تجمع الغاليات بنات العراااااق**التجمع الجديد**

[المهندسة ام تيم]

ياسو حيااتي تكومين بألف سلامة انتي وحبيبتي النوني

اشتري 4 اوفرات 2 بردت و2 بلا ردن وبيجامات فد 4
وكماطات 3
ودشدات 3 بيها ردن كاملة
كب 2 للراس
كله لازم قطن 100 %
ملحف
منشفة
بطانية
بطانية خفيفة كلش
صداري رضاعة


ان شاءالله شوكت بالسلامة تولدين حتى اكولج شنو صيفي وشنو شتوي..؟؟

[حلمي بطفلي]

ام تيم حياتي يوم عرس حمودي وتخاويه حياتي تسلمين
ياسه يارب ماكو شي وجيبين بالسلامه شوفي حبي اني بوكتها تاخرت بالتجهيز لان مجنت متاكده من جنس الطفل والدكتوره كل مره دكول شكل بس قبل ماجيب باسبوع تقريبا جهزتلي ماما وطبعا هيه قبلها جانت تشتريلي واظم لكن مو لون محدد بياضات ترهم للولد والبنيه وانتي هم هيج سوي الي تحتاجيه 3 اوفرات بنص ردن او كات لان رح اجيبين بآب اللهاب يعني حاره مو مال ثخين و ولحاف وبطانيه كلش خغيفه لثكلين حتى ما تتمرض لان رح تجي الحلوه بعز الصيف كماطات كلهن موزينه بالسوك خيطي احسن اني ما كمطت ابني بس 3 ايلم وهيج علخفيف ويضوج منه وعفته بعد بكيفج جفوف مال ايد حتى متخرمش وجها اذا متكمطيها اوفرات خارجيه فد عدد 5 او 7ﻻن تستهلكين جتطه حفاظات مميات فد 5 خاوايات مناشف عدد 3 صابونه وشامبو وليفه وبيت طفل ومشمع عدد3 هاي الي اذكرها الرئيسيه ولتكثرين لان الطفل يكبر بشرعه ويارب بالتمام يون جهاز زواجها

[طوق الياسمينة]

تسلمون حنوشة ونبروسة زين كلتولي....اني جنت محسبة غير حسابات ...تسلمون...نبروسة ان شاء الله اجيب بشهر 8

[المهندسة ام تيم]

ان شاءالله بالف سلامة عمررري

[حلمي بطفلي]

تدللين حبي ياسه
سيلا وينج وعلايه وينها
ام تيم شلونج وشلونه حمودي يارب تكونون بخير
بنات الي جابو والي جايبين قبل شكد عمر ابنكم وبدياو تطلعون بيه للمحلات والمولات وبيوت الناس كولونه حتى نستفيد عفيه

[المهندسة ام تيم]

بأي عمر من 3 وفوك .. المهم ترتبيله وضعه واخاف يحتاج رضاعة وانتي تتمشين بنص السوك واخاف يكوم يبجي ويتنحس وانتي ببيت احد او بسوك او بمول وتتضايقين يعني هاية المعوقات بس صحيا ماعليه شي امانة الله ورسوله

[طوق الياسمينة]

هلو بنات اليوم صار عندي ضيق بالتنفس وخفقان...ودوخة بحيث مكدرت انام لا بالليل ولا بالنهار...اختي تكلي هاي فقر دم...شتكولون صح كلامها لو شي ثاني الضغط طبيعي والحمد لله...احس كلش تعبانة مااكدر اتنفس طبيعي

[حلمي بطفلي]

ام تيم تسلمين حياتي يعني انتي 3 اشهر بقيتي بالبيت ولا مره طلعتي يبووووو ؟؟؟؟؟؟
ياسه حبي كلما تتقدمين بالحمل ويزداد حجم بطنج يزداد ضيق التنفس لان الرحم ديكبر والطفل بيه ويضغط علحجاب الحاجز فعادي هلشي ضيق التنفس والخفقان كلشي المره الحامل تمر بيه من غربب بس هلشي عادي واكو قسم يصير بيهم وقسم لا... وممكن فقر الدم هم هيج يسوي ليش لا بس حللي اذا طبيعي وموىجوه ال 9 فمعناها مثل مكتلج ويارب سلامات حبي

[المهندسة ام تيم]

حبي حنوشة اني الحمل كله بالبيت وفوكاها ولدت بالشتا ومكدرت اطلع الا طلع البرد وكبر حمودي .. يعني سنة الا شوية اني نايمة بالبيت والحمدالله

[حلمي بطفلي]

الله يساعدج حياتي يعني اول طلعه اله شكد جان عمره حمودي الله يحفظه