تجمع حوامل سوريا-دردشة ورود سوريا-دردشة الغاليات

[بسبوسة زوجها]

نغومة يارب ارزقني طفلا
اهلين حبيبتي كيفك والله حبيتك من ألبي كتير انتي مهضومة وحبوبة يخليلي ئلبك
شكلك شاطرة بالطبخ مع انو عمرك ظغير وكيف بتلحئي الطبخة عالساعة٢؟بس شو هاد محشي اخضر مافهمت شو قصدك باخضر
بس ازا بتعرفي تعملي حلاوة جبن حموية مافي مهرب بدك تعمليا وتعزميني هههههه شو رح تطبخي اليوم
انا بما انو لسا الساعة عندي واحدة باليل ناوية انشاءالله بكرى اطبخ كبة دراويش مئلية وفطاير سبانخ مشتهية الكبة كتير وميورة زكرت شهيتي بالفطاير هههههه

[بسبوسة زوجها]

سروؤة حبيبتي اشرقت الانوار وتفتحت الازهار برجعتك
الحمدلله عالسلامة حبيبتي منيح رحتي عمصر وعملتي سياحة حتى لو كان بشغل بتنعد سياحة
ايه اخبار جود الحلوة وحشتنا ئوي بما انكن كنتو بمصر لازم نحكي معكن باللهجة المصرية هههههههه
نحني كنا حاجزين رحلة الي ولجوزي عهاواي بعد اسبوع بس بعدين جوزي قرر كمان يحجز لاهلو وصارو اهلو يئولو لشو هالروحة ومدري شو يعني عنّا كمان ئمت ألتلو ازا راحو معنا مارح يخلونا ننبسط ورح يعسرولنا مشاويرنا وحماتي رح تنكدني كالعادة ألي معك حق وانا كمان متردد اني آخدن لان رح ينكدونا بنئن ئمنا اجلنا الحجز لبعد مايسافروا لعند ابنن بشهر آذار بكون انشاءالله بالشهر التامن
شو عم تطبخي هالايام نورينا

[يارب أرزقني طفلااا]

المشاركة الأصلية كتبت بواسطة بسبوسة زوجها

نغومة يارب ارزقني طفلا
اهلين حبيبتي كيفك والله حبيتك من ألبي كتير انتي مهضومة وحبوبة يخليلي ئلبك
شكلك شاطرة بالطبخ مع انو عمرك ظغير وكيف بتلحئي الطبخة عالساعة٢؟بس شو هاد محشي اخضر مافهمت شو قصدك باخضر
بس ازا بتعرفي تعملي حلاوة جبن حموية مافي مهرب بدك تعمليا وتعزميني هههههه شو رح تطبخي اليوم
انا بما انو لسا الساعة عندي واحدة باليل ناوية انشاءالله اطبخ كبة دراويش مئلية وفطاير سبانخ مشتهية الكبة كتير وميورة زكرت شهيتي بالفطاير هههههه

هههههههههههه اي منوره الحمدالله انا تمام بالهتجمع الحلو والله وانا حبيتك كتير وبالي عندك دايما وحبيتك كتيررررر انت والصبايا كلوووون وام مهند حبيبتي كمان ** بالنسبه للطبخ من انا عمري 14 سنه علمتني ماما لان انا عندي مراء بالطبخ ونفسي طيب كتير بحب اطبخ واتفنن ابلحئ الطبخه ع 2 لان الصبح ابصحى مع جوزي الساعه 8 بس صاير ما عم يجي ع الغدا بجي بطبخ المسا مشان تبقى الاكله تازه((( محشي اخضر يعني محشي صيفي والباذنجان مو من المونه و الثلاجه ولا يابس با ذنجان اخضر يعني اهلي طبخو محشي بسوريا بس با ذنجان من التلاجه لان ما في عندون اخضر لسا للصيف لينزل وحتى المرقه البندوره بعصر بندوره خضرا مو رب البندوره)وصلت الفكره ومشان الحلاوه الجبن لعيونك بتعلمها وبعزمك لان ما بعرفها تأبشي البي فرحانتلك لانك حاليا لوحدك ويلا اعزميني ع الكبه مشان اعزمك ع حلاوه الجبن ههههههههههههههh waml82جايه ع امريكا اناااااا وسعوووو طريق

[ميآر [ مهند حيآتي ]]

نغومة ( يا رب ارزقني طفلا ) = كيفك حبيبتي ... مشتائتلك كتير .. هنودة بيبعتلك 10 بوسات ههههه
شو طابخة اليوم ..


سروءة : ييي منووورة التجمع يا غالية والحمد لله ع سلامتك ... كيفك وكيفا جود كنتي الامورة ... مشالله نشالله بتشوفيها احلى عروس .. مشتائتلك كتير وهنودة كمان ... والله يا ئلبي لسا الموعد قرب دعيلي اعرف هههه رح موت من الفضول بس انا حاسة انهن بنوتات ..

عاشقة جوجو : كيفك يا حلوة .. مشالله العمر كلو يا جوجو الحلوة .. بس لسا زغيرة بدها وئت لتتعود ع الخلطة بالولاد الزغار
الله يتمملك حملك ع خير ...

نايوتا : هلا وغلا بالحلوة شتئتلك انا كيفك يا حلوة وكيفا نايوشة الحلوة ... والله بصراحة حبيتها كتير كتير جهزو حالكن جايين نلبسن محابس ..ههههه

جورية شامية : اهلا وسهلا يا حلوة نورتي التجمع تشرفنا بمعرفتك
انا ميار 25 سنة الا كم يوم هههههه \\ يعني عيد ميلادي قرب جهزو الهدايا .. ام مهند وهلا مشالله حامل بتوينز ...
ساكنة هلا بحمص ..


زهرة سورية : سلامة ئلبك يا حلوة والحمد لله ع سلامتك ... شتئنالك لا بئا تئطعينا ...

باقي البنات وينكن طمنونا عنكن ..

[جورية شامية]

مسالخيييييييير يا حلويييييييين
شو وينكم ماعم تفوتو كتير ؟
انا والله عاملة ريجيم وعندي فحص ومريح حالي من الطبخ ههههههههه
اصلا ماعم نعد بالبيت من دكتور لدكتور الله لا يوجعكن ولا يشغل بالكم
تحاليل زوجي مو منيحة لاحول ولا قوة إلا بالله ...
ادعولي أمانة يا غاليييين

يلا احكولي شو طابخين وشو عم تعملو هالايام ؟

[يارب أرزقني طفلااا]

أهلين وسهليييين بكل البناااات هلا ميوره والله اشتقتللك اللك فقده كان ما في نت عندك صح والبوسات وصلو طيرولي عقلي هههه الله يحميه بسم الله ما شالله يااارب يخليه ويحميه اليوم طا بخه مقلوبه وجنبا سلطه

جوريه شاميه(هبه) انشالله بشفا وما عليكن شر بس تحاليل شو تحليل مشان الحمل صح؟؟؟ والله بنات عم فكر قريبا بدي روح شوف وضعي ورح ع المشفى اعمل تحاليل**** هرمون الحليب وكلشي ؟؟ وانتو شو عاملين اليوم شو ترتيباتكن

[جورية شامية]

المشاركة الأصلية كتبت بواسطة يارب أرزقني طفلااا

أهلين وسهليييين بكل البناااات هلا ميوره والله اشتقتللك اللك فقده كان ما في نت عندك صح والبوسات وصلو طيرولي عقلي هههه الله يحميه بسم الله ما شالله يااارب يخليه ويحميه اليوم طا بخه مقلوبه وجنبا سلطه

جوريه شاميه(هبه) انشالله بشفا وما عليكن شر بس تحاليل شو تحليل مشان الحمل صح؟؟؟ والله بنات عم فكر قريبا بدي روح شوف وضعي ورح ع المشفى اعمل تحاليل**** هرمون الحليب وكلشي ؟؟ وانتو شو عاملين اليوم شو ترتيباتكن

اي والله يا نغوم تحاليل مشان الحمل انا صرلي متزوجة تلت سنين و الله ما كتبلي الحمل لسا وعم نعمل تحاليل ومن دكتور لدكتور الله لايدوقك هالشي هاليومين ببين معنا اكتر الحمدلله تحاليلي منيحة بس تحاليل زوجي مو منيحة ولسا عم نعيدهن لنشوف شو الله كاتبلنا
والله لا تتركي حالك وروحي اطمني و طمنيني و اعملي تحاليل وكلشي وانشالله مافيكي شي ياعمري
اديش صرلك متزوجة ياحلوة ؟

[يارب أرزقني طفلااا]

المشاركة الأصلية كتبت بواسطة جورية شامية

اي والله يا نغوم تحاليل مشان الحمل انا صرلي متزوجة تلت سنين و الله ما كتبلي الحمل لسا وعم نعمل تحاليل ومن دكتور لدكتور الله لايدوقك هالشي هاليومين ببين معنا اكتر الحمدلله تحاليلي منيحة بس تحاليل زوجي مو منيحة ولسا عم نعيدهن لنشوف شو الله كاتبلنا
والله لا تتركي حالك وروحي اطمني و طمنيني و اعملي تحاليل وكلشي وانشالله مافيكي شي ياعمري
اديش صرلك متزوجة ياحلوة ؟

انشالله يا هبه يفرح قلبكن بزيه صالحه اللهم امين عاجلا غير اجل يااارب يا جبار (( انا لي سنتين و3 اشهر متزوجه بس كنا بعيد عن بعض ما نشوف بعض كتير هلأ استقرينا الحمدالله اول زاجي رحت ع الدكتوره وقالت وضعي ممتاز بس دون تحاليل( افهمتي عليه) وامس حلل زوجي ولازن ياخد التحلليل ع الدكتور يكتبو دواء مشان بطئ~~~ الحركه عندو ولسا ما راح بحكم شغلو قليل ليفضى مع انو نحن الاتنين ناااا طف قلبنا الله يسهل عليكي وعلينا ولا يحرمنا ياااارب وانشالله بس رحت ع المشفى قربيا بقللكن شو صار معي((هلأ عم نشرب ما ء زمزم وانا عم أقرأء البقره هبه حبيبتي ازا عندك وقت فراغ اقرأاي سوره البقره وتوكلي ع ربك (((( باقي البنات والله اشتقتلكن كتيررررر syria ازا بدك العيار راس العبد بسأل ماما لان انا متللك ما بعرف بالظبط بس العيار ما في سميد ابدااااا ومتل ما قلتي الكرات ابيتغطسو بشكولااا؟؟؟؟ حا به تعملي شي حلووو ما بتقصري قلبي

[syria]

كيفكو ياحلوات شو اخباركن يالله اختبر مارتك بالحلويات
بدي طريئة (راس العبد ) يمكن اتو بتعرفوا باسم تاني
مكوناتا : سميد - زبدة _ كاكاو _ شوكلا مرة _ وجوز الهند
وبعد ماتصير العجينة جاهزة بيساووا كرات وبعدين بيغمسوا بجوز الهند وبحطوا بالبراد

بعرف المكونات بس بدي المقادير بالضيط وطريئة التحضير

يالله وين ستات البيوت

[بسبوسة زوجها]

المشاركة الأصلية كتبت بواسطة syria

كيفكو ياحلوات شو اخباركن يالله اختبر مارتك بالحلويات
بدي طريئة (راس العبد ) يمكن اتو بتعرفوا باسم تاني
مكوناتا : سميد - زبدة _ كاكاو _ شوكلا مرة _ وجوز الهند
وبعد ماتصير العجينة جاهزة بيساووا كرات وبعدين بيغمسوا بجوز الهند وبحطوا بالبراد

بعرف المكونات بس بدي المقادير بالضيط وطريئة التحضير

يالله وين ستات البيوت

حبيبتي سيريا انا من زمان ماساويتا من شي ٣ سنين وهلئ نسيت طريئتها بس بتذكر كنت اعملها بكاكاو ومرة وحدة عملتها بشكولا اكلة كتير طيبة شهيتيني عليها
بس تعملي بحث بجوجل وبطلعلك الف طريئة وانتي بتنئي يللي بدك اياها بس كتبي راس العبد