【ツ】أحلى تجمع لأحلى حوامل التوائم 【ツ】 ‏الجزء الثالث

[ام منصور]

هي صح نسيت ابشركم اختي ربت اليوم (ولدت ) ويابت بنووووته فديتها عقبال اللي بالتاسع ان شاء الله تفرحون بنوتاتكم وعيالكم ان شاء الله

[غنو حياتي]

قالة على اخر شوال بيكون تخفيض
وان شاء الله بيسير ولو رحت بقولك الاخبار يا مشمشه
مع ان اول التخفيض بيكون 20 وبيوصل بعدين الى 75 اتخيلي الفرق بيكون كبير لانك بتشتري من كل شي قطعتين

انا راح اشتري ان شاء الله هذا الاسبوع :
بربتوزات داخليه
عند الهرم بتلاقيها ب 4 ريال اتخيلي ومو معناته رخيصه انها سيئه بالعكس باخذ لان بيهم بالاول الكميه مو النوعيه تعرفي التبديل بيكون كثير باول فتره للبيبي
كوافل "مهادات" برضو عند الهرم ب 11 ريال ونوعيتها مو سيئه

اشتريت من رد تاغ كوافل واللله ان اللي عند الهرم افضل منها

اما من سنتر بوينت الارنوبي او الافرون عندهم مقاسات تزنننن واشياء مرتبه
والقبعات -الشرابات- وشوزات قطنيه روعه-اللفه الخارجيه للبيبي مااااادري اش اسمها بس عنده اشياء حلوة كثير
والاحلى انه مرتب ومنظم وماتنسي شي للبيبي كل شي يحتاجه قدامك

اما ستي ماكس عنده ملابس لما يكبرو شووووي لاني بستغل الفرصه طالما تخفيض وقبل ما اثقل زياده بجيب كم لبسه مرتبه ان شاء الله

[توتا بطوطه]

اه غنو ان كمان بيعجبنى الهرم واول بيبى كان معظم لبسه اول ما اتولد كان من عند الهرم بس اشوف سنتر بوينت عندهم اشياء جديده مو روتينيه

[رجواي بالله]

سؤال محيرني يابنات وياليت اللي عندها خبره تفيدني الله يجزاها خير
في بدايات حملي والتصوير قالو لي كا جنين منفصل لحاله بكيس بس ماجابوا لي طاري المشيمه لكن اليوم قالو لي اثنين في مشيمه وحده لكن كيسين منفصلين والثالث ياعمري لحاله مايبغاهم خخخ
هل بيكونوا متطابقين يعني ولا ايش؟ بس انا من قبل قالوا لي انهم من الاصل ثلاث بويضات
وهل يضر انهم يتشاركون في مشيمه واحده؟

[روح المحبه*]

ام ممنصوور...
ياقلبي الله يكتب لك الخير اذا مونازل عليك دم ولاافرازات لاتتركين الحبوب ابد
واستمري وبعد اسبوعين روحي الاستشااريه

اسئل الله العلي القدير ان يتمم فرحتك ياارب ويخلي لك مااعطااااك
وربي ازعجني خبرك عساه ان شااءلله مو ثابت هالكلام

[روح المحبه*]

غنوو.....
هلا وغلا بالطش والرش والبيض المفقش>>>>برااا ههههههه
كيفك وكيف غنوو
بالنسبه للنبض قالو لي بالسوم 35من الترجيع يبان
وانا ماابي اسوي اشعه مهبليه
ابيهاا فوق البطن يعني بالاسبوع 7بسويهاا
دعواتك ربي يطمني ويطمن ام منصور ياااحي يااقيووم
يخلي لنا مااعطانا وام عاائشه ياااااااااارب

[عشمانة في ربنا]

المشاركة الأصلية كتبت بواسطة أم جبر

رجعت .. تعبت طبعا لان في مشواري نزلت تحت على السلم علشان اطلع من بيتي
واهناك ركبت السلم فوق ونزلت والحين يوم رجعت ركبت ... افففففف حسيت اني ارتكبت جريمه



وييي يا حظي انا متينه طايح حظي في السوق ما الاقي لبس حوامل يصلح لي يا ازمه في الورج يا في الزند .. باختصار خرابه
فاحسن لي افصل .. بس قلت ابتدي تفصيل الشهر الجاي احسن
بسويلي شغلات للبيت والنوم وشي بسيط للزيارات !! مع ان عندي كم جلابيه مغربيه فخمه تصلح للزيارات العائليه البسيطه !

يالله الي عندها موديلات تصلح للي عندهم زنود تفيدني هههههههههه
.................

روح المحبه*

حالتج غريبه هههههههه .. انا مالي خلق امشي حتى ابي اروح اقعد على البحر اشرب كرك ولا اروح السينما او اتمشى على خفيف في سوق واقف بالليل وناسه

تروحين وتردين بالسلامه من بيت اهلج <صارت طلعاتنا اسفار لا اله الا الله ههههههههه
...............
ام عاشه

اني تايم عزيزتي
بس بخصوص الافرازات يمكن توه طالع من بعد العمليه فعاديه
انا يوم اسوي سالت الممرضه عن الاشياء الي ممكن تصيدني علشان ما اتروع او شئ نظرا لكون بيتي بعيد عن المستشفى .. فقالت لي "يمكن تطلع معاج افرازات بنيه فهاي عادي لكن ريحي قد ما تقدرين ولا تمشين بسرعه "
بس اني وي .. اتصلي بالدكتور المناوب واسئليه اذا كنتي كلش متخوفه ومب مقتنعه
..............

حبيبتي ام جبر
انتي في قطر اخيرا لقيت حد معاي في نفس البلد بس يا خسارة متاخر انتي بتابعي فين الحين ؟

[غنو حياتي]

تسلميييين يا روح يا ست الكل وربي يطمنك قريب وتعيشي الفرحه اللي عشتها انت وام منصور وام عايشه

رجواي
الله العالم بيكونو اثنين نفس الشكل والجنس لانهم من بويضه واحده
والثالث شكل ثاني عنهم
وربي يطمنك فيهم كلهم

[رجواي بالله]

غنووو،، لا من البدايه قالوا لي ثلاث بويضات
بس الحين قالوا اثنين في مشيمه والله اعلم

[امل العلم]

السلام عليكم اخواتي
ابقولكم شي بس لاحد يزعل
لازم نستفيد ونفيد بالتجمع مانبغاه شات وسواليف
كل وحد تقرى معلومه اوتعرف معلومه او تقلها دكتور شي اوتجربه مرت بها
تفيدنا لان هذا التجمع للافادة
واسمحولي خواتي لو زعلت احد