دردشة بنات ليبيا , دردشة حوامل ليبيا , تجمع بنات ليبيا

[saly.me.91]

وين رغودة وام ورد وام معاد

[عيون زوجي]

السلام عليكم ورحمة الله
جمعتكم مباركة اليوم مش طالعه من حوشي بأذن الله لاني امس مشيت حوش بوي ولهذا نبيكم كلكم موجودات شرط هههههههههههه
سالي صحه الكسكسي
يقين صحه العسلوز شهتيني
سوسو صحه السندويتشات لو زي كل يوم
ام وسونه سامحيني البارح زوزي قعد عالنت للساعه 3 في الليل لين يئست ورقدت
ام قصي لابأس طهور وربي يعوضك خيرررر
ميمو احبيبه نستنى راجلي يروح من الجمعه ويجيبلي كرت ليبيانا باش نكلمك ونباركلك ياغاليه تستاهلي كل خيرررر وان شاءالله زواجة العمر والف الف الف الف مليووووووووون مبروووووووووووك
ام روفيدة استاحشتك وينك ماعادش نتلاقوا احني الزوز
سورينااام سامحناك في يلي فات لكن من جديد الغياااب محرم مش ممنوع بس

[saly.me.91]

عيون كيف حالك انتى وسارة وحمودة

[sosolibya]

شج
عيون مشكورة اليوم تغدينا طن ومعجونة وافخاد دجاج

سالى بلا جو يللى اديرى فبه انا قلتلكم لما انروح بنصورهملكم لانهم توا فى الشنظة مستفات والشنطة فى الدولاب والدولاب ههههههههههه

[sosolibya]

وين الغوالى
ليبيا قلبى
ام معاد
ام ورد
رغودة
زهرة
شمس الزمان
الاء
ام وسونة
ام روفيدة
ام قصى
اية
سورينام
سمو الاميرة
لورى
ميمونة اكيد حاصلة ومش فاضية لا ملام عليها
ويقين اكيد غاطسة فى قصعة العسلوز

[عيون زوجي]

منو موجووووووووده فيكم توا؟؟؟؟؟؟

[أم سعد]

السلام عليكم

الله يبارك في كل من باركلي

وربي يرزق كل من يستنى

أنا اليوم روحت لحوشي

:)

[عيون زوجي]

لوري انتي من وين اصلا لان كل منطقة وعوايدهم في اللبس
احني في طرابلس مرت الخو صح اتعول لكن وقت الحنه ويوم الكسوة والحفله لازم توقف لروحها
قصدي لو بيجيبولها كسوة حماتك لازم اتصدري وتلبسي يا بدلة اصغيرة يا كبيرة وتمشي للمزين شنو دخلك في العوله لحظتها عندهم ناسهم ويوم الحفله صح مش رح تقعمزي وبتقعدي واقفه وادوري عالناس وتشرفي على العواله لكن لازم تلبسي قفطان كبير ونازك وتمشي للمزين ومن توا اديري دورة على روحك حلوة وحنه ولو بتصبغي او تميشي لان العين اعليكي وما تخليش روحك تباني كانك كنه من 30 سنه وعندك كوم عيال صح اهل زوجك مادابيهم تسحني واتعولي زي الشغاله بس عزوزتك اتحس بالفخر لما يقولوها كنتها ماشاءالله اعليها كانها هي العروسه

[عيون زوجي]

المشاركة الأصلية كتبت بواسطة أم سعد

السلام عليكم

الله يبارك في كل من باركلي

وربي يرزق كل من يستنى

أنا اليوم روحت لحوشي

:)

ام سعد الحمدلله على سلامتك والف الف مبروك اعليك البنوته وتتربى في عزك وعز بوها يارب
وين جبتي؟
وشنو سميتيها؟
وقداش وزنها؟
ولمن تشبه؟
ونبوا صورتها؟
ويارب تحضري عرسها ياااارب

[سمو الاميرة]

معَ شمس الجمعَة المشْرِقة ~
أنْ تَنآلــوا رِضَى الله ..
وأنْ تنْعَموا بِجنّاآت رَبّيْ الخـآلِدَة ..

يـآ رَبْ إجْعَلْهُ يوم تَتَبَدّلُ فِيهْ الذّنُوبْ إلَـى حَسَنَـآتْ . .
... وَ هُمُومُنَـآ إلَـى أفْرآحْ .
وأَحْلآمُنَـآ إِلَـى وَآقِع يَـآ الله . ..

جمعتكمـ مباركة .. لا تنسوا سورة الكهف والصلاة على آلحبيب ..عليه افضل الصلاة والسلام