حبيباتى سيدات ليبيا تفضلو لأعرف ما حالكم

شموسه 88 · 10-29-2013, 02:32 AM

اليوم جوني هلي زياره جابولي من غداهم عصبان اورز بلتقليه اوفازو امسير اممممممم كليت منا وكله اوزوجي ماصدق اليوم افراج هرب اودرنا عشاء طنجرة حساء جا روعه بكل كليت منه اشويا اوخليت الباقي في الثلاجه
اليوم نضت متفائله حمد لله شفت رويا حلوه ان شالله اتكون من نصيبي

شموسه 88 · 10-29-2013, 02:46 AM

تو تصبحو عل الف خييييييييييييييييير

أم أجنادين 80 · 10-29-2013, 06:54 AM

السلام عليكم حبيباتي الغاليات
ان شاء الله يكون رؤية فآل خير عليك شموسه

أم أجنادين 80 · 10-29-2013, 07:09 AM

اوشي ان شاء الله ديمه أفراح
وحلو التغير وربحتيه للفرح ولنفسك
ماشاء الله ام فراس دائماً مناسباتكم كامله من جميع النواحي
واتيكيت راقي في التقديم
جيجي الف لاباس عليك وان شاء الف مبروك علي اوخيتك
شموسه بصراحه المطبخ حلوووو وعاحبتني الفكره
وخصوصا لو هيا مفتوحة علي غرفه المعيش هو بعيده علي
حجره الاستقبال او الضيوف

أم أجنادين 80 · 10-29-2013, 07:18 AM

اثري مبارك علي بنيه خوك وأكيد طلعتي حليوه
هديه شن اخبارك حبوبه
انا ننصحك هديه لو خاطرك في تغيير لوك
ديري بروحك وتعلمي قصدي الفتله والشمعه
مش محتاجه لمزين انتي كل مره بحاجه ديريها
ومره مع مره تتعلمي والصبغه شوفي وحده من جاراتك
اديرلك ولو شعرك غامق مانفتحيه مره وحده فتحيه
درجه وحده اكثر من شعرك حتي مايستغرب فيه زوجك
وشعرك قصي قصتك بروحك لو ماتعرفيش تعلمي من يواسي
ًبالنسبه للدراسه مش شرط تقرئ زي ماقلتي ظرفك ماسمحلك
وربي أعطاك احلي سوما
وحتي انا لو ربي رزقني قبل مرات كنت مانفكروش نكمل دراسه

أم أجنادين 80 · 10-29-2013, 07:24 AM

سوسو ههههه ضحكتيني يعطيها لك
مش عارفه كيف جاك احساس ان زوجي متعصب
او تفكري كويس انا نفتح في النت ونستخدم في الفيس
ونمشي لصاحباتي ونمشي لخالاتي حتي من غير مناسبه
يعني يرفع فيا انحني ونمكيج في خالتي
ونمشي لبنات عمي المتزوجات لو هوا متعصب او متشدد
لكان هدا كله مانفكروش فيه
وأكثر مره نقول نتغدوا في مطعم ونمشي للمزين رغم انه
مش مقتنع بيهم زي زوج هديه بس يخلي فيا لما يحس ان عندي رغبه
وقصه أني مانتكلم عليه هلبه لو تلاحظي كل البنات يذكروا
في أزواجهم احيانا مش في كل الحديث
وانا من طبعي مانحكي عليه هلبه حتي مع صاحباتي مثلا
جابلي او قالي وغيره

أم أجنادين 80 · 10-29-2013, 07:35 AM

ههههههههه
الله عليك ياسوسو لو سافر زوجي بروحه يعني
من سابع المستحيلات نسافروا
ليش مايقدرش الزوج يسافر بروحه
بالعكس زوجي اجتماعي بس في حدود يعني عادي زي
باقي الرجال عنده اصحاب وزملاء وأصدقاء من ايام للدراسه
يتلاقوا مره بالشهر ممكن لآني مانحكي هلبه خديتي هالانطباع

فارق التوقيت 9 ساعات
يعني توا انتي أكيد رافده
احني توا 10 الا في الليل وانتم 6 الا الصبح

رغوده2006 · 10-29-2013, 09:52 AM

صباح الخيرات وحليب الزهرات على احلى مدامات حلوات

رغوده2006 · 10-29-2013, 09:55 AM

جنوده كيف حالك ياسمحه وكيف حال زوجك ان شاءالله انسجمت وخذيتوا على الجو

رغوده2006 · 10-29-2013, 09:57 AM

ام فروسه لاباس عليك ان شاءالله وشكرا لاهتمامك بموضوعي والرد عليه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	ايلاف	إستفسارات حوامل من الشهر السابع إلى الشهر التاسع	3567	06-15-2013 12:57 PM
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تفضلو حبيباتي	ريحانة المصطفى	منتدى أعراض الحمل والوحام	0	12-06-2012 10:41 AM
مهم لكل عضوات قسم الحوامل الغاليات.. تفضلو حبيباتي ..	xRano0x	منتدى أعراض الحمل والوحام	121	08-23-2011 01:48 PM
رسالة إلى سيدات ليبيا	أم رهوفة	ملتقى عضوات حوامل	6	01-11-2011 12:56 AM