ديوانية البحرين - دردشة حوامل البحرين - البحرينيات

[rose soul]

في اي شهر عرفتي ان فيج بنية؟؟
الحين ما ندري اناديج ام ريوم او ام شيخة
وزوجج ما شاء الله عليه ثقة كبيرة عنده ههه

احنا ملاحظين شي في عائلتي وعائلته
انا الزوجين اللي يكون البجر مالهم ولد يطلع يشابه امه
واذا البجر بنية تطلع تشبه ابوها

ما شاء الله محللين احنا طلعنا خخخ

[بنت الأياويد]

اها خوش محللين ههههههههههههههه ، في الشهر الخامس عرفت تقول في الخامس يبين واضح شنو فيج وانا كانت شكثر تسوي تلفزيون لين بنتي بروحها حركت ريولها الا تقولي مبروك عليج البنوتة حسيت الدنيا مو شايلتني من الوناسة اضحك بروحي جني مينونة، ان شاء الله بسميها شيخه
وانتي مافكرتي في اسم اذا كانت بنيه شنو واذا ولد شنو؟

[rose soul]

هههههههههه
انا من سمعت دقات قلب البيبي ضحكت مثل الهبلان
فما بالج اذا شفته خخخ بستخف بيغمى علي ههههه
امبلى قررنا

اذا ولد حمودي ... واذا بنية جود او نور

[طفلي حياتي]

المشاركة الأصلية كتبت بواسطة حروف عاشقة

ما شاء الله كلكم مجمعين

اخيرا رجعت من الفاتح احس راسي دااااااااااااااااااااااير وقايلين لي ضغطي نازل حبيت اطل عليكم بس وبقوووم سلمواااا على الجميع ..

نشوفكم على خير

مااتشوفين شر والله يقومش بالسلامه

[بنت الأياويد]

خوش اسامي والله ، اي شعور حلو اذا تسمعين البيبي الله يخليها لج ويحفظها من كل شر

[rose soul]

المشاركة الأصلية كتبت بواسطة بنت الأياويد

خوش اسامي والله ، اي شعور حلو اذا تسمعين البيبي الله يخليها لج ويحفظها من كل شر

من ذوقج حبيبتي
بس يوم اسمعه كنت بروحي..وانقهرت لأن زوجي ماسمعه كله منه لكن
كان واقف بعيد عني يوم ينادوني .. ودشيت عنه خخخ

[بنت الأياويد]

انا زوجي كل مرة يسمع حتى التلفزيون دش وياي

[rose soul]

اهو يقول ليش ما ناديتيني خخخ
لا هالمرة اكيد بدش ..
عقب اسبوع بعرف نوع الجنين وناسة

يلا ام شيوخ انا بقوم آكل لي شي الحين
نشوفج على خير

[om khalil]

برب
مستشفى
سيلان
:"(

[بنت الأياويد]

تيت ، الله يعينج ويشافيج ، يمكن صج ام خليل فيج توأم او فيج بنوتة لان البنت نساتها ثقيلة وايد انا تعبت لي الشهر الخامس كنت اعاني