تجمع حوامل ليبيا

[راجيه فرج ربها]

نسيت انوصي اختي الصابره ماتستعجلش مادام الوضع سليم ومية العيل اكويسه انا فتت موعدي قريب اسبوعين وربي فرجها في بنتي كان موعدي 13مارس وجبت 1ابريل ربي ما امره ينزل اكثري من الاستغفار وربي يسرها ليك

[حبل الوصل]

اليوم ماشية لبيت أهل راجلى نمشي ندير خبزة كسكاس باللحم المفروم
انى وام اسيل وميرنا معادش تلاقينا بكل

[ميرنا]

صباح الخير ياحبل الوصل وانشالله يارب تطلعى حامل وعرفتى انقولك الحاجة الثانية عندما ذهبتى لدكتورة ايام لى تشوفى فى التبويض وما لقتش البويضة بمعن ان البويضة تلقحت ونزلت فى الرحم وهذا دليل اخر على انك حامل يارب انشالله والله انحس فى روحى فرحنتلك ونقول لو تحمل وحدة منا اكيد حانحملو كلنا منيش عارف اتقول مربوطات ببعضنه وانشالله نحملو لان حسب كلم الدكتورة اتقول لى جايب من قبل ماتخفش انشالله حا تحمل مرة اخرى الخوف من لى ما حملتش بكل ونحن الحمدالله انا جايبت من قبل وانشالله ربى يرزقنا بس نقولك حاجة امنعى الجماع هذه الايام وتريحى على الاخر ويارب تفرحينا باوليد وبنية وبعدها نسمعك اتقولى نبى نحمل اتشوفى عليه

[ميرنا]

حبل الوصل انا علق انت على المدار وبطيى فى الفتح وكلما نبى نرد عليكن نلقى روحى نسهرى على حاجات مضت انقولك قبل ماتمشى شنو الاكلة التى قلتى عليها تبى اديريها

[ميرنا]

المشاركة الأصلية كتبت بواسطة راجيه فرج ربها

طبعا انا اختكم سرتاويه وعندي ولله الحمد بنتان واوليد وخاطري في اعويله واجدين لكن ربي ماسخر انصبت قبل عامين بورم في صدري منعني من الحمل رغم اني كنت حامل ساعه الاصابه لكن قدر الله واجهضت وشلت الورم وخديت الكيماوي والاشعه وقعدت نستنا في رحمة ربي ونبي نحمل فكرت طبعا دكتوري قالي بعد السنتان فكري الشهر هدا استخرت وان شاء الله ربي ايسخر قولن امين انجيب ونيس لوليدي وعمري ماعاد يسمح بالانتضار اكثر لان الدكاتره قالولي كل ماطولتي يكون احسن لكني توكلت علي ربي واستخرت هو اللي يختار لي الخيره فيمايحب ويرضي زعما من مر بتجربتي ومرت اموره على خير في كل لحضه خايفه من عودة الورم اعود بالله من الشيطان لما يعرمس عليا رحمتك يارب ان شاء الله خير دعواتكن يالي بتجيبنا ان ربي يشفينا ويحقق مافي بالي ويخليني لعويلتي يارب

اختى الغالية والله قطعتى قلبى عليك ربى اذا حب عبدا ابتلاه وانتى اكيد انسانة طيبة وقلبك كبير وتحبى الخير اكيد امغير عين فيك ربى انشالله يجبر خاطرك ويفرحك بعويلتك والحمد الله عندك اعويلة ردى بالك عليهم وديمة انصحى وريهم الغلط من الصح وربيهم احسن تربية يقولوا قلل ودلل والله مرة لوليد الوحد خير من عشرة انا لو فى مكانك ما عد اندور الضنو اهم حاجة صحتى بيش نقدر نربى اعيلى وانتى كم عمرك ؟ شوفى عندى قريبتى جابت وعمرها 46 سنة بنية اتحل العين المغمضة اجعنها بنيتنا وربى كريم // وشن راجالك يبى اعيال

[ميرنا]

ام اسيل هههههههههههههههههه والله صدقتى حتى السيارات يبزنس فيهن والله العظيم يجيبله صاحبه من بنغازى فى سيارات نوع( كية اوبتمة ) ويعرض فيهم فى درنة شارعنا تحلفى عليه اتقولى معرض كل شهر جيبله 5 او 6 سيارات قدام الحوش وخلال 3ايام يكون بايعهم وياخذ حصته منهن واما المكياج فى الصيدلية لى فتحها فيها مكياج وصيدلية دايرها فى منطقة اسمها مرتوبة من ضواحى درنة وحط فيه دكتورة صيدلنية قالتله بيش نكسب ازبائن ضرورى اندخل حتى المكياج مع الدواء لانها المنطقة نائية ولصبايا لى اتجى تشرى فى الدواء تلقى المكياج تشرى والله العظيم حتى الحنة ولصقتها نين اتبيع فيها وانا زايطة فيها كلما تنقصنى حاجة نمشى بعد اتعطل الدكتورة يوم الجمعة ناخذ لى نبيه من مكياج وعطور وشامبوات وراجلى ايقولى ياريتك امغير تستعملى فيهن لى يجيك اتحمليه وعنده بطح بالجرار يشتغل عليه على الميناء ومصنع الاسمنت ويش انقولك غالى عليه الشغل وربى يحفظه لى وزاد عطت الدولة تعويض الانه كان مسجون 7سنوات 300000 اما بلنسبة للتحلي ماشالله عليك مية المية

[عيون زوجي]

ماشاءالله تبارك الله لاقوة الا بالله ربي يباركلكم ويهنيكم يا ميرنا والله بجديات ينخاف اعليك من الحسد وطمع الصبايا واهاليهم في راجلك حتى لو كان عندك كوم عيال يطمعوا فيك ولهذا كثري استغفار وبري سافري للاردن ماداما ربي فاتحها اعليك وما اضيعيش راجلك منك الراجل لو تزوج اعليك ماعادش فيه بنه نوضي وصحصحي لعمرك انشاءالله تجونا هنا لالمانيا المهم ماتوقفيش محاولات ربي مع العبد يلي يسعى لطلبه وحاجته والاردن قريبه مشيتلها مرتين لما بنتي تعبت في ولادتها ومقدور اعليها نصيحه من اخت في الله وحباتك في الله سافري وما تسكتيش عن حقك

[عيون زوجي]

راجيه فرج ربي
الابتلاء نعمه مايقدرهاش العبد في الدنيا بس رح تلقيها قدامك يوم الحساب ويارب كل مرضك كفارة
انا ما نقولش ماتحاوليش اتجيبي بس عويلتك ساديين ماشاءالله والاهم صحتك تخافي لو الدكاترة مانعين ايصيبك انتي شي لاقدر الله او الجنين يتشوه انتي لازم تفكري وتستشيري اطباء ومتخصصين ما ادوري كلام العامه والناس العاديه لانه قرار مصيري
ويارب يشفيك ويعفيك ويخليك لصغارك ويعوضك بيهم خير

[عيون زوجي]

هنديه...خليك ديمه احسن منهم وما تنزليش لمستواهم تبي تغيضيهم اسمعي كلامي اوقفي لعمرك وخليك احلى منهم في الشكل واللبس والحنه والمكياج والكلام وكل مناسبه واو اسبوع اطلعي احلى كنه ويلي يهدرز معاك تعجبيه وماتجيبي سيرتهم ابدا
وماتفوتيش هلبه وجيبي اخ لبنتك او اخت خلي ينغاضوا منك ويتفجروا

[عيون زوجي]

ام اسيل ربي يرزقك بحمل طبيعي وريحي راسك من الزرع خليه بعد سنه مش شهريين وربي يقدر يلي فيه الخير
حبل الوصل شكلك عاملتيها وحامل بري حللي وشوفي روحك وبشرينا ويارب يكمل اعليك الفرحه وعقبال ام اسيل وميرنا