سيدات ليبيا الحبيبات ..تفضلووو

[fefe93]

اليوم درت كيكة الكريم كراميل و غداء درت كسكسي و انتم شن طيبتوا اليوم

[sosolibya]

مساء الخير والمحبة ,, اليوم قيته عند أهلي جت بنت عمتي وتغدينا مع بعض رز مبوخ

والشاي والقهوة درناهم في الشراك بين الورد ماشاء الله ربيع ,, وغريبة من يدين ماما يممممممممممممممممممم

وووووبس والعشية درنا دورة في الحوازة وجينا لحوش إمتعيني باش تبارك بنت عمتي لحماتي.,, بالتفصيل ههههههه

[أثري في مدادي]

الســـــــــــــــــــــــــــــــــلام عليكم ورحمة الله وبركاته

مبارك علينا الحويــــــــــــــــــــــش الجديد

إنتو مقعمزين هناي ،،،، وأني نهدرز غادي !!!!!!!!!!!!

دارت في معروف أم فروووووووووووسي نبهتني ،،،،،،،،،،

تفضلواااااااااااااااااااااا

[أثري في مدادي]

هدهـــــــــــــــــــــــــد

سلمك والله من مضيفــــــــــــــــــــــة ما قصرتي ،،،،،،،،،،،،،،
والحبايب كلهم ما قصروا معانا ،،،،،،،،،،،،،

خليتلك تعليق خاص بيك في التجمع القديم ،،،، فضلا لا أمرا ديري طلة شوفيه ~~~


خولــــــــــــــــــــة
استخيري الله وتوكلي عليــــــــــــــــــــــــه

فيفي
لاباس عليك ،،،،،،،،،،،،،، أسأل الله أن تكون كفارة ،،،،،،،،،،،
معناها برنامج الأسنان ما عنكمش فيه مشكلة ،،،، تخصص الزوج ~~~

أم فروسي
ربي يعاون
بدأ العد التنااااااااااااااااااازلي
سبحان الله
توا كيف سمعنا بأم فروسي بتمشي لبريطانيا ~~~~
ربي يسهل الأحوال للجميع
الفستان مميـــــــــــــــــــــــــــــــــــــــز للغاية
بس ،،،،،،،،،،، حكاية السروال اللاصق وتحجيم العوووووووووورة
والثاني
أيق بس مازال يحتاج إلى خطوات ليصل إلى فخامة الأول ،،،
اللهم باااااااااااارك ،،، ياريت اديري رأي بخصوص ظهور الفخذ مفصلة ~~~~
تبيدي بعرق الصحة والعافية

أوشي
مرحبتين ،،،،،،،،،،،،،،،، بيك
وربي يحفظ العائلة جمعااااااااااااااااااااء

أم معاذ
ما نحكيلكش عليها خلعة الضربة
رواشني قريييييييب انفتحوا من قوتها
فكرتني في أيام الناتو
الله يهدي البلاد والعباد
وإن شاء الله خير

سوسو
الغالية
تفصيلكــــــــــــــ في الحديث بصمــــــــــــــــة مميزة ،،،،،،،،،، لا مثيل لها
شفافية ووضوح وسلامة صدر
رعاك الله

أم وسونة
مرحبتين
شن اخبار المدرسة
آنست وشرفت
بوسيلي الحلواااااااااااااااااااات

جنووووووووودة وجي جي علامتا إستفهام ؟؟؟؟؟؟؟؟؟؟؟؟؟؟؟؟؟؟؟؟؟؟؟

[أثري في مدادي]

[أثري في مدادي]

يمي يمي

كولوا
ولا يهمكم ،،،،،،،،،،،،،،،،،،،،،،،،،
صحتين على قلوبكم ~~~~~~~~~~~~~~~~~~

هيا بالسلامة
الجماعة كلهم نااااااااااااااااااااايمين

السلام عليكم

[هدية الخالق]

السلام عليكم ورحمة الله وبركاته
كيف حالكم كلكم إن شاء الله تكونوا بخير
ليكم وحشه كلكم وسبب غيابي إنه ويكيند وطلعات
يوم السبت نضنا بكريييي صلينا ومشيت عندي تحاليل في المختبر درتهم وبعدين مشينا للمصرف راجلي دارلي بطاقة مصرف وبعدها خدينا فطور وروحنا فطرناه في الحوش وارتحنا شوي بعدين طلعنا مشينا للسوق منجيبوا القضية الناقصة أول حاجة مشينا لمحل الحلال خدينا لحم وخبزه تنور تهبل وخدينا طحينه أدمنت عليها مع التمر مش عاديه وبعدين مشينا للمول جبنا نص البضاعة لأنه العربة تعبت وقلنا الباقي نجيبوه غضوه وخذيت توب امتاع رياضة امدايرين عليهم تخفيض كان بستين وراح بعشرة لانهم بيصفوا بضاعة الشتاء خذيته وخذيت وشاح من نفس المحل وبعدين مشينا خدينا تابلت لأنه التابلت امتاعنا هنت عليه سما وفسداته قداش ليه وقالي راجلي إنتي ديما تشكي من رقبتك وظهرك من التقعميز عالكمبيوتر هذا اسهلك وبعدها مشينا تغدينا حوووت لأنه المول اللي احني فيه مافيشي حلال وروحنا صلينا العصر ونووووم للمغرب
وامس فطرنا وطلعنا مشينا لسوق قريب علينا جبنا باقي البضاعة لأنه جااينيه ضيوف غضوه إن شاء الله عيييله كامله وصغااااااار قريب يوصلوا للسمي ربي يعيني عليهم وطبعا بدون مناسبه هدرزة بس هادي المرأة جت عزتني هيا وصغارها الصغار بس وتعبت فما بالك توا بتجيب الكبار والشقة صغيره وما نحكيلكم علي صغارها سلامتهم مشاغبيييييييييييين بمعني الكلمه وقليلين أدب وامهم الله يهديها ما تكلمش فيهم والله المره اللي فاتت الولد الصغير هبلني مفيش حاجة في الحوش سلمت منا وشوفو وقتها أني قاعدة نفسيتي وجوي معكر وتعبانه ونجري في جرة الصغار من مكان لمكان مره نلقاهم في دار النوم علي سريري ومره فاتحين الثلاجة علي وسعها ويفتشو ومره خاشين تحت طاولة التلفزيون ويشحوا في الخيوط والعاب سما ولوا خردة وحتي سما ما سلمتش منهم
ااااااااااه علي قد ما نعد ما نوفيهمش حقهم هذا اللي حكيته نقطة في بحر وحتي أني ولوا عليا ضرب ونتش عليك حاله وخلاص والام بروووود تام كان كترت تقولهم هيا منروحو كان ما تهفتوش !!!!! هذا اللي قدرت عليه
واني كاني فالحه نتكلم نطلع ما ننفعش بعدين لكن والله إلا قلت لراجلي أمس قلتله راهو منعارك ومنعلي صوتي كان أضطريت كلا مش مناكل روحي من داخل ومن برة منبتسم ومنساير هادي ما يقدرها حد والي بيحرج خلا يحرج قالي كان زودوها عاركي والله ما ادوري إنتي مش مضطره تتحمليهم مادام الام ما تصرفتش تصرفي إنتي مش تحس شويه
استغفر الله ياربي والله مش قاصده غيبه غير مضايقة من تصرفاتهم ومن برود ولا مبالاة الام وفضفضتلكم ونبيكم تقترحوا عليا كيف نتصرف
هما اربعه صغار الكبير يقراء صف تالت والي بعض بنت تقراء صف أول والي بعدها ولد في الروضة (وهذا الكارثه الكبيرة خوته أهون منا يتزلبحو والبنت الصغيرة أصغر من سما بشهر

[هدية الخالق]

المشاركة الأصلية كتبت بواسطة sosolibya

هلا هدهد شن أخبارك..

اليومة طبعا نتغدو عند امتعيني ولأن البارح كسكسي وبازين درنا غدانا رز مبوخ

ودرت لقمة القاضي

وبعد ماروحت من امتعيني درت خبزة ملفوفة والعصر مشيت لخوالي,,

كيف حالكم .. وشن جو سوما ,.
اهلين سوسو الله يسلمك تمام الحمد لله صحتين غداكم الحمد لله سوما كويسه شن اخباركم انتم وكيف حال الصغار
باقي البنات كيف حالكم جميعا..

المشاركة الأصلية كتبت بواسطة sosolibya

ماجي حد ,,,,

إن شاء الله ألإثنين موعدي وإن شاء الله يكون الكيس أختفى ,, وربي يطعمني الحمل هذا الشهر يااارب,

اليوم موعدك سوسو طمنينا إن شاء الله خير وربي يرزقك الحمل الشهر هذا يارب

المشاركة الأصلية كتبت بواسطة fefe93

أهلين هدهد تسلمي
سوسو والله حتي انتم كلكم ليكم وحشة وإنشاء الله يكون كيس اتنحي وربي يرزقك الحمل الشهر هدا

الله يسلمك فيفي شن اخبارك

المشاركة الأصلية كتبت بواسطة ام معاد

السﻻم عليكم كيف حالكم ومبارك علينا الحوش الجديد شكرا يا هدهد

اهلين حبيبتي انستي لا شكر علي واجب
شن اخبارك واخبار الصغار

المشاركة الأصلية كتبت بواسطة ام معاد

امس كان انفجار قوييييييييييييييييييي وطبعا كنت بروحي زوجي ماشي ايجيب في عشي والصغار راااااااقدين واني مستمخة اخخخخخخخ ونسمع هديك الضربة يا لطييييييييف ياربي لين حسيت روحي دخت ومع الخوف حسبي اللله ونعم الوكيل
كﻻ اني فدييييييت منها البﻻد حتي الطلوع معش انحب نطلع استغفر الله

يا ساتر يارب الحمد لله علي سلامتك من الرعشة ربي يفرج علي بلادنا يارب

المشاركة الأصلية كتبت بواسطة ام وسونة

السلام عليكم

كيف حالكم وخياتي كلكم ان شاءالله تكونوا كويسين

خولة ربي ينوضك بالسلامة نصيحتي ديري عملية راهي مش بالصعوبة اللي متصورتيها اني جبت طبيعي وعملية وعندي العملية اسهل

فيفي لاباس عليك وخيتي

سوسو ربي يطمنك ويعطيك الحمل العاجل غير اجل

ام معاد كيف حالك والله غالب كلنا في الرعايش

فروسة كيفك وكيفهم صغارك والفستان رووووووعة

هدهد تسلمي على التجمع وعلى الضيافة وسومة ربي يحفضهالك
الله يسلمك احبيبه انستي شن اخبارك وكيف البنوتات ربي يحفظهم
نبي نسالكم على جي جي وينها ان شاءالله المانع خير

وخياتي لوشوفتوني اون لاين راهو مش موجودة بس مخلية صفحتي في الاي باد دائما اون لاين امتى مانفضى نخش

توا نستودعكم عن الله الذي لاتضيع ودائعه

المشاركة الأصلية كتبت بواسطة dr.loly

ام وسونه نورتينا بعد غيااااب ان شاء الله امورك تمام انتي والحلوات

هدووو شخبارك وبديتي تجهزي ف حاجتك اللي بتشحنوها او لا
نحن ان شاء الله اخر الشهر هذا فما نحكيلك ابو الشباب ونا قمة الطوارئ
سلمك فروسه الحمد لله شن اخباركم انتم وربي يعاونكم إن شاء الله
لا والله مازال ما بدينا احني حتي الهدايا ما كملناهم وشكلنا مازال مطولين أمس نهدرز مع راجلي قتله شن صار في المناقشه المبدئيه أمتي ؟قالي والله مش معروف تلخبطت عندي شويه وكل مره تطلعلي حاجة والمرواح احتمال نهاية الصيف اضايقت الحق عييت نبي نروح لكن ما بيتش نوضحله إني اضايقت قتله ربي يعاونك ما تخممش بالشوي بالشوي
ما نبيش نزيده ونزن علي راسه ويتوتر

سوسو ان شاء الله ربي يكتبلك الحمل السليم المعافى هالشهر يارب
وتبشرينا بحملكـ..


فيفي .. شخبارك واخبار السموحه لي ف بطنك..
ان شاء الله امور الحمل تمام معك




خوووله..
انا من كلام البناااات اخواتي
وزي مافتلك قبــل
اللي كاتبه ربي حيصير
وفعلا العمليه صح اسهل ف هالايام من الطبيعي
ولو جبتي بعمليه عندك فرصه تجيبي طبيعي اخــري

دام ولادتك الاولى طبيعيه..

المشاركة الأصلية كتبت بواسطة dr.loly

هدووو و وسونه
شكرآ ع رأيكن بالفستااان اللي شريته..
العفو حبيبتي ذوقك روعه ما شاء الله تلبسيه بالهناء إن شاء الله
هدوو شريته من محــل
ملابس خاص بالهندي وباكستاني وعبايات دبي
ياريت يا فروسه لو في متوفرات عالامازون منتعبك تحطيلي الرابط
من نيوكاسل
متوفرااات ع اخر موديل نفس لي شريتهن

لان زي ماحكيتلكم من قبل باكستاااااان واجد هناااا

المشاركة الأصلية كتبت بواسطة اوشي

كيف حالكن يابنات كلكن بدون استثناء ..

فروسة مبارك ماشريتي وتبيدي بالهنا

سوسو ربي يعطيك ماتتمني

خولة ربي يسهل عليك

فيفي انستي ولاباس عليك حبيبة

سامحني يابنات راني مشغولة اشوية .. بس بصراحة نخش نتباوع فيكم عقاب الليل
اهلين أوشي انستي وربي يعاونك إن شاء الله شن اخبارك واخبار الصغار وبوهم اللي يخنب فيك منا ليك وحشه والله
نقرى الصفحات بيش مايتركمش علي الواجب 00 ومرات كثيرة بنرد ونعلق اديرها

فيا رويت او يديرها فيا بوها خخخخخخخخ

المشاركة الأصلية كتبت بواسطة خوله 2014

بارك الله فيكم اخواتي العزيزات عالردود وان شاءالله يااارب ما تشوفو شر ابدا في حياتكم وربي يحفظ لكم درياتكم يا رب واني للاسف مشيت للمستشفي وحاولت الدكتورة تلف البيبي لكن طيبتني والله بطني لليوم توجع فيا وما نجحتش وقالتلي فكري بالعمليه او اصبري لين يجيك الطلق لكن حسيتها مصممة عالعملية

خوله ربي يكتبلك اللي فيها الخيرة
طمنينا شن صار معاك ؟

المشاركة الأصلية كتبت بواسطة أثري في مدادي

هدهـــــــــــــــــــــــــد

سلمك والله من مضيفــــــــــــــــــــــة ما قصرتي ،،،،،،،،،،،،،،
والحبايب كلهم ما قصروا معانا ،،،،،،،،،،،،،

خليتلك تعليق خاص بيك في التجمع القديم ،،،، فضلا لا أمرا ديري طلة شوفيه ~~~

الله يسلمك يا غالية انستي
بارك الله فيك عالرد قريته إن شاء الله في ميزان حسناتك وربي يقدرنا علي إطاعة أوامره واجتناب نواهيه
خولــــــــــــــــــــة
استخيري الله وتوكلي عليــــــــــــــــــــــــه

فيفي
لاباس عليك ،،،،،،،،،،،،،، أسأل الله أن تكون كفارة ،،،،،،،،،،،
معناها برنامج الأسنان ما عنكمش فيه مشكلة ،،،، تخصص الزوج ~~~

أم فروسي
ربي يعاون
بدأ العد التنااااااااااااااااااازلي
سبحان الله
توا كيف سمعنا بأم فروسي بتمشي لبريطانيا ~~~~
ربي يسهل الأحوال للجميع
الفستان مميـــــــــــــــــــــــــــــــــــــــز للغاية
بس ،،،،،،،،،،، حكاية السروال اللاصق وتحجيم العوووووووووورة
والثاني
أيق بس مازال يحتاج إلى خطوات ليصل إلى فخامة الأول ،،،
اللهم باااااااااااارك ،،، ياريت اديري رأي بخصوص ظهور الفخذ مفصلة ~~~~
تبيدي بعرق الصحة والعافية

أوشي
مرحبتين ،،،،،،،،،،،،،،،، بيك
وربي يحفظ العائلة جمعااااااااااااااااااااء

أم معاذ
ما نحكيلكش عليها خلعة الضربة
رواشني قريييييييب انفتحوا من قوتها
فكرتني في أيام الناتو
الله يهدي البلاد والعباد
وإن شاء الله خير

سوسو
الغالية
تفصيلكــــــــــــــ في الحديث بصمــــــــــــــــة مميزة ،،،،،،،،،، لا مثيل لها
شفافية ووضوح وسلامة صدر
رعاك الله

أم وسونة
مرحبتين
شن اخبار المدرسة
آنست وشرفت
بوسيلي الحلواااااااااااااااااااات

جنووووووووودة وجي جي علامتا إستفهام ؟؟؟؟؟؟؟؟؟؟؟؟؟؟؟؟؟؟؟؟؟؟؟

جيجي وجنوده ليكم وحشه ياريت اطلوا شويه اطمنونا عليكم

[هدية الخالق]

وينكم يا بنات مغطسين إن شاء الله خير

[sosolibya]

السلام عليكم مساء الورد

قصتي مع(( كيس على المبيض )) حللتها بالإستغفار.. ‏