دردشة حوامل مصر - دردشة بنات مصر - تجمع حوامل مصر

[ملاك بلا أجنحة]

والله العلاقة بينهم عادية

بس هو بيقول عاوز البنت تيجى على هنا

والسبوع يبقى هنا

وطبعا ماما مش هتقدر تيجى هنا علشان طلوع السلم عليها غلط

واللى هيكونه هنا اهله بقى

وهما والله بيخنقونى جدا جدا فوق ماتتصورى

والأعتراض أنه مش عاوز حد يقول أن بابا هو اللى عاملى السبوع

ويبقى هو قصاد أهلى وأهله هو اللى عامل السبوع

أنتى فهمانى بس ومش عارفة أعمل أيه

أنتى رأيك أعرف ماما ولا أخليى هو اللى يكلمها ويقولها

ولا أسيب الموضوع كده لحد ما أشوف ربنا هيعمل أيه

يوم الولاده يمكن لما يشوفنى تعبانة يسبنى أروح مع ماما

ولا أنتى رأيك أيه؟؟؟ قوليلى أعمل أيه؟؟؟؟؟؟

[ملاك بلا أجنحة]

أنا هقوم دلوقتى يادودى هحضر الغدا

وشوية كده وهحاول أرجع تانى

لو ممكن تسبيلى ردك واللى تقدر تفدنى من البنات

تسيبلى رأيها

لا أله الا الله محمد رسول الله

[دودى اشرف]

والله يا حبيبتى لو مامتك متفهمة كلميها براحة ... وبعدين ليه الناس هتقول انه مش هواللى عامل السبوع لو اتعمل عند باباكى معروف ان الزوج اللى بيتكفل باليوم ده فا الكل هيبقى عارف كده ولا هو هيعمل زى الحفيد هههههههههههههههههههه علشان ولدت عند مامتها يبقى لازم باباها اللى يشيل الليلة ههههههههههههههه ... والله انا رأى تتكلمى معاه تانى براحة او تخلى باباكى يتكلم معاه برضه لو العلاقة بينهم حلوة وبيعمل خاطر لباباكى ... وربنا معاكى

[دودى اشرف]

ماشى يا حبيبتى ... هنستناكى ان شاء الله ويارب نقدر نفيدك باى حاجة وربنا يهديلك الحال

[رنا خالد]

بصي ياملاك انتي ممكن تولدي عند مامتك وبتعملي السبوع في بيتك انتي واهو تبقي مسكتي العصايا من النص انا هاعمل كده اما بالنسبة لماتك فممكن تيجي علي نفسها شويه وتستحمل السلم العالي عشان خاطرك وخاطر النونو حاولي انتي بس ماتنشفيش دماغك عشان جوزك مايعاندش وربنا يقومك بالسلامه

[dr.princess]

بنااااااااااااات مصطفى حسنى فى ندوة دلوقتى فى ساقية الصاوى وبتتذاع لايف على الرابط ده
http://mustafahosny.com/stream/
يللا افتحوه الندوة حلوة اوى

[ماما قلقانه]

ملاك يا حبيبتى.انتى ممكن تحاولى تقنعيه.لو ما اقتنعش فحاولى تيجى على نفسك وتولدى فى الشقه .لان اكيد دى اول فرحه لكم ياحبيبتى ربنا يتمم لكم على خير يارب وتقومى بالسلامه انتى والنونو .فاكيد هو عاوز يحس ان الفرحه دى بتاعته وان الناس جياله بيته .فحاولى تقنعى مامتك واكيد هتقتنع ان شاء الله.

[ماما قلقانه]

لسه بتشوفى الندوه يا لولو

[دودى اشرف]

حد هنا يا بناااااااااااات

[دودى اشرف]

سمر انتى هنا حبيبتى .. ازيك عاملة ايه وازى الكتاكيت الصغننة والنونو