.·¤ تجمع الحوامل اللي ولادتهم في محرم¤·.

[Mishael]

تمسون على خير بنات انا بنام وراي شغل واجد اليوم

[مسكّ العطورّ]

عيشش الحياه اهلين


امممم انا اقصدك اغراض البيبي بسسس
والولاده بحكومي
وانا ووالضيافه اخرر شي

[مسكّ العطورّ]

ميشوو


انا ناويه اقضي من سنتر بوينت
وماعتقد فيه تخفيضات قبل ولادتي

والجلاسسه والمشايه حرام عليكم بدري عليه لساته صغنون

هاذي الاغراض اذا ماجت هديه ولااشتريه وقت التخفيضات بعد ماولد ويكبر النونو

اممممم بشتري سرير من ايكيا من يوم مايولد لين يصير ثلاث سنين
ومفرش لسرير وين احصله لبيبي

ودولاب لبيبي
وطاولة تغير

[دلع الأحساء]

صباح الخير
ام التونز ماتشوفي شر كان رضيتي تتنيمين لمصلحتك لان المشيمه نازله خطر

[Mishael]

مسك مفارش البيبي واغراض التغيير والدولاب كل حاجه تلاقينها بسنتر بوينت والتخفيضات فيه تخفيض بشهر عشره بس مااذر ادا اول عشره او اخره وفيه تخفيضات شهر واحد هذي تخفيضات عالميه تكون بنهاية ثنعش بداية واحد احس بقضي منها وبتخلص وانا ماولدة
خذي اشياء ربيعيه وشتويه والاغراض اللي بتلاقينها بإيكيا نفسها بسنتر بوينت نفسها بمذر كير
اتذكر عمر السدحان يبيع اثاث للبيبي اللي بطريق الملك عبدالله خاطري الف كل الرياض قبل لأقضي

[Mishael]

دلع يسعد صباحك كيفك اللحين عسى خفت الافرازات

[Mishael]

مسك علئ فكره انا شايفه مفارش سرير تددننننن عند هوم سنتر بس ماانصحك تاخذي اثاث منهم خشبهم مو قوي

[دلع الأحساء]

ميشو زين قلتي على تخفيضات سنتر بوينت
واذا قربت ذكرينا
وبخصوص الافرازات لما اتحرك اكثير تنزل
وقلت ببلع مضاد في العيد احسن عشان انتظم كل ثمان ساعات

[دلع الأحساء]

انا بغرفتي فيه دروج فاضيه واجد احس ماله داعي اشتري دلاب بو دروج البلاستك هدحا لان بيضايقني
خاصه انا عايشه مع اهل زوجي

[Mishael]

انا زيك دلع ماراح اشتري دولاب غرفتي مليانه دروج فاضيه وهي اصلن صغيره بعدين لمايكبر شوي احطله بالغرفه الثانيه
والملابس ماراح اشتري الا كم قطعه بيضا تقريبا طقمين رسميه عشان النفاس وكذا قطعه تكفيه اسبوع لحد مااتأكد من جنسه
وحده من قرايبي تفاجئة زرنها بالنفاس كل شيي وردي والبيبي ولد وهي تضحك تقول سويت السونار كم مره وسويت الرباعي مرتين وهم يقولون لي بنت
بصراحه خفت اجهز كثير واتعب واخرتها مااتهنى وعادي لو رحت لسوق او راحت اختي او امي بالاربعين وقضولي كذا شغله وعقبها اذا قمت بالسلامه جهزته
اهم شي اغراض الصيدليه واللهيات والرضعات والبربتوزات ومفرش كامل بالمدس والشنطه ومفارش المهاد اثنين او ثلاثه وثلاث قطع من البدل الكامله اتوقع اسمها الفرهول وبس الباقي وانا بالاربعين اكملها احسن شي صراحه خصوصا ان السوق جنب اهلي