تجمع حوامل سوريا-دردشة ورود سوريا-دردشة الغاليات

Nayota · 01-17-2013, 07:01 PM

اقتباس:

المشاركة الأصلية كتبت بواسطة syria

كيفكون صبايا شو اخباركن
انا ضايجة كتير

بدي اسماء بنات تكون ناعمة وحلوة ومعناها حلو\

مع اني ماعرفت شو نوع البيبي يس انا بصراحة حابة كتير البنت

وزوجي حابب صبي بس حاسس انو بنت

ورجوني شطارتكون

عندك كتير اسماء
ليان
ليليان
يمنى
يمان
ألمى
لمار
وأنا ناوية ازا جبت بعد نايا بنت بدي سميها ماريا كتير بحبو هالاسم
وكل مااتزكرت شوية اسماء حلوة بئلك

Nayota · 01-17-2013, 07:09 PM

سلامتك ام جوجو من التعب وبيقولو تاني ولد أصعب من اول ولد وحاولي اتغزي منيح احيانا نقص شي عنصر بالجسم بيعمل تعب
انا وقت بيكون ناقصني كالسيوم بحس سناني بيكزو وبيجعوني رجليي كتير

Nayota · 01-17-2013, 07:26 PM

الله يسلمك ام مالك ويسلملك ملاك ومالك وأخيرا طلع حدا أكبر مني بالتجمع مو مشان شي بس مشان ياخد مني هالمسؤولية
لان ماكان حدا يعمل شي بلا مشورتي هههههههه منيح اجيتي تاخدي مني هالمسؤولية
ومشان قسم الطبخات السورية شاركت فيه بطبخة الملوخية
وانا بكتب وصفات لطبخاتي بس على طلب رفقاتي بالتجمع يعني انتو اطلبو وانا بكتب هههههه
وموبس بعرف بالطبخ بعرف بغير شغلات تطريز وكنفا وصوف سنارة وسنارتين يلي بدو مني أيا شي أنا بالخدمة

syria · 01-17-2013, 07:44 PM

اقتباس:

المشاركة الأصلية كتبت بواسطة Nayota

عندك كتير اسماء
ليان
ليليان
يمنى
يمان
ألمى
لمار
وأنا ناوية ازا جبت بعد نايا بنت بدي سميها ماريا كتير بحبو هالاسم
وكل مااتزكرت شوية اسماء حلوة بئلك

اممم يسلمو حبيبتي
انا عفكرة فكرت بنايا بس بعد تفكير طويل ئلت لئ لانو لاسم بجنن بس اهل حلب بيفخمو لالف
ولما ينادو للبنت نايا كتير رح يصير غليظ

يعني بشوهو لاسم تشويه كامل لهيك غيرت رئيي بدي احاول الائي اسم مايتحرف معون

اسيل حلو بس خايفة ينادولا سمنة اصيل

ولله اهل حلب مابينحزرلن ههههههههههههه

Nayota · 01-17-2013, 07:48 PM

الفوليه لبسبوسة خانم

بتسلقي لحمة موزات وطبعا بعد ماتئيمي الزفرة بتحطي بصلة صغيرة ورق غار وكم حبة هيل بس ولاااااا تحطي لا قرفة ولا مطيبات تانية
بتحطي بالطنجرة شوية زيت وبتجيبي فول اخضر او فول متلج الموجود وبتقلبي الفولات شوي وبتضيفي من ماء سلق اللحمة ولحتى يستوي الفول بتضيفي السلق بيكون مفروم بس لاتفرميه ناعم افرميه وسط وقلبي الفولات والسلقات وضيفي اللحمات والسلق بيستوي بسرعة
وآخرشي ضيفي توم مدئوئ وشي غلوتين بعدين ضيفي كزبرة مفرومة كمان شي غلوتين
واعصري عليها ليمون وقت الاكل وهي الاكلة كلها حديد بحديد وكتييييييييييير مفيدة الحديد بالسلق والفول ووقت بتعصري عليها الليمون فيتامين سي بتصير كلها فوائد

الفول المقلى كتير سهل
بتحطي بالطنجرة زيت زيتون وبتضيفي فوقا الفول الاخضر وازا كان الفول صغير اطيب وألز وشوية مي فوق الفولات لحتى يستوو بتحطي توم مدقوق غلوتين وكزبرة مفرومة كمان غلوتين
وبس تاكلي حطي شوية خل ولبن فوق صحنك وكلي كتير طيب وكمان بيتاكل معا بصل اخضر
الخل واللبن اختياري مو اجباري وكمان لو مقطوف الفول بأوانو بتنقي الفولات الزغار بالأشر تبعون كمان بيطلع الفول المقلى كتير طيب

Nayota · 01-17-2013, 07:51 PM

سيريا ايه اسم اسيل حلو وقت نايا كان زوجي بدو يسميها اسيل بس انا مارضيت في من زمان ماركة مسكة وكمان بالشام في ماركة لانجري ههههههههه

syria · 01-17-2013, 08:14 PM

اقتباس:

المشاركة الأصلية كتبت بواسطة Nayota

سيريا ايه اسم اسيل حلو وقت نايا كان زوجي بدو يسميها اسيل بس انا مارضيت في من زمان ماركة مسكة وكمان بالشام في ماركة لانجري ههههههههه

لواحد وبن بروح بحالو مابيعرف كنت بدي سمي شام

نسوان رفئاتو لزوجي الللي جابو بنت كلون سمو شام

ولي عراسي

عاشقة جوجو2 · 01-18-2013, 01:58 AM

ما شاء الله حولك يا ام ملاك والله انا بنت وحدة وحتصير اربع سنين ورح جن
وهلاء حامل ان شاء الله اليوم بدخل الشهر السابع ومعي ولد واكلة هم اولد لحالي
الله ييسر

zoiz · 01-18-2013, 04:17 AM

اقتباس:

المشاركة الأصلية كتبت بواسطة عاشقة جوجو2

ما شاء الله حولك يا ام ملاك والله انا بنت وحدة وحتصير اربع سنين ورح جن
وهلاء حامل ان شاء الله اليوم بدخل الشهر السابع ومعي ولد واكلة هم اولد لحالي
الله ييسر

حالتك من حالتي بنت وحدة اربع سنسن ونص وحامل باول السادس وان شاء الله ولد وبتبوك ومالي حدا ابدا والاحلى من هيك كل ولاداتي قيصرية

zoiz · 01-18-2013, 04:19 AM

ياترى في حدا من الكروشات مقيم بتبوك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
تجمع حوامل سوريا-دردشة ورود سوريا-دردشة الغاليات	jorri sham	إستفسارات حوامل من الشهر السابع إلى الشهر التاسع	791	07-07-2012 04:03 AM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM