【ツ】أحلى تجمع لأحلى حوامل التوائم 【ツ】 ‏الجزء الثالث

[درة البحر]

زوجي قليبي
الف سلامة عليك والله يحفظك أنت وتونزاتك وخليك ع الحمية لين تولدين بالسلامة
أم سلمى
الله يخفف عنك يارب ويكمل لك على خير

[درة البحر]

مشمشة روحي
الله يسلمك يارب والله البارحة جاني ألم في بطني وظهري وظليت أبكي من شدة الألم كنت خايفة تكون بوادر ولادة وانا بعدني في السابع وزوجي يهدي فيني ويحاول معاي اروح المستشفى بس قلت له برتاح شوي وبنام واذا رجع الألم بروح والحمدلله بدأ الألم يخف ونمت بس كل شوي أجلس من وجع ظهري الله يتمم لي على خير وكل البنات يارب

[درة البحر]

صغيرة باعمر شخبارك عساك بخير وسلامتها بنتك عطيها خافض للحرارة وما عليها شر

[ام منصور]

درة البحر
مشكوره فديتج ويزاج الله خير ربي يتمم لج ويقر عينج بشوفت اجنتنج حبيبتي
الحمد لله انا مستمره على المثبت وان شاء الله خير وعندي على الاسبوع الياي ومااطلب منكم الا الدعاء ان الله كاتب لي هالحمل بيتم لو مهما قالوا وسوا واذا ربي مب كاتبنه لو اخذت مثبتتات الدنيا مابيتم
ولله الحمد راضيه باللي ربي يقدره لي
والله يسلمج ويبارك فيج عقبالج ان شاء الله
.......................................

صغيره بالعمر
ماتشوفون شر فديتج هذا منتشر بين الصغار ولكبار
التهاب وضيق تنفس الله يعين
شحالج انتي شو سويتي ان شاء امورج طيبه وتونزاتج فديتهم

......................

مشمشه حياتي
تسلمي فديتج ان شاء الله مكمله مثبتات ومتكله على ربي ولله الحمد
.........

[ام منصور]

روح المحبه
فديتج قلبج الحمد لله مافي لا دم ولا الم الحمد لله حتى الم ظهري وبطني راح سبحان الله مادري ليش يمكن الهدوء قبل العاصفه هههههههههه
سكنهم في مساكنهم على قولة ام جبر ههههههه
وتسلمين يا حياتي على الدعوة اللي تشرح القلب
.................

فطوش
الله يبارك في حياتج وعقبالج فديتج
وان شاء الله مستمره على المثبت والله كريم
ومبروك عليج البنوته والولد فديتهم الله يقر عينج بشوفتهم سالمين
............

ام رفا
فديتج كلامج صحيح بس شو تسوين بعقول بعض الدكاتره تحسين على كثر خبرتهم الله يكرمج مخابيل مرات تشوط وايرات المخ عندهم هههههههه
الحمد لله رب العالمين مافي دم ولا الم ولله الحمد
..............
شنتوره
لبيتي في منى يا الغاليه تسلمين فديتج ولا تزعلين واللي كاتبه ربي بشوفه ولله الحمد
وان شاء الله الاخبار الحلوه كل يوم اسمعها لما اشوفكم انتوا وتونزاتكم بخير ولله الحمد والمنه
.............

زوجي قلبي
فديتج تسلمين والله لا يخيب رجاء كل منتظره الحمل والولاده وكل خير ان شاء الله
وانا ياختي هذا مقري منسدحه وعيالي يقولون ماما انتي شوفيج ليش كله منسدحه ههههههه يحليلهم يبوني انطط مثلهم في البيت متعودين عليه اني افرفر في البيت ومااقعد ( يقولون لي طاح الجمل كثرت سكاكينه ) ههههههه اللهم لك الحمد
وان شاء الله الموعد الياي بيجزم الموضوع ورب العالمين هو المستعان
...............
روح المحبه
انا بتوام اللي قبل سمعت النبض بالثامن
وفي واحد من عيالي سمعته سبع اسابيع و3 ايام والله اعلم
..............

ام سلمى
يا حياتي ماتشوفين شر واتكلي على الله لا تتركين الربط واذا اوزان البيبيات زين لا اتاخرين نفسج اخذي ابرة الرئه وتوكلي على الله يا قلبي
................

الورد الناعم
مبروووك الحمل وان شاء الله يكونون توام انتي في اي اسبوع او شهر
..........

[ام منصور]

خواتي حبيت اخبركم
الحمد لله على كل حال بدا ينزل على دم وانتوا بكرامه واحس بتقلص
اعتقد هذا بدايه نزول البيبي
الحمد لله الخيره في اختاره الله لا حد يتضايق ولا يزعل والله والله اني مرتاحه ولا بزعلانه ولا متضايقه
ادعوا لي ربي يعوضني يمكن اغيب كم يوم عنكم

[أم جبر]

المشاركة الأصلية كتبت بواسطة غنو حياتي

ام جبر
يارب يفرحك بضمنتهم وحضنهم ويكركبون عليك البيت ولا تلقين غرض بمكانه واحد يمشي وراك وواحد قدامك وواحد يبكي يبغاك تشيليه ,,,,وربي يرحم اخوانك وبسكنهم فسيح جناته اللهم امين

امييييييييييييييييييين !!!تسلمين على الدعوه الحلوه..
بس عاد كل شئ ولا الكركبه هههههههههههههههه

.......................

المشاركة الأصلية كتبت بواسطة ام منصور

هي صح نسيت ابشركم اختي ربت اليوم (ولدت ) ويابت بنووووته فديتها عقبال اللي بالتاسع ان شاء الله تفرحون بنوتاتكم وعيالكم ان شاء الله

مبروووووووووووووك ... تتربى في عز اهلها يا رب وتستاهلون سلامتها
وعقبالج يا رب تكسرين بكلام الداكاتره وتطيحين تشخيصهم الارض وتكملين التسع شهور وتجيبينهم سالمين غانمين !!

.......................

رجواي بالله

اظن 2 بيطلعون متشابهين .. وواحد مختلف .. الله يبلغج اياهم سالمين غانمين :)
.......................

عشمانة في ربنا

هلا عزيزتي .. وليش متاخر ههههههه ... انا يوم الاربعاء بدخل على حليمه في حمد وافضل اتابع عندها ..وكخاص اذا مثلا تعبت فجاه او حابه اكشف اروح لهادن في مركز الجزيره الطبي الي قريب جسر الجيده
.................................

زوجي قليبي

تسلمين على النصايح ^_^
لا احنا مريحين بس نعطي نفسنا فجه مره في الاسبوع وتكون خفيفه.. لزياره مثلا او لموعد عند دكتور

................................

روح المحبه*

تقدير الدكتور لعمر الاجنه اهو الصح .. اما الي في الشريط من موقع يحب حسبه تقديريه
اذا عرفتي الحسبه الصحيحه تقدرين تغيرين التوقيع وتسوينه على الحسبه الي قالها لج الدكتور :)
ويبين خلاص في فحص التلفزيون بالمسح الفوقي من الاسبوع الثامن ورايح ان شاء الله

والجدول الصيني تراه ما يضبط مع الكل .. بالحروه!
....................




الورد الناعم

علامات الحمل غالبا تختلف من وحده لوحده ... انتي حمل طبيعي ولا علاج؟

...................

صغيره بالعمر

سلامتها ما تشوف شر .. هاي فايرس في الجو لانه موسم هالامراض مع تغير الجو بعيد عنج وعنا جميعا

.....................
غيرت شريط الحمل علشان يكون نفس عمر الاجنه الي قالته لي الدكتوره
......................

بنات .. الي لها سوابق بسم الله عليكم بـ"سكري الحمل" وعطوها رجيم معين او شغلات معينه تتجنبها غير السكريات ياليت تفيدنا ,, ابي ابتدي فيه من الحين .. اخاف من فحص السكري لاني اوفر ويت

[أم جبر]

المشاركة الأصلية كتبت بواسطة ام منصور

خواتي حبيت اخبركم
الحمد لله على كل حال بدا ينزل على دم وانتوا بكرامه واحس بتقلص
اعتقد هذا بدايه نزول البيبي
الحمد لله الخيره في اختاره الله لا حد يتضايق ولا يزعل والله والله اني مرتاحه ولا بزعلانه ولا متضايقه
ادعوا لي ربي يعوضني يمكن اغيب كم يوم عنكم

اللهم اجعله خير لج وللبيبي يا رب !!
لا تتضايقين اهم شئ فديتج ولا تياسين !! ان شاء الله نشوفج بينا الشهر الجاي او الي بعده بتربلتس ..الله يوفقج يا رب ويكتب لج الخير ويسخر لج الدكاتره الحلال في طريقج !!

[awasha]

أم منصور لعله خير حبـّـيـِْ???بـِْتي

أم سلمي الله ييسر عليج. حبيبتي

غنو الله يبارك لج بالبنوته والولد ربي يحفظهم

شنتورة رجواي بالله روح المحبة. درة البحر. مشمشة. هتون أم عائشة وأم رفا والجميع ربئ يحفظكم

[الوردة النرجسية]

أختي أم عائشة أرتاحي على ظهرك واخذي المثبتات وتابعي مع دكتورك وأن شاء الله بثبته ناس كثير أعرفهم صار لهم مثلك وقفت الأفرازات بس هم حملهم طبيعي بس خليكي مع الدكتور خلي يعمل لك سونار . أنا قبل لا أحمل بالتوأم حملت بس كان حملي ضعيف بس ما كنت عارفه بهل الشيء نزل إفراز بني وتقلصات مثل الم الدورة ونزل بعد فترة قصيرة دم أحمر يعني بنفس اليوم وسويت في وقتها تحليل حمل رقمي كانت النسبة ضعبفة ونزل جنين مثل أم منصور بس أذا كان إفراز بني خفيف بدون ألم ولا يزيد يعني وضعك مطمأن لاتخافي واصلي على الدفاستون ولي إلي اطمأن أكثر هرمون الحمل عندك قاعد يرتفع اكثر قراي سورة البقرة لحفظ ما في بطنك وبالخصوص آيه الكرسي.

أم منصور أنا صار لي مثلك بحمل الأولى نزل لآن الحمل ضعيف والحمد الله بعد 3 شهور الله عوضني بتوأم بنات طبيعي بدون علاج أنا كنت عارفة بس والله ما حبيت أفاول عليكي وحزنك الله يعوضك مثل ما عوضني بأجمل بنوتات.