ديوانية البحرين - دردشة حوامل البحرين - البحرينيات

[دوحة الأمل]

سلالالالالام شلونكم كروشااات
أني ولدت من 8 ايااام وجبت بنوته سميناها فاطمة الله يحفظها ويردها لحظني وحظن ابوهاسالمه معافاه
لأن هي للحين في المستشفى في الحاضنه لأن ولدت فيها واني فقط 26 اسبوع يعني اواخر السادس وعمليه قيصرية

بالله المستعان
قدر الله وما شاء فعل
دعواتكم اخواتي بظهر الغيب ان الله يردها علينا سالمه معافاه

[طفلي حياتي]

هلا دوحة الامل الحمدلله على سلى سلامتكم ثنتيناتكم وان شاء الله ترجع لحظنكم سليمه معافاه بحق محمد وآل محمد

[حنين للماضي]

السلام عليكم
شخباركم حبايبي؟؟؟؟؟؟؟؟؟؟
صار لي ساعة واني اقرأ سوالفكم بس كان عندي فضول اعرف كل شيء

طف طف الف مبروك حبيبتي
المهم الصحة والعافية
هو صدق الرجال يحبون الصبيان بس ماعليش اذا شرفت فرحة بجوفين شاق البوز

حرووووووووف حبيبتي شخبارش وشخبار العبسي؟؟؟
المشكلة في هالسن حساسين حدهم لأقل برودة
وعلى طاري ميسمي غيرنا راينا
اقول ليش البارحة رحنا بيت ابوي العود واله الكل قام يطنز على هالاسم
وقلنا خلاص علي وبس
لو شنو يصير محد بيقعد يعلق لو يقول شيء

شموس حبيبتي وحشتيني
خاطري اجوف غرفة نفاسش عن جد
شخبار اللوعة وياش؟؟؟؟؟؟

حبيبة حسوني ماجوفين شر عمري واستخدمي الكريم اللي قالت عنه طف طف وان شاءالله تستفيدين منه

بنوتة وام امل وام السادة وام خليل وفلونة و روز 1 و روز 2 والكل وحشتوني

ام حمني مابغيتي ادشين واطمنينا عليش وعلى حمني
لا تحاتين ترى الدورة تتخربط عقب الولادة بسبة الرضاعة وهالامور

دوحة الامل الف الحمدلله على سلامة الكتكوتة
الله يحفظها ان شاءالله وترجع لاحضانش يااااااااااااارب

الذهبية من زمان ما بينت وحشتنا

اني هالجم من يوم كنت مشغولة بتجهيزات علاوي
غسلت ثيابه والحين بقوم اجفسهم عشان ابرز شنطته وكبته
كملت من التجهيزات وان شاءالله بنزل لكم الصور اذا كملت من تجهيزات علاوي وتجهيزاتي

يوم كنت انشر ثيابه جتني الضحكة صغار حدهم ويمللون
اني بعد غشلتهم مرة وحدة عشان افتك

يلا حبايبي سي يو ليتر

[فلونة]

سلاااام،،

دشيت علشان اسلم عليكم عالسريع واقوم اجهز نفسي علشان اروح المستشفى حق ولد اختي ،، امس عورني قلبي وانا اجووفه يصيح وما يبي البخاار :(
باجر المفرووض تطعيمه ما مداه الفقيرر,,, ادعوا له بنات بالشفااء العاجل ..

طفلوو ،، الله يبلغج وتجوفين بنتج بصحة وعافية ،، يعني احين بس انا واحلام ام ما نعرف شنو فيناا .. ياارب يكون البيبي بصحة وعافية والي يجي من رب العالمين نعمة

حنووون ،، وحشتينا وايد تغطيين وما نعرف اخباررج .. وانا قلت لج علي وايد احلى والله يجييب لنا ولد اختي علاووي بالسلاامة

شموووس ،، انا يصيدني الم من تحت ونوع الشد مادري شسالفة خصوصا الصبح اتهقين ليش انا خايفة من بوادر الولادة الله ليقوول ،،، وامس ماحسيت بحركة البيبي مادري ليش ::(

والباقي ان شاء الله تكونون بصحة وعاافية.... ودعواتكم حق ولدناا

[بنوتة حلوة]

فلووونة الله يقوم ولد اختش بالسلامة ان شااااءالله ..

بنوتاااات الحقوووا .. أمس طلعت نتايج التحليل مالي وبوديهم للدكتورة في اقرب فرصة .. بس الدم شكله نازل :(
طلع ليي ٩.٨ .. تتوقعون اوكي لو لأ ؟؟

المشكلة ان دكتورة غيرها لما ترقدت في المستشفى قالت ليي وقفي حبوب الحديد لان جسمش مايعالج الحديد ويرسبه مادري ويش وانتين فيش نقص الخميرة من جدي واصلا الحديد سبب في الإمساك .. اني وقفت الحديد وقلت بعتمد على الأكل .. بس احسه شوووي خاصة ان كاتبين النسبة المثالية من ١٢ لـ ١٨ ؟؟

ويش الحل ؟؟؟ اليوم سيييده عقب الغدا بطلت قوطي حبوب الحديد وهداااني بستخدمه ..

[طفلي حياتي]

اهلا فلونه ماعليه شر علاوي وان شاء الله يرجع بالسلامه لا تخافون
واني ابغي اشوف البيبي عدل ماحس شفت شي اللي شفته بصراحه هيئة راس وايد والايد ولاهم واضحين كلش يعني اني احس فرحه تتحرك وهي في الصوره تتحرك والدكتوره تقول الحركه قليله استغربت معنها في وقت السونار الحركه في قمتها بعد وشتبي؟؟ من جدي اني خايفه وقاعده الاحظ الحركه مرات وايد وبعض الايام قليله
بنوته ويش سالفة الحديد ويترسب بعد اني فيني نقص الخميره يعني ويش؟؟

[rose soul]

مرررررررررحبا
طف طف..مثل ما توقعت بنوتة..الله يخليها..وتولدينها بالسلامة ونشوفها احلى عروس
..
ام حماني..هلا بيج وحشتينا يا الغالية..وفي انتظار صور المعرس حمني
..
فلونة الله يشافي ولد اختج..طمنينا عليه..عقب ما تشوفينه..ما يشوف شر واعليه فديته
..
دوحة الامل..حمدلله على سلامتج..وان شاء الله بنتج ترجع لج بصحة وعافية ياااااااارب
..
حنون لا تغبين وايد وتردين تظهرين .. جنج شسمه هههه..يلا في انتظار الصور مال التجهيزات
..
بنوتة..9.8 اهو نازل بس مو وايد .. اذا ما بشربين الحبوب اتبعي النظام الغذائي اللي اسويه خوش شي..وان شاء الله بأذن الله يرتفع
انا ابي اوصله لــ10 في الولادة..علشان ما يركبون لي دم
وبالنسبة لطبيعي صح من
12 ليـ 18
بس الخطر يكون اقل من 7
وان شاء الله ما فيج الا العافية
..
وبقية البنوتات بلا استثناء شخباركم؟؟

[طفلي حياتي]

بنوته اني نسبة دمي تقريبا مثلش وقالت الدكتوره ناقص لازم فوق الــ11

[rose soul]

اهو الحامل اصلا لازم ينقص دمها..لأن البيبي يستهلك وايد من دمها خصوصا في الاشهر الاخيره لما يكبر حجمه..انا اقول عليكم بالتغذية

انا برب بصلي

[rose soul]

اي نسيت اقول لكم..نسبة دمكم لازم شوي تكون مرتفعه..لأن اوردي في الولادة بينقص..
انا حماتي كان 11 وصار بعدين 9
بس الحمد لله ما احتاجت تركيب دم ولا هم يحزنون..
سكتو انا الدم مسوي لي رعب اصلا مو تشوفوني انصحكم هههههه