تجمع حوامل سوريا-دردشة ورود سوريا-دردشة الغاليات

[Nayota]

المشاركة الأصلية كتبت بواسطة بسبوسة زوجها

ام نايا الحلوة كيفك وكيفها الامورة نايوتا والله ماشاءالله صايرة صبية وعم تاكل بيض صحة وهنا وحاسستها مملاي عليكي الدنيا الله يخليلك اياها شو مانك ناوية تجيبلها أخ او أخت او الاتنين سوى متل ميورة هههه
ام ملاك كيفك ياروحي وكيفكن الحلوين ملاك ومالك ليش مابتنزلينا صور للامور مالك وملوكة حبيبتي انتي من وين من سوريا نسيت لانك من زمان غاطة ومبروك الحمل وأديش الك حامل؟
زهرة سوريا كيفك ياألبي وكيفو حملك وانتي هلأ باي اسبوع الله يثبت حملك ويكمل بخير وصحة وسلامي وتأومي بالسلامة حبيبتي مبارح حكيت مع بنت حمايي دكتورة بالسعودية وآلتلي ضروري كتير اشرب كل يوم لتر حليب مشان الكالسيوم للبيبي ومشان بالشهور الاخيرة جسمي تكون عضامو أوية بس آلتلي من الافضل بالشهور الاولى بس انا ماكنت اعرف عم بشرب كل يوم بس كاس بس انتي بلشي من هلأ واهتمي بغذائك وكمان كتري من الفواكه يللي فيها فيتامين س لانها بإذن الله بتثبت الحمل انا كنت كتر منها لاني اجهضت من أبل
ميورة كيفك وكيفو هنودة وكيفن التوينز؟لاتعبي حالك حبيبتي انتي هلأ بالاشهر الاولى بس ماشاءالله كيف أدرتي تطبخي كل هالاكل وعندك بيبي كيف لحأتي والله انا ماخرج اطبخ كل هالشي بتلبك وبدوخ بارضي هههههه
سروءة كيفك وكيفها الحلوة جود ؟ باقي البنات سيريا وسيلا ام جوجو شذا وباقي البنات شو اخباركن ياحلوين؟

انا جاية على بالي جبلها اخ او خت بس لسا زوجي بيقلي بكير
مع اني حاية جيب كل ولادي ورا بعض وبعدين وقف عالنهائي يعني فترة تعب من العمر بربيهون سوا بعدين برتاح وبفضى لمشاريعي هههههههه

وانتي حاجة تنقي وتقولي مافي شي عم يسليني اتمتعي فيها هالمرحلة ماعاد تتكرر
واكيد بكرة بس تولدي بالسلامة ويجي علوش رح شوفي كيف مارح تلاقي وقت فراغ ابدا
بقا عيشي هالمرحلة واتمتعي

[Nayota]

انا اليوم عاملة بيدزا طبعا انا بساويها متل مابيقلو الانكليز from A to Z
واطيب من دومينوز وبيدزا هات ههههههههههه
اتفضلو

[بسبوسة زوجها]

شو صبايا عاملين ثبات شتوي !ههههههههه وينكن؟
يالله بلا كسل ألولي شو اخباركن

[Nayota]

كيفك بسبوسة شو اخبارك كيفو علي افندي
والله انا نشيطة ومنظمة وقتي الحمدلله.... بلحق كلشي وعندي وقت لراحتي واقعد عالانترنت
بس دائما بدخل عالتجمع وبلاقيه فاضي للأسف
ابقي ادخلي بدردش معك والله انا حبيتك كتير

[Nayota]

ميار كيفك وكيفو هنودة والحمل شو اخبار الوحام ......


ام جوجو طمنينا عملتي التحاليل لجوجو



سروؤة كيفا جود وانتي كيفك


باقي الصبايا شام الهوى و سيلا و ندى الشام وسيريا ام ملاك
شذا حداد و زهرة سورية وينكون طمنونا عنكون

[عاشقة جوجو2]

مسا الخير على الجميع
منيح يوم انا ما بكون بيبرد التجمع ههههههههه
كيفكم ان شاء الله الكل بخير
نايوتا حبيبتي تسأل عليكي العافية انتي اكتر وحدة بتسألي عني وعن جوجو
كيف نايا عم تاكل ولا لسه تقبلت طعم الاكل
والله يا حبيبتي جوجو الحمد لله بخير عملتلها التحاليل وموعد العملية ان شاء الله
يوم الاحد الصبح يارب تهونهاوالله اكله هم بس سلمتها لله
وان شاء الله بطمنك بس نطلع من المشفى

[Nayota]

المشاركة الأصلية كتبت بواسطة عاشقة جوجو2

مسا الخير على الجميع
منيح يوم انا ما بكون بيبرد التجمع ههههههههه
كيفكم ان شاء الله الكل بخير
نايوتا حبيبتي تسأل عليكي العافية انتي اكتر وحدة بتسألي عني وعن جوجو
كيف نايا عم تاكل ولا لسه تقبلت طعم الاكل
والله يا حبيبتي جوجو الحمد لله بخير عملتلها التحاليل وموعد العملية ان شاء الله
يوم الاحد الصبح يارب تهونهاوالله اكله هم بس سلمتها لله
وان شاء الله بطمنك بس نطلع من المشفى

الحمد لله نايا ماعادت عزبتني كتير بالاكل بس شوية عزاب هههه
صايرةعم اتعصب وبس تبزء اللقمة بتفركها بكل وشها وشعراتا وبفوت
الاكل لعيونا ووحتى احيانا ادانها وبتصير اتصرخ انو حاجة ماعاد بدي هههههه الله يقويني على تربايتها من هلأ باينة قوية ههههههه

[Nayota]

كيفكون بنات كلعادة ماحدا برد بحس حالي بفوت بسمممع شو بدي اطبخ وبطلع
اليوم عاملة فاصوليا بزيت اتفضلو

[المتأمله خير]

حبيباتي بنااات سوريااا ربي يقومكم بالسلااامه

شاااركوناااا

http://forum.hwaml.com/t220071.html

[بسبوسة زوجها]

ام نايوتا حبيبة ألبي وانا حبيتك وحبيت الامورة نايا تسلمولي يارب واول مابفوت عالتجمع عيوني طايرة عاسمك
طمنيني حبيبتي كيفها نايا الحلوة بتعرفي عم استغرب لما بتحكو انكن عم طعموا ولادكن وهنن بالعمر انا بفكر الولد مابياكل لبعد السنة هههه منيح عم تعلموني مشان ابني مايصير فيه مجاعة ههههه
صحة وهنا عالفاصوليا بزيت يميي بحبها كتير بس انا من يومين اجو بيت حمايي وباقي القوم عملت رز وفاصوليا بلحمة كنت عم فكر اترك شوي مشان اعملا بزيت بس عدد الاشخاص كتير وكلن اكيلة وخفت ماتكفي بس لهلأ مشتهيتا شو رايك تسكبيلي صحن ههه بما انو اكلك شهي وطيب

اخباري هي كالتالي
بيت حمايي عندي بس ماني مدايئة لاني ارتحت من حماتي اسبوعين وكمان بنت حمايي يللي بالسعودية عم تعملن تأشيرة اظن بيمشي الحال لانن معن كرت اخضر امريكي يعني تقريبا مواطنين امريكيين هيك سمعت ابن حمايي عم يحكي بدي اتثائل عليكي بتأدري تسألي زوجك ازا هنن معن كرت اخضر امريكي بصير يدخلو السعودية؟
اخبار علي افندي الحمدلله هو منيح وببوس ايدك وصاير كتير عم يتحرك كتير بفرح لما بيتحرك بس اليوم خفت حركتو شوي مابعرف ليش !وهلئ دخلت بالشهر السادس الحمدلله
اليوم طبخت عجة بقدونس وبانجان مكمور
ممكن حبيبتي تعطيني مقادير البيتزا لاني بوثق بطبخك لاتآخزيني ياروحي عم اطلب كتير بس انتي كريمة وانا بستاهل هههه