تجمع حوامل سوريا-دردشة ورود سوريا-دردشة الغاليات

[syria]

]ام ندوشة انا تمام انتي كيفك

نايوتا هو هيك كنت حابة امشي بس المشكلة زوجي بيتاخر بشغلو وبيجي تعبان يعني مافيو ياخدني يمشيني

وهو فوء المنا ما بيرضا اطلع وفوت لحالي يعني محبوسة بللبيت وبيتي صغير ئد كف الايد


فكرت اني ازا اطعت اكل البزر والموالح والشيبس والشوكلا واخر وجبة الي ئبل ما نام تكون فواكه او سلطة
رح يخف وزني مدون ما يأثر عالبيبي او علاقل مايزيد

[بسبوسة زوجها]

ام ندوشة اهلين فيكي والله اشتئنالك طولتي الغيبة وانا حبيبتي صرت بالسابع بس باولو
وانتي أديش الك بالسابع ؟وانا كمان ضهري هالكني وماعم بصرلي ارتاح اكيد بتعرفي معاناتي مع بيت حماي لان صرعتلكن راسكن بمعاركي المهزومة مع حماتي ههههه
اي خبرينا شو عم تطبخي لان مافي غير انا وام نايوتا منئلكن شو عم نطبخ وانا ازا بتئول ام نايوتا عاملي بيض مسلوق
بسألها كيف طبختي؟!! هههه لان طبخها بشهي انا ياما آكلي عندها!! ههه
حبيبتي لابئى تغطي هيك غطات طمنينا عنك
صحيح شو جنس البيبي والله نسيت خربطت بينك وبين ام جوجو

[ام ندوشة]

هلا بسبوسة كيفك حبيبتي اكيد بعرف معاناتك اخخخ كلنا متلك لا تشكيلي ببكيلك هههه الله يكون بالعون * جنس البيبي بنوتة رح يصير عندي بنتين باذن الله * الله يقومنا بالسلامة * انا كل 13 شهر بفوت بشهر جديد يعني ب13 الشهر الجاية بخلص السابع وبفوت بالتامن * ويبدأ العد التنازلي للولادة*انا طابخة معكرونة بالخضار والهوت دوغ مممممم شو طيبة وانتي شو عاملة عالغدا يا حلووة

[بسبوسة زوجها]

المشاركة الأصلية كتبت بواسطة ام ندوشة

هلا بسبوسة كيفك حبيبتي اكيد بعرف معاناتك اخخخ كلنا متلك لا تشكيلي ببكيلك هههه الله يكون بالعون * جنس البيبي بنوتة رح يصير عندي بنتين باذن الله * الله يقومنا بالسلامة * انا كل 13 شهر بفوت بشهر جديد يعني ب13 الشهر الجاية بخلص السابع وبفوت بالتامن * ويبدأ العد التنازلي للولادة*انا طابخة معكرونة بالخضار والهوت دوغ مممممم شو طيبة وانتي شو عاملة عالغدا يا حلووة

اهلين حبيبتي ام ندوشة الف مبروك حبيبتي وانشاءالله تئومي بالسلامة انتي والبيبي
شو رح تسميها انشاءالله
صحة وهنا عالمعكرونة بس متل عادتي رح اسألك كيف بتعمليا؟ههههههه
لأ عنجد شلون بتعمليا لان بحب آخد وصفات مجربة من يللي بوثق فيهن مابحب جرب وصفات من الانترنت وماتظبط معي
انا مبارحة طبخت فريكة بدجاج ومعها يخنة بصل وحمص ودجاج يممي كتير طلعو طيبين واليوم عملت برغل ببندورة وصينية بيتزا

[syria]

كيفكون ياحلوات

شو اخباركن

بتعرفو يللي عم يصير معي غريب كل مابروح عدكتورة بتئلي حجم البيبي صغير من ئبل ماتفحصني رحت من شهر ئبل ماتفحصني الدكتورة ئالتلي انتي بالخامس حجم البيبي صغير مارح يبان نوعو رحت من كم يوم ئول السادس ئلتلا للدكتورة ممكن يبين نوع البيبي التلي انتي هلئ دخلتي السادس ماببين ولسى صغير كتير فحصتني التلا مابين معك ئال لا حجم البيبي صغير وعطتني موعد بعد شهر بجد جننتني انا شايفة اني ممكن اروح عندا وانا بالتاسع وتئلي صغير مو باين

[Nayota]

المشاركة الأصلية كتبت بواسطة syria

كيفكون ياحلوات

شو اخباركن

بتعرفو يللي عم يصير معي غريب كل مابروح عدكتورة بتئلي حجم البيبي صغير من ئبل ماتفحصني رحت من شهر ئبل ماتفحصني الدكتورة ئالتلي انتي بالخامس حجم البيبي صغير مارح يبان نوعو رحت من كم يوم ئول السادس ئلتلا للدكتورة ممكن يبين نوع البيبي التلي انتي هلئ دخلتي السادس ماببين ولسى صغير كتير فحصتني التلا مابين معك ئال لا حجم البيبي صغير وعطتني موعد بعد شهر بجد جننتني انا شايفة اني ممكن اروح عندا وانا بالتاسع وتئلي صغير مو باين

عادي سيريا انا وقت نايا بإرادتي مارحت لأول السابع لان مابعود يكون فيه شك ابدا بإزن الله وبيجوز لان حجم بطنك صغير عم تئلك انو حجم البيبي صغير مع انو في دكاترة شاطرين بيعرفو بآخر الشهر التالت بس بسوريا مو بلخليج للأسف الخليج نسبة الدكاترة النسائية الشاطرين ئلال كتير انا خففت روحات وفحوصات وقت نايا مشان هالموضوع لان ماكان عندي ثقة صراحة ولا بدكتورة

[بسبوسة زوجها]

المشاركة الأصلية كتبت بواسطة syria

كيفكون ياحلوات

شو اخباركن

بتعرفو يللي عم يصير معي غريب كل مابروح عدكتورة بتئلي حجم البيبي صغير من ئبل ماتفحصني رحت من شهر ئبل ماتفحصني الدكتورة ئالتلي انتي بالخامس حجم البيبي صغير مارح يبان نوعو رحت من كم يوم ئول السادس ئلتلا للدكتورة ممكن يبين نوع البيبي التلي انتي هلئ دخلتي السادس ماببين ولسى صغير كتير فحصتني التلا مابين معك ئال لا حجم البيبي صغير وعطتني موعد بعد شهر بجد جننتني انا شايفة اني ممكن اروح عندا وانا بالتاسع وتئلي صغير مو باين

حبيبتي سيريا انتي ليش مابتغيري الدكتورة شوفي وحدة تانيي احسن
شو هاد لسا البيبي صغير صرتي باول السادس انا شافتلي اياه باول الرابع وكان كتير واضح وكل البنات يللي بالتجمع روحي لعند دكتورة تانية وشوفي شو رح تئلك

[Nayota]

بسبوسة كيف طلعت البيدزا خبريني بطريقتي او طريقة تانية انا عدلت عالعجينة مبارح ونويت اليوم خبرك عالتعديل بحب التطوير بوصفات الطبخ كل كاسة طحين معلقة كبيرة سكر ومعلقة كبيرة حليب بودرة وطبعا انتي مارح تساوي بس كاسة طحين أقل شي كاستين لذلك ضيفي كمان ربع كاسة زيت ذرة او فنجان قهوة وطلعت مبارح بتجنن كتير ناجحة ولزيزة ونفس العيارات القديمة وإزا ضاعت الوصفة القديمة على عيني برجع بكتبلك ياها وصحة وهنا عالفريكة واليخني عنا بالشام أكلة اسما يخنا هيي نفسا ورق الملفوف هيك بسموها مابعرف ليش هههههه

[بسبوسة زوجها]

المشاركة الأصلية كتبت بواسطة nayota

بسبوسة كيف طلعت البيدزا خبريني بطريقتي او طريقة تانية انا عدلت عالعجينة مبارح ونويت اليوم خبرك عالتعديل بحب التطوير بوصفات الطبخ كل كاسة طحين معلقة كبيرة سكر ومعلقة كبيرة حليب بودرة وطبعا انتي مارح تساوي بس كاسة طحين أقل شي كاستين لذلك ضيفي كمان ربع كاسة زيت ذرة او فنجان قهوة وطلعت مبارح بتجنن كتير ناجحة ولزيزة ونفس العيارات القديمة وإزا ضاعت الوصفة القديمة على عيني برجع بكتبلك ياها وصحة وهنا عالفريكة واليخني عنا بالشام أكلة اسما يخنا هيي نفسا ورق الملفوف هيك بسموها مابعرف ليش هههههه

اهلين حبيبتي نايوتا اشتئتنا للامورة نايا حبيبتي نزلينا صور الها
ومشان البيتزا طلعت ماشي حالها بس العجينة طلعت هشة كتير
والله ياحبيبتي ضيعت الوصفة دورت بين الصفحات آخر شي دخت من الئراي ويأست من اني لائيا ياريت تكتبيلي اياها مرة تانية كتير حابي جرب طريئتك
شو طابخة اليوم؟انا عملت مسئعة قرع ورز
عم نئي طبخات سهلة لاني تعبت من خدمة بيت حمايي نادرا مايصرلي أأعد وارتاح
وهنن مسافرين بعد شهر ونص لعند ابنن بغير ولاية بتمو اقل شي شهرين الله يصبرني بس وزوجي عم بئلن اجلوها لبعد انا مااولد انشاءالله وانا مابدي يأجلوها لان روحي طئت منهن ماخلتني حماتي اتهنا بحملي بدي اخلص منها وانا حامل حتى اتهنا شوي بئى عم أول بدي ألو بلا ماياجلوها شو رايك حبيبتي؟

[عاشقة جوجو2]

كيفكم صبايا والله اشتقتلكم كلكم بس صاير الوقت عم يخلص بسرعة يوم الخميس رحنا عالمتحف الوطني
انبسطنا اشتهيتكم معي
وهلاء صرلنا يومين انا وحماتي عم نشتغل بالقشة على سيرة الاكل عشان بكرة الخميس تتطبخها لبناتها
انا كنت الخياطة ههههه وحماتي عليها الباقي والله شغلة بتهلك شو هاد
هلاءرح ساوي البيت ونزل التياب على الكوى ضهري عم يوجعني مالي نفس اكوي شي
بالنسبة لجوجو الحمد لله منيحة كتير
والحمل يمكن اني بالشهر السابع الاسبوع الجاي عندي موعد بالدكتورة بصراحة بلشت مرحلة الملل صار بدي اولد بسرعة واخلص كل يوم عن يوم عم اتعب اكتر بس الحمد لله يارب الله يرزق كل محرومة
صح بغيب كم يوم بس بنزلكم كل الاحداث ما بروح عليكم شي لا تخافو هههههههههههههه