ديوانية البحرين - دردشة حوامل البحرين - البحرينيات

[rose soul]

الله يستر علينا ويسر لنا ولادتنا

[Roze]

المشاركة الأصلية كتبت بواسطة طفلي حياتي

اني مابغي متدربه لا ادرب شكلها بجم رفسه يصير نطلب الدكتوره؟؟
اصلا في الدول العدله اللي يخيط دكتور او دكتوره مختصه هذا خبر يديد بعد توني عارفه
متدربه لو هنديه خوش والله

اااخ ياقلبي في السلمانيه الدكتوره بس تولدش وتهرب مايهمها خياط ماخياط مو شغلها بس الممرضات الي في السلمانيه عتق يعني خبره كبيره في الخياط بس حاسبي لاتجيش متدريه انتين تقدرين ترفضينها خصوصن ادا شفتينها صغيره لانه في غرفة الولاده الكل يلبس اخضر نفس الشي مابتعرفين تفرقين

[rose soul]

اي تعالي طف طف
عيل يوم الاربعاء بتعرفين شنو فيج اخيرررا

[Roze]

هي الي تخيط وحده ادا شفتين ثنتين واقفين يبربسون تحتش ويخيطون عرفي السالفه انها تدريب

[rose soul]

هههههههههه حلوة يبربسون
اي والله هذي اللي ناقص يتدربون فينها ههههه

[طفلي حياتي]

هههههههههههههه على قولتش اذا شفت وحده متلبكه بقول انقلعي مناك ييبو اعيز وحده فيكم
روزسول شفتين جيف غربلتينه من قبل نكتب روز الحين لازم سول المهم اني الاربعا موعد التلفزيون وان شاء يبين ماتغربل واضطر اروح خاص واصلا اني كسوله شوفي متى اروح ربي يسهل واعرف في يوم الاربعا بتشوفون التيكر متغير لونه خخخخخخخ ان شاء الله ياربي اهم شي السلامه

[rose soul]

هههه اي الحين لازم تكتبون اسمي كامل بدون اختصار
انا باجر عندي موعد في الفاتح
ولازم ارقد من وقت..غريبة زوجي رقد وكان يجوفني قاعدة ع اللاب توب
هههه ما قال شي

[Roze]

هههههه قعدتكم حليوه ياصبايا ذكرتيني سول خليت ريلي قدام التلفزيون بروحه بقوم اقعدوياه لايستوحش
للكل تصبحون على خيرات

[om khalil]

يمه منكم عليكم قلب تطالعون مقطع ولاده
يمه جان ايبس في قشوري

اني ولدت ببتي في السلمانية وهزاتني الهندية النحيسة تقولي ليش تسرخين
ويش اسوي يعني أيبب
قهرتني واتذكر اللي خيطوني ثنتين وحده بحرينية ووحده هندية خمروا فيي ومادري عقب انخمدت ولا ادري بالدنيا..

وبولدي خلي رحت جدحفص زينين ولا صرخوا عليي بالعكس الهندية كله تيي تيود ايدي وتطبطب عليي هداتني وايد غير ابر التخدير مال الفخذ غزغزوني تغزغز رايحين يايين انام شوي وارجع اصحى من الألم، ولابوها الساعه اللي قبالي ماتتحرك

هالمره اذا الله سهل بروح جدحفص،معاملتهم زينه بس اللي خيطتني بحرينية وتنفخ ليي على قولتهم خلوني في المستراح لفترة وفلج على عمري وتالي ودوني الغرفة. بس الكريه فيه انش تسمعين صراخ اللي وياش في الغرف الثانية يمه من الصرخه الأخيرة مالت طلعت الراس يااااااااااربي سترك ولطفك ،، بس احلاها اخر شي نطة الياهل برا على غفلة عجيييييب يدلدلونه من ريايله اااااااااالله
تالي يحطونه على صدرش وبالفعل لونه ازرق بسم الله عليه من كل شر..

يتني نفضية كاني أولد خخخخ

[طفلي حياتي]

وانتون من اهل الخير احلام سعيده للجميع
اني بنتظر رزقي بشوف لي وحده ابربس وياها على قولة الروز
القديمه روز والجديده الروز وشرايكم؟