تجمع حوامل سوريا-دردشة ورود سوريا-دردشة الغاليات

[أم ملاك ومالك]

السلام عليكم عسولاتي

كيفكم اشتقتلكم كتير

شايفيني قديشني نشيطة خخخخخخخخخخ

ميار وينك غاطة تعي طمنينا عنك وعن البيبيات وهنودة الله يحميكم يارب

سيريا ألف مبروك دخول الخامس يارب والله يقومك بخير وسلامة يارب

جوجو 2 عليها ألف عافية يارب وإن شاء الله تقومي بخير وسلامة يارب الله يتمم حملك وحملي وحمل الكل ع خير وسلامة

نايوتا كيفك وكيف عسولتك شو عندك أولاد وقديش عمرها بنوتك الله يخليلك هيا يارب وبنسبة للاكل قوي قلبك وطعميها انا أبني من عمر 3 شهور بلشت لحسوا من الاكل وهلق بلشت طعميه بس ع الخفيف من طبيخ البيت هلق صار عمروا 4 شهور وكم يوم وبنتي نفس الشي كانت ع 7 شهور تأكل من أكلنا والحمدلله هلق بتأكل كلشي ماعندها هي بحبها وهي مابحبها وبتحب كتير السمك والجاج واللحمة غرامها الحليب والبيض والجبنة ومافي شي بتقول عليه لا الحمدلله

بسبوسة تعي طمنينا عنك ياقطة وعن حملك

ندى الشام شو اخبارك اشتقتلك وكيف بنوتك وحملك الله يقومك بخير وسلامة يارب

زهرة طمنيني عنك وعن حملك يارب تكوني بخير

سروءة تروحي وترجعي بخير وسلامة ولاضيعي ولا لحظة منك انبسطي الله يسعدك يارب

نيروز الله يتمملك ع خير وعادي مو شرط يصير معك غئيان أو أي شي حبيبتي كل حمل عن حمل بيختلف ومن وحدة لوحدة بيختلف

يارب ماكون نسيت حدا وإذا نسيت أعذروني

مع كل الود

تحياااااتي (^_*)

[Nayota]

مساالخير جميعا ....

ام ملاك انا بس عندي بنوتة وحدة وعمرا متل مو مكتوب بالتوقيع سبعة و تلت عشر يوم اسما نايا
يخليلك ابنك وبنتك كم شهر حامل ؟؟ عم تقولي عمر ابنك اربع شهور الله يعينك عالحمل ويقويكي

[Nayota]

شذا طمنينا عنك وعن كوكي خلصتي نفاس او لسا
تعي خبرينا عن شعور الامومة

[عاشقة جوجو2]

كيفكم شو اخباركم والله جوجو هلكتني من النق لانها مريضة بس هلاء الحمد لله صارت احسن بكتير
وان شاء الله اليوم العصر رح نروح على الدكتور يحددلها يوم للعملية بعرف رح ترجع تتعب بس الله يصبرني
ويشفيها المهم ارتاح من هالمعانات كل شهر يارب لك الحمد على كل شيء

[زهرة سورية]

السلام عليكم يا صبايا يا حلوووين كيفكن كلن يارب تكونو بألف خير*

أم ملاك حبيبة قلبي والله فرفح قلبي لما فتت و شفتك تئبشيني اشتئتلك كتيييير و اشتئت لملوكة الغالية ومالك العسول الله يحميه و يحفظو لسا ما تعرفنا عالشب الحلو ، ألف مبروك حملك يا قلبي والله يعينك و يكون معك و يقومك بالسلامة و يسهل عليكي حملو و ولادتو و ان شاءالله بيمرقو ال9 شهور بلمح البصر لأنك يا قلبي تعذبتي بمالك الله يحميه ،*
وربي يبارك فيكي يارب الحمدلله رب العالمين أكرمني سبحانو ما أكرمو ادعيلي أمانة حبيبتي الله يتممها معي بالخير بووووسات كتييييرة لالك و لملوكة و مالك شيخ الشباب*

عاشقة جوجو كيفك و جوجو حبيبتي سلامتك من المرض يا قلبي الله يعافيكي يارب*

نايوتا كيفك و كيف نايا الأمورة اللي الظاهر انها زعورة و عم تعذبك و صحتين و هنا عالبيضة لنايوتا الحلوة

ميورة الحلوة أم هنوودة الله يعطيكي العافية يارب وماشاءالله عليكي الله يحميكي من العين انتبهي ع حالك و حاجتن بيت حماكي عزايم من هون لتولدي بالسلامة ان شاءالله هههه*

نيروز حبيبتي أهلين فيكي مو شرط تستفرغي انا فتت بالتالت و ما استفرغت بس عندي لعية نفس طول الوقت ،ان شاءالله انتي ما تصير معك هاللعية لانو بتكرهك كل شي*

سيريا ، بسبوسة زوجها، ،شذا حداد،سروءة ، سيدرة ، شام الهوى ، سيلا، هديل الروح ، جوري الشام ، عبير اسماعيل ، أم عائشة *طلو علينا و طمنونا عنكن حبيباتي*والحلوة اللي نسيتا تسامحني والله بدون قصد صايرة عم انسا كتيير

أنا الحمدلله ماشي حالي بس والله الكريب هالكني وما فيني اخد دوا مهدود حيلي *الحمدلله على كل حال*

[شذا حداد]

صبايا ..سوريا الحلويييين ..كبفكن يا ريحة بلادي ...
والله اني ماعم افضى فوت أكتب كلمة ..شكرا لكل مين باركتلي وكل مين سألت عني ...وعن كوكي ...
يا صبايا...لا تواخذوني قريت كلامكن كلو..بس مو قادروة أتذكر رد ..ماشالله كوكي أخخذة وقتي ..وضيوف ..وأنا بتعرفو لحالي ماعندي حدا غير زوجي ..وهو تسع ساعات برى البيت ..والممرضة اللي حخبلياها ..وكمان كانت تشتغل شغل البيت ..بعد السبوع من ولادتي صرفتها ..صراحة صرت حسها عم تهتم بالنت بقفى ايدها ..حاسبتها وخليتها تتيسر ..خفت عالصغيرة ..
والحمدلله الله مقويني ..وزوجي عم يساعدني ..ورجعت أشتغل بالبيت وأطبخ ..وبكرى عاملة الكبسة عطريقة أم نايا الحلوة
ميار ..الف مبرووووك ..التوينز ..صراحة استغربت كيف كنتي حاسة انو توينز بس والله الله يعينك عنجد شي متعب هنوودة وتوينز كمان الله يعينك ويحمل معك ..
تحياتي لكل الصبايا زهرة سوريا ..شام الهوى ..ندى الشام ..سيريا ..نايوتا ميورة ..سرووؤة ..سحوورة ..نيروز..بسبوسة زوجها ..شام الهوى ..عاشقة جوجو ..

[Nayota]

مساالخير صبايا ...

كيفك ام كوكي وين رايحة بدنا صورة كوكي يلا بسرعة مافي مهرب


زهرة سلامتك من الكريب اشربي حمضيات منيحة فيها فيتامين سي بيقوي المناعة



طمنينا ام جوجو ايمت حدد الدكتور موعد عملية جوجو

[بسبوسة زوجها]

سلامات صبايا
كيفكن انا الحمدلله منيحة بس مالّيّ كتير من الغربة ياالله آديش البعد عن الاهل صعب مافي شي عم بسليني وخاصة لما بكون زوجي بالشغل أولتكن بنات بس صار انشاءالله عندي ولد بتسلى ومابأى بمل
ولأ اصعب شي لما مابعرف ايمت رح شوف اهلي
مبارح شفت البيبي عالالتراساوند وكان عم يتحرك وهو الحمدلله بخير
وبيت حمايي مااجو لعندي هالاسبوع يعني مرتاحة من حماتي
والله يابنات يأست من انو الوضع بسوريا يتحسن لان باينتو الكلب بشار مارح يرضى يترك سوريا وينألع ونحنا رح نضل عالئين بالغربة واهلنا عم يعانو بسوريا بس حكيت اليوم مع اهلي وآلولي انو وضعن بحلب تحسن صارت الكهربا والمي تجي اكتر من أبل وصار فيه خبز مأمن وكمان آلولي انو مافي مشاكل عندن بالمدينة عم يطلعو ويتمشو ويتسوقو واخواتي عم يداومو بالجامعة بس يمكن الوضع بالريف صعب ولما عم نسمع بالاخبار عن مشاكل بحلب بكون بالريف بس انشاالله يبأى الوضع عندن آمن ويجمعني فيهن عن قريب
مافي احلى من سوريا وارضها واهلها واكلها ومحلاتها وكل شبر فيها حبيبتي سوريا الغالية الله يحميها ويرجعنا لحضنها واهلنا آمين يارب

[بسبوسة زوجها]

ام نايا الحلوة كيفك وكيفها الامورة نايوتا والله ماشاءالله صايرة صبية وعم تاكل بيض صحة وهنا وحاسستها مملاي عليكي الدنيا الله يخليلك اياها شو مانك ناوية تجيبلها أخ او أخت او الاتنين سوى متل ميورة هههه
ام ملاك كيفك ياروحي وكيفكن الحلوين ملاك ومالك ليش مابتنزلينا صور للامور مالك وملوكة حبيبتي انتي من وين من سوريا نسيت لانك من زمان غاطة ومبروك الحمل وأديش الك حامل؟
زهرة سوريا كيفك ياألبي وكيفو حملك وانتي هلأ باي اسبوع الله يثبت حملك ويكمل بخير وصحة وسلامي وتأومي بالسلامة حبيبتي مبارح حكيت مع بنت حمايي دكتورة بالسعودية وآلتلي ضروري كتير اشرب كل يوم لتر حليب مشان الكالسيوم للبيبي ومشان بالشهور الاخيرة جسمي تكون عضامو أوية بس آلتلي من الافضل بالشهور الاولى بس انا ماكنت اعرف عم بشرب كل يوم بس كاس بس انتي بلشي من هلأ واهتمي بغذائك وكمان كتري من الفواكه يللي فيها فيتامين س لانها بإذن الله بتثبت الحمل انا كنت كتر منها لاني اجهضت من أبل
ميورة كيفك وكيفو هنودة وكيفن التوينز؟لاتعبي حالك حبيبتي انتي هلأ بالاشهر الاولى بس ماشاءالله كيف أدرتي تطبخي كل هالاكل وعندك بيبي كيف لحأتي والله انا ماخرج اطبخ كل هالشي بتلبك وبدوخ بارضي هههههه
سروءة كيفك وكيفها الحلوة جود ؟ باقي البنات سيريا وسيلا ام جوجو شذا وباقي البنات شو اخباركن ياحلوين؟

[بسبوسة زوجها]

اليوم مو عرفاني شو بدي اطبخ مشتهية كبة بصينية بس من الملل مالي نفس وعم أول رح اعمل مجدرة اليوم زوجي رح يتأخر بالشغل مشان هيك لسا ماطبخت
وانتو شو عم تطبخو