ديوانية البحرين - دردشة حوامل البحرين - البحرينيات

[شمس الصباح]

المشاركة الأصلية كتبت بواسطة طفلي حياتي

السلام عليكم
يوم يديد .....سؤال يديد
شنو اعراض الحمل اللي حسيتي بها ..ابغي الفرق بين البنت والولد
يلا همتكم

هلا طف طف بالنسبة الي الأعراض هي نفسها يعني نساه الترجيع وغيره كل مثل بعض بس شي واحد ان البنت ثقيله والولد تكونين مثل الريشه لا تنافخين ولا غيره نشيطة اي والبنت اول الشهور تنسيت على النووووم اول الشهور بس والحين سهررر والعيون مبككه

المشاركة الأصلية كتبت بواسطة فرح عمري

شخباركم جميعا ان شاء الله بخير

ان شاء الله بنت الاياويد ولدت وارتحت

شمس ترى الروبيان المقلي بقشوره ما يبي له شي

ما يشيلون لا الراس ولا الذنبه يخلونها لان حلاته تقرمشينهم وقت الاكل

وفيه ناس ما تشيل حتى قشرة البطن تخلي الربيانه كلها تنقلي

وبالنسبه الى بهاراتها عاديه بهارات الربيان او السمج وتخلينه شوي لين يمتص البهارات وبعدين تقلينه <<<< توها امس مسويه ربيان بقشوره شكله رجعت لي النساه هههههههههههه

خاطري اسوي بس متردده اخاف يطلع مو حلو انزين بسئلش يتقشر بسرعه اذا قليته او يلصق القشور مع الروبيان ؟؟ ومشكور فرح عمري

المشاركة الأصلية كتبت بواسطة طفلي حياتي

على طاري مشوار اعرفه في مثله محلات وايد يينزلون بضايع ماركه وبأسعار جدا رخيصه
اني اروح مال مدينة حمد والحين في المحرق فيه بعد وله جمن فرع هوو
اذا تشجعت بروح اشتري

اول مرة اسمع عنه مع اني اروح سوق واقف

[طفلي حياتي]

هلالا شموسه
بوصف لش مشوار مدينة حمد تعرفين بيرفكت جينز؟؟ المحلات اللي قباله مشوار فيها بس مقابل الشارع من توصلين هناك اسالي بخبرونش
ووصف ثاني وانتين داخله من الدوار الاول يمين امشي سيده هو قبل الاشاره صاير

[شمس الصباح]

المشاركة الأصلية كتبت بواسطة بنوتة حلوة

مرحباااا ,, الليلة بتجوفين بقعد قعدة على هالصفحة ومابروح مكان .. جفتش قلتين بتقومين قلت خلاص هادي من تروح تنسدح ويا هالرجل خلاص ماترجع .. ورجلي الله يسلمش مو واجد فاضي ليي :(
مايكلمني واجد ..

أني بس متأدية من بواسير الحمل واااااجد واااااجد بشكل ماتتصورينه امس يمكن عشر مرات اروح الحمام مادري شسوي فيهاااا مأدتني مزوغة مرري واكو منزلة موضوع عنها جيكيه حالتي حالة :( ان شاءالله مايصيد ولا أحد منكم لأنه صدق صدق بلااااء عظيييم وعوااار ويا كل حركة تخيلي اني بروحي ويا هالدبة والثقل وبتي مسكينة امس بايدها تهوس تباني اعطيها وجه واني كلللش متأدية :(

ويش أحوال بعد ؟؟؟
بنت الاياويد شكلها من زمان ولدت لأنها تأخرت واجد عن المنتدى الله يقومها بالسلامة وخلاص تتربى في عزها شيخة @@
عقبال الباقي ,,

وانتين طفلي حياتي ماعندش سالفة مارحتين تجيكين ويش فيش .. اني منش ركيييييض اجوف ليي دبرة واروووح صراحة اغراض الثياب ماتتفوت ..

بناااات بقول ليكم يقولون فتحوا محل اسمه مشووار في مجمع سترة يبيع اشياءات مال جهاللل ورخااااااص على دينار ودينار ونص امس حماتي اشترت ليي منه حدددده راقية الاشياء هي ماركات بس بسعر أقل تعرفووونه أكيد بس يعني حق اللي مايعرف .. روحوااا واشتروووا منه @@@

اللاب توب مالي جوعان يبغي كهربه خخخخخخ ان شاء الله الحق اكتب قبل لا ينطفي
اسمعي نقعي روحش بماء دافي كل ما تحسين بألم راح يخف ولما تحسين بألم حطي فازلين على المنطقه وبعد الولادة احتمال يروح او يزيد

[rose soul]

طف طف
زوجي بسافر من نص شهر واحد الى بداية اثنين وانا موعدي نهاية شهر اثنين..كله اقول له اخاف اولد وانت مو موجود..بيروح العراق..يقول لي هالسفرة ما تتعوض لا تمنعيني خخخ..وانا مابيه يروح صراحه..بس ما قلت له لا تروح

يعني يوم الاحد بتعرفين شفيج اللااي وناسة..ومن بعد ما تعرفين شفيج على طول روحي تشري
ترا الايام تمشي بسرعة
تصدقين انا يصيدني مثلج اذا اقعد فترة طويلة..عصعصي يعورني خخخخخ
وبعدين عرفت ان قعدتي غلط من جذي أحس بألم..خصوصا لما استخدم اللاب توب

انا بروح سوق واقف اليوم وبشوف هالمشوار..يمكن اشوف شي واشتري خخخخ


انزين ما قلتو لي يا اهل الخبرة..انا ماعرف شنو اشتري لي بالضبط..اللي اعرفه..ثياب استقبال..وثياب مريحة للبيت وثياب داخلية..بعد شنو؟؟

[شمس الصباح]

المشاركة الأصلية كتبت بواسطة طفلي حياتي

هلالا شموسه
بوصف لش مشوار مدينة حمد تعرفين بيرفكت جينز؟؟ المحلات اللي قباله مشوار فيها بس مقابل الشارع من توصلين هناك اسالي بخبرونش
ووصف ثاني وانتين داخله من الدوار الاول يمين امشي سيده هو قبل الاشاره صاير

كاني عرفته اشوف ناس وايد يرحون اليه وكل ما اطوف عليه اطالع بحاول اروح اشوف شنو عنده


مممممم انزين بما اني قلت ليكم قبل اني قاعده اشتغل على الشجرة ووعدتكم اني احطها لكم اليوم جهزت الشجرة وصورتها ليكم قول لي شنو رايكم فيها

[طفلي حياتي]

اهلا روز
الالم في فخدي هالكني
موعدي الاحد عند القابله مو الدكتوره بس بكلم الدكتوره عن هالمسخره ماعطوني موعد لسونار البايخين

[طفلي حياتي]

شموسه وايد حليوه الشجره ما شاء الله

[شمس الصباح]

المشاركة الأصلية كتبت بواسطة طفلي حياتي

شموسه وايد حليوه الشجره ما شاء الله

صدق فرحتيني شكرا تعبتني الشجرة بس ما انسى فضل زوجي معاي لانه ساعدني في الصباغ وطلعت اليه نفافيخ مسكين

[rose soul]

شمس..عجيبة صراحة..انا بعد كنت افكر اسوي في غصن..وأعلق فيه فساتين من الكروشات .. وساعات في دورفة.. بس شنو معلقة فيه؟؟

طف طف .. اها هيك لكان..قولي لهم يعطونج موعد مو بعيد

[rose soul]

انا برب دقايق وراجعة.. لا تشردوون