ديوانية البحرين - دردشة حوامل البحرين - البحرينيات

[om khalil]

طفلي حياتي
الشر ما اييش ان شاءالله ويش اسوي تعودت عليه
واحسن شي اذا رحت للسيلان ووحده صوبي اهذر وياها
من يومين شفت وحده نفسي 12 اسبوع وحسبتها انتين خخخ
واليوم شفت وحده حامل في الثاني ونفس معاناتي ضغط وترجيع
سولفنا في همومنا طلعت تاخذ حبوب الغثيان غلط مرتين باليوم
بدل مااخذهم مره، وتقول اني لوي كله نايمه

فلونه
الشر ما اييش ان شاءالله قولي لينا ويش طبختين ^_^

نبض الشوووق
اهلا وسهلا فيش ويانا بأي وقت

الفتاة الذهبية
مشكوووره اختي الله يحفظش من كل شر
وايد استانسوا اليهال على الموقع
كل شوي احط صوره ليهم ويسألون ماما في وين صورتينا ^_^
على طاري الثياب اني من أول حمله وزعت ثيابي هههههه

شمس الصباح
هلا ومرحبا فيش شكلش صدق يايه فلت وماشيه هههههه

روز وفتاة وحنين الماضي
خاطري اطلع اتشرى بسرعه شوقتوني الله يهون عليي وعليكم جميع
ان شاءالله

[حنين للماضي]

عسى ربي يهون عليش وتقومين بالسلامة ام خليل
شكله نساتش صدق مأساة وتعب من قلب
ربي يعطيش العافية ان شاءالله

[طفلي حياتي]

هلا ام خليل
اني تصدقين اموووت من الآلام ولا افكر في شي اسمه سيلان لو ادري رحت
تصيدني الام فبطني وظهري وجسمي تقولين مطورقين ليي
كله اقول يبغي لي مقويات وفيتامين ما اخذ الا الفوليك
على طاري الفيتامينات روحوا اشتروا اوميغا3 من النوع الزين عاد لان له فوائد لاتعد ولا تحصى ماقدر اكتب روحو ابحثوا
اني قلت ابغيه ورحنا مكان مخصص لمكملات الغذائيه الا يقولون البضاعه للحين في لستور مافرزوها وننتظر على ما يفرزونها باخذ منه

[طفلي حياتي]

ام خليل اذا حسيت اني تعبانه اقول ليهم ويخلون عليي سيلان عادي؟؟

[طفلي حياتي]

المشاركة الأصلية كتبت بواسطة الفتاة الذهبية

تجهيزاتي باقي عليي
شنطتين وغلاية لانه ناوية اشربها طبيعي +صناعي عشان وقت الا اكون مشغولة ما اتعطل
وباخذ طربال حق اذا طالعه مكان ويبيلها تبديل ما اتعطل احط الطربال وابدلها عليه
ومشاية ووباخذ هاذي الي يقعدون عليها الياهل ما اعرف شيسمونها
وادوات استحمام

وما ادري يمكن بعد فيه شي وناسيه

الله يوفق للجميع ولا تشترون مشايات ليهالكم لانها مو زينه تلخبط الياهل والله اعلم ببنية كل طفل عشان جذي اذا صار الوقت اللي يمشي فيه بيمشي وهذي اشوفها مو زينه وفعلا قريت تقرير وشطوله عن ضرر المشايات

[rose soul]

السيلان بس يقويكم ليوم بس
عليكم بالتغذية العدلة
تصدقون انا بعد صادني ضعف عدل في نهاية الثالث
وكانو يبون يحطون علي سيلان .. بس انا قلت لهم ابي حبوب
وعطوني وما قدرت عليهم
وتركتهم خخخ
بس قلت بعوض روحي بالتغذية والاكل العدل
والحمدلله احس نفس وااااااااااايد احسن
مادري اللي سويته صح لو غلط خخخخ

[فجوره]

الحلو حلو لو يقعد من النووم
والمو حلو لو لبس احلى هدووووم
جك جك جك جك

[فجوره]

وه
شصاير
كل ما ادش محد !!

[om khalil]

اووووه رحت بانام من ساعه ونص ولا يتني النومه
شفيت على بربير قمت أكلت ليي ورقتين مو حزتي هههههه


حنين الماضي
ويهون عليش ان شاءالله اني استغفر الله تبت أحمل ههههه، اقوله الحمدلله عندنا ثنين وبنييب الثالث ان شاءالله خلاص بعد سالفه، قال لا بعد أبي ظل يحن على راسي واني اللي فيي كافيني بالاخر قلت باسوي في روحي شي لو طريت ليي حمل مره ثانيه كفايه اللي فيني استغفر الله، بس ترى يقولون اسمها الويعه المنسيه نسوان مانتوب هههههه
الحمدلله على كل حال اني قربت أستين بس بعز ضيقي وتعبي وأني ادعي ربي يارب هون علي تذكرت انه في ناس بموتون على الحمل والله مو رازقنهم، قلت بقلبي يارب احمدك على كل حال
والحمدلله شوي شوي بديت اتقبل الوضع ومن تزيد عليي اقول الحمدلله يارب لطفك ورحمتك هونها عليي وعلى كل الحوامل والوالدات يارب


طفلي حياتي
اني اروح للمستشفى للسيلان لما ينزل ضغطي (اعراضه صداع شديد جدا) وطبعا كله ما آكل الا خفيف وجبه باليوم والباقي كله لوعه عندي وغثيان
فطبيعي ماقدر اكل شي، احيانا يصير خاطري في شي اييبه ليي اكل منه نتفه واقطه استغفر الله، كل شوي اقول باغير طعم بوزي شوي اغير وازيد وتالي يالله بينا سيلان بعد وي
وعن الحبوب اخذ الفوليك مره في اليوم واذا ياني امساك اتركه يومين على ماينعدل بطني وتالي ارجع له عادي..
والفيتامينات مره في اليوم اخذها بد ثلاث خبرش وجبه وحده عندي بس وهو لازم عقب الأكل.

وعلى طاري حبوب اوميغا3 تدرين اني كنت اخذها قبل الحمال علاج عن فقر الدم والضعف العام لكن من حملت هديتها وهديت باقي الفيتامينات خفت يكون فيها اضافات ماتناسب الحامل باسايل الدكتورة عنها ان شاءالله.
وعلى فكره تحصلينه في الصيدليات غرشه عوده يمكن فيها مية حبه بـ 4.800 دينار.
وانتين اذا تبين سيلان قولي ليهم اني تعبانه ما اكلت وبيعطونش.بس قولي ليهم دوروا عرق عدل تغزونه ، اني ساعات يحوسون في جبدي مافي عرق عدل يخجوني وتالي يردون يغيرون للايد الثانيه بس صار عندي عادي الأبر من سنه ونص واني متعوده على السيلان من هبوط الضغط الله يعافينا وياكم

روز
اني ماني مالت حبوب ماشتهيها بالذات كبسولات احسها عوده على البلعوم ههههه
والسيلان ماليي بد منه لاني تدرين اتنسى وماآكل اللي آكله افرغه عزش الله فلازم يبي لي سيلان
ووقت هبوط الضغط لايفيد لا بندول ولا شي والوحده تحس بغثيان حتى لو مو حامل فماليها الا السيلان
احس روحي صرت مدمنه سيلان هههههه لاني عقبه احس برغبه بالاكل ويروح الغثيان لفتره


فجوره
صح انتين ماتيين الا المكان صخه
وشكلي اني بعد ألحين بروحي تصبحون على خير

[om khalil]

بي بيييييه

صار بعد خاطري في بربير بس قلت ابحث عنه في النت يمكن مو زين
الا اشوف مكتوب عنه

ويجب ملاحظة عدم استخدام البربير أثناء الحمل!!

يمه يارب لطفك وسترك مادري به واني اعلف فيه من جم يوم
:( :(

دعواتكم...