟؟نبي نجوفها ..ما لي شغل دبري روحج ههههههه

[بنت الأياويد]

الحمدلله بخير انتوا شلونكم ، والله دوم انكم على بالي بس ماحصل فرصة اني ادش ماشاءالله عليها صياحه وماترقد ولين ارقدت دقايق احاول احط راسي لان من السهر صادني صداع نصفي حاولوا قد ماتقدرون تشبعون رقاد لان بعدين تتمنون انكم ترقدون ساعتين على بعض

[بنت الأياويد]

عيزت وانا ابي اتعلم شلون يحطون الصورة علموني الطريقة بالضبط وبحط لكم

[طفلي حياتي]

بنت الاياويد الا الصداع النصفي لا تييبين طاريه توني صايدني من يومين ماقدر على طاريه
واذا جذي بعطي بنتي منوم خخخخخخخ مافي الا هالحل او اطنشها وانام مايصير بعد

[rose soul]

بنت الاياويد عاش السهر هههه
الله يساعدج..مو المشكلة الحين ما نقدر بعد نرقد عدل..كل شوي ما قحصنا..اما علشان نروح الحمام .. او نعدل نفسنا .. يعني النوم متقطع..هذي اصلا يهيئنا حق بعدين..لا نوم بعد الآن
الا ما قلتي شخبار ابوها معاها؟؟احسه ميت من الوناسة

[rose soul]

افا عليج اعلمج بنت الاياويد..اهي الصور مسيفه عندج الحين مو؟؟

[طفلي حياتي]

حبيبتي روحي مكان اللي تردين الانتقال للوضع المتطور هناك اذا رحتين بتشوفين من ضمن قائمة الاشياء فيه مرربع احمر اضغطي عليه بيطلعون الصور اللي في الكمبيوتر اختاري الصوره اللي تبغينها وخليها مكان ماتبين تكتبين موضوعش وبجذيه بنشوفها احنا
يلا عجلي