تجمع اللي بيولدون في شهر ذو الحجه

[اجوان]

مرومه,,
ايواانشالله حااخد ابرة الظهر ,,والله كمان حسيت بطني نازله مره يلا يارب يكون قرب الفرج اساسا باقي خمس ايام يعني كدا ولا كدا حاولد فيها ههههههههه


غيبتك,,
مشكوره حبوبه..


ام عبدالله,,
كييفك طمنينا عنك؟؟؟


غوشه,,
لا فجاه خفت ممابغى اشرب حاجه اخاف تفتح المويه والرحم لسا مقفل وانحاس خليني على امر ربي احسن لي,,
من جد لازم نتقابل لمن اجي الرياض ;)



والله شكلكم تعبانين مع موضوع النوم يلا راح انام دا الكم يوم بما فيه الكفايه عشان مااندم بعدين ههههههههه
انا دحين جالسه اكل اكل غير مفيد عشان راح انحرم منو بعدين هههههههه
زوجي متحديني يقولي بعدالنفاس الحرمه لازم تصير زي البلونه وانا اقولو لا مو شرط انا حانحف وهوا مو مقتنع فراح اوريه كيف الوحده بعد النفاس مو لازم تصير تفيخه ههههههه

[مشاعل الدوسري]

السلام عليكم


امممممممممممم

لا اله الا الله محمد رسول الله

بنات صحيح مو شرط البيبي يكون نازل تحت بلحوض لان انا قبل لا اولد البيبي كان مرررررررررررررره فوق فجأءه صار تحت
و قبلها في بداي التاسع كان تحت اوكي بعد اسبوعين في الاسبوع الثالث صار فوق
كل اللي شاف بطني قالو لي باقي لك أسبوع و يمكن أكثر..

غيبتك مشكوره ع النصيحه لا أهلي ماقلت لهم شي كل من سالني
اقوولهم عبررت عن شعوري و الحمدالله
و امثل التعب قدامهم
حتى قاطع الفيديو ماوريته اله لامي و زوجي و اخوي الكبير شاافها اتوقع

بس انا حبيت اقولكم عشان لا تحاتون و تخافون
وو ابر الظهر يابنات مالها داعي ......



الموضوع كله تهيأء نفسيا
و ايمان بالله
سور مريم اقروها و سور الزلزله
ووووو

الباقي بعدين جاتني جدتي

[حبيبة موني]

قوووشه

جملاااات تيب تيب ،، لسى باقي 7 ايام بعدين سميني جمل خخخخخخخخخخخخ ،، دحين اشبو النونو حقك انتي وقلب غيييث ،، من جد ماينوموكم ،، هياااااا انا الا النوووووم ماااحب احد يزعجني << برررراااااااااا

اجواااان

اشك الجسم يرجع ،، من جد كلام زووجك سرنا بلوونات خخخخخ ،، مع انو جسمي ماتغير بس كرشتي في الشهر التاسع كبرت بشكل فجأه بس الباقي زي ماهوا

[maroooma]

اجوان ما دامك حتاخذيها لازم تروحي بدري عشان سمعت انو بعد ثلاثه مدري اربعه سم ما يدوكي هيا

[اجوان]

حبيبة موني,,
من جد لاحظتي كيف البطن ههههههههههههههه
فجاه بالتاسع كدا كبرت بشكل عجيب انا خلاص ابغى اولد عشان ماابغى تكبر اكثرررر..

مرومه,,
ايوا حتى انا سمعت انو اذا صار الرحم مفتوح اكتر من 4 مايدوكي..بس خلاص مو مشكله انا بخليها بظروفها لو رحت وقالوا ينفع اخدتها لو رحت وقالوا ماينفع عاد ايش اسوي الشكوى لله..

[Dado]

الحمدلله على سلامة اللي ولدو والف مبروك وعقبال الباقيين

اجوان انا اخدت الابره وكان مفتوح 9 ونص انتي متخيله
منجد سبحان الله مدري كيف نفعت معايا لانو برضو سمعت ماتنفع بعد 4 سم

بس يمكن لانو انا ماكان راضي ينزل الحوض ولا نزلت المويه بس انفتح عندي الرحم
وكانت الطلقات ورا بعض وقويه منجد كنت حموت بس الحمدلله ربنا سهل

عقبالكم جميعا تتسهل ولادتكم

قوشه وقلب غيث النوم دا موضوع تاااااني
لا وانا ورايا اختبار يعني لازم ازاكر

نعمل شفتات انا وزوجي بس سبحان الله برضو نومي مقطع ولازم اطل عليه

اللي قاهرني انو لما كان بالمستشفى كان جدا هادي ما اسمعو يبكي
اقول للمرضات اكيد هو فيه شي ليش مايبكي زي الباقيين وكانو يضحكو عليا

دحين عندي بالبيت يبكي قبل وبعد الاكل ماني فاهمه ليش
شكلو ماحنا عاجبينو يبغى الشقر لووووول

[حبيبة موني]

يووووووو ،، بنااااات انا مقرره اخد الابره بس ماقلت لماما لانها ماتباني اخدها ،، وماما ناويه عليا ماتوديني المستشفى بدري بتخليني في البيت اليييييييين ماأستوي ،، عشان اتعقدت في ولادة اختي لمن كانت عندنا من اول ماحست اختي بالطلق راحو المستشفى واتعسرت ولادتها جلست 3 ايام وبهدلوها طلق صناعي وفي النهايه ولدت عمليه ،، عشان كدا تقولي بخليييييكي اليييييييييييييييين مرره مرره ماتقدري تستحملي ،، واناااااا ابااااااا الابببببببره هععع مدري ايش بسوي


داااااادو خلاص الله يعينك جيبي للولد بيبي سيتر شقراويه خلي الولد يملي عينو قبل مايرجع بلدو خخخخخخخخخ بس انتبهي لا ابوووه يسير يبا يجلس معاه هعععع

[Dado]

لوووووووووول ضحكتيني
لا انا متطمنه زوجي مايحب الشقر يفكروه باخواتو لوووول

حتى بغير لون شعري مو راضي

انا برضو حماتي وامي قالو ما اخدها.. قلتلهم خيييير وطنشت طبعا
لانو صراحه الألم لا يحتمل وانا كان معاه خوف وفجعه بس افكر بولدي لو حيعيش او يموت يالطيف عشان كدا قلت هاتوها مررررره تعبت

انشالله تكون ولادتك سهاله انتي والجميع يارب
ترا الولاده ماتخوف زي ماهما يقولو والله كلو خرابيييط
انا خفت بس عشان وضعي كان غير
وقلتلكم قبل عندي استعداد اكرر الولاده بس الحمل لااااااا صعب جدا
مدري كيف تصير مشو حالكم
بس منجد الحمل بالنسبه لي اصعب بكتير غثيان وثقل ودوخه وكسل وقلة نوم وبكى ماتعرفي من ايش ... افلام كتيره بالحمل

*

[غلا الرووح]

مسااائووو كروشات


اجواان
له له ايشهالحركات صحيح اقنعتيني من صبر ظفر

تجنن اغراض بنوتك خقييت عليها ووريت اختي واخت زوجي
قلت شوفوا الناس ايش تجيب

عليك باالعافيه قلبووو


اما انا يابنات امس جاتني حاله انهيار وبكي وخوووف


صار بينا احم احم وحسيت بالم فظيع قلت ياربي كيف الولاده بتكوووون
وقلت ابي اولد قيصري وابي ابرة
ظهرر
الله يعين بسس

[لياليـ]

السلام عليكم

كيفكم حوامل وامهات