ديوانية البحرين - دردشة حوامل البحرين - البحرينيات

[om khalil]

صار ياطفلي اسهل جذي روز القديمه وروز اليديده
ماقلتين شخبار السكر؟

[rose soul]

Roze..الله وياج اختي وخلينا نشوفج تشرفنا فيج
ام خليل..سلامتج من النفضيه..هذي وانتي مجربة..انا الحين قمت اخاف واحاااتي الولادة..كل ما تمر الايام
طف طف..بسطرج الحين..لا مو فن القديمة.. ع الاقل روز الاصلية هههههههه

[طفلي حياتي]

يو ياعلي خوفتوني اني مادري اصرخ لولا عفر الا بيود روحي
اني اما السلمانيه او المحرق واللي الله كاتب لي فيه السهاله بولد فيه
ماجربنا وامرنا لله موكلينه وان شاء الله ياربي سهالات
بنت الاياويد ماتمر تدردش تعلمنا مغامراتها ويى الشيخه

[بنوتة حلوة]

جااااك الموت يا تارك الصلااااة

من زمان جفت فيديو حق ولادة طبيعية وتعقدت وخلصت ومادري شكلي بسوي فيلم بروحي يوم اللي بروح أولد خل يسجلني التاريخ وبيكتبون في الجريدة :
شابة بحرينية تقلب السلمانية رأساَ على عقب في حالة ولادة غريبة من نوعها ,,

والكل بيتصل يسأل شالسالفة .. بيقولون بنوتة تقول تباااااعدووووا بولد بروووحي مابي مساعدة ولا تخيط ولا شي .. ,,

[طفلي حياتي]

لا روزاتي مافهمتين قصدي روز الاصليه بسميش روز عادي بس اليديده بسميها الروز عرفتين؟
هاديك بضيف ليها الــ
معنها مابتمشي السالفه لكن بنحاول او روز1 و روز2

[om khalil]

احسن شي لا تفكرون في الولاده وفكروا في الأجر الله يأجرنا جميع ان شاءالله

وطفطف لا تصارخين احسن، اني بولادتي بخلي صار عندي خبره شوي قد ماقدر ما اصارخ ، خليت صرختي يا الله ساعدني وخفف علي وخفف على هالوالدات يارب.. يمكن علشان جذي ماصارخوا عليي عفر

[om khalil]

لجل بالصراخ يزيد الألم ومانسى طريقة التنفس العميق
مادري هو عميق لو لا ههههههه
اقصد كانش تفاهقين تتنفسين بصوت

[بنوتة حلوة]

هي خله يمديها تصير مغامرات ويا هالشيخة عشان تدش تكتبهم أحسها للحين مو عارفة لبتها ,, والله وناسة من جم يوم كانت حامل حالها حالنا احين صارت أم ..

الله يرزقنا ان شاءالله .. تعبت خلاص ابي أولد :(
لو زين اروح المستشفى حق فحص انجان يقولون يالله ولااادة @@
بااال أتشقق تشقق

[طفلي حياتي]

بنوته مال اول يولدون تقريبا بروحهم واكم وشحلاوتهم يترقعون طبيعي لا شق ولا خياط خخخخخ
وحده من البنات ما شاء الله عليها تقول في كل ولايدها مايشقونها لانها رياضيه وشسمه هناك مرن يتمدد وتولد بدون شق
الله يرزقنا هالولاده السهله

[om khalil]

وقد ماتقدرين صبري روحش وتأملي من الله خير

الساعه بتكون في ويهش ويش كبرها لا تحاتين عقاربها علشان مايزيد عليش مصابش يختش