.·¤ تجمع الحوامل اللي ولادتهم في محرم¤·.

[دلع الأحساء]

امين اميره

فديتك متى النومه؟؟

[دلع الأحساء]

المشاركة الأصلية كتبت بواسطة اعز الناس عافوني

ههههه دلع حيااك ^^
بس انااباخخر الشهر قمت اخورها من بعد طلبات زوجي البيض والجبن

مالحقتي علي باول الشهر مبدعه الحمدلله والشككر كله ينقط بالزباله تكرموون
انقهر اتعب اطبخ واخرتها مااياكل شي ماله الانواششف هي اللي تعلمه ان الله حق هعع

لا خلاص هونت اجل مب اجي بيتكم

شكلك بتجوعيني لجيت ومابشرب منكم إلا عصير تنق ولا خفيف وطعمه ماي هههه

[دلع الأحساء]

مين يبي يشتري زي ذا هع

اتوقع مراوي لو تشوفه في السوق تشتريه

حزام يمكن الحوامل من رؤية جنينهن


صمم “ميلودي شو” من جامعة نيو ساوث ويلز الاسترالية الرائدة فى مجال التعليم والابحاث جهاز محمولا لتصوير الجنين عبر الموجات فوق الصوتية والجهاز على شكل حزام ترتديه الحامل التى ترغب فى مشاهدة ومراقبة تطورات جنينها على مدار الساعة.
ولحمل الجهاز شاشة فيديو رباعية الابعاد تشاهد المراة الحامل من خلالها جنينها فى اي وقت تريده .
كما يتيح لها ان تري كل تحركات الجنين بشكل كامل لحين الولادة ويهدف الجهاز الى تقوية العلاقات الاسرية بين العائلة والطفل

[اميرة الورد ~]

مدري متى انام
رحت ع السرير ع انني بريح حسيت انني صرت اكل بنفسي
مقهووورة منه ولاحتى تنزل يفتح جواله ولاكأن عنده زوجه تحاتي:@
قلت اجي هننا اتسلى معكم
ليه انتي بتنامين حبيبتي

[ملكتني بهمسك]

المشاركة الأصلية كتبت بواسطة marawy

بنات اليوم رحت لموعدي عشان اروي دكتورتي نتيجة الالتراسوند اللي سويته امس ،، وتقول ان البيبي صغير :( ولازم اتغذى عدل ويفضل اني ما اصوم ،، لان حتى الزياده في وزني مو وايد ،، ازيد شوي شوي ،، بس مدري ليش تقول البيبي صغير ! وقالت لي كثري من الاكل المفيد مثل الدجاج اللحم الخضروات والفواكه وهالسوالف ،، واهم شي الحليب ،، وقالت لي افطري ،، بس انا بصراحه ما رضيت قلت لها ما باقي شي دكتورة ليش افطر ! قالت براحتج بس توعديني تاكلين عدل ،، وانا احاتي وافكر وايد ،،

بسألكم كم وزن نونواتكم ؟ وكم المفروض يكون الوزن الطبيعي لهم الحين ؟؟

عادي صغير اهم شي مو كبير الخطر في الكبير اما الصغير يتزحلق بسرعه هههههه كل عيالي اولده صغار --- لاتفطرين اذا منتي حاسه بتعب --- لا تهتمين ولا تفكرين بنتك مافيها الا العافيه

------------------------------------------------------------------------

المشاركة الأصلية كتبت بواسطة marawy

اي نسيت صح ،، تقول بعد الدكتورة اني ماتطعمت عن الحصبه الالمانيه ! استغربت بصراحه وقلت لها متأكده اني تطعمت واخذت الابره ،! قالت ممكن اخذتيها بس ما صارت عندج مناعه ،! وبعد الولاده لازم اخذها وامنع عن الحمل لمدة 4 شهور ،، وقالت ما تضر الحين بس احاول ما اختلط بالناس في الاماكن المزدحمه ،، خوفتني اكثر ،،

عادي انا ماعمري تطعمتها توكلي على الله هوا الحافظ

------------------------------------------------------------------------

المشاركة الأصلية كتبت بواسطة marawy

والله يعيننا بالنفاس ،، تقول امي دوم تحسين بالحر وتعرقين خصوصا لما ترضعين ،، غير الستيان تصير ريحته عرق وحليب بنفس الوقت ،، مدري وش بنسوي حزتها ،، انا الحين وبالدقيقه ادخل الحمام واغسل صدري وجسمي بالماي والصابون والقهر اني بس اطلع من الحمام الله يعزج ارجع اعرق !

صح النفاس كذا بس تحس بحر عشان كذا حلو النفاس في البرد وتخيلي تعرق لان كل مويات الجسم اللي نفختك وانتي حامل تخرج غير تحسين ريحت العرق فيها زفرت النفاس انا كل يوم لازم اتروش مرتين ومن جد ريحه الحليب ماهي حلوه ويسير يتحجر ويخرج الحليب من نفسه ويعدم الملابس


-----------------------------------------------------------------------

المشاركة الأصلية كتبت بواسطة marawy

ملكتني بهمسك ،، انا اشتريت مشد نفس الاول تقريبا بس يكون يتسكر من قدام (تشك تشك) ههههههه ان شاء الله فهمتي علي ،، قصدي لزاق ،، هههههه ان شاء الله يفيدني ،،

ربي يبلغج باعيالج ياربي ويعوضج عن حرمانج من اقرب الناس لج ومن كل شي خسرتوه يارب ،، وان شاء الله تشوفين الفرحه فيهم يارب ،، والله احس قلبي انقبض لما قريت اللي عانيتي منه ،، فديتج ما تستاهلين الا كل خير ،، الناس صارت تمشي ورا مصالحها الله يهديهم والحمدلله ان ربج عوضج بهالاولاد والبنات وزوجج وان شاء الله يشيلونج ويبرون فيج ،، وما يروح تعبج ع الفاضي يا عمري ،،

اي والله صدقتي ،، الوسوسه خليها على جنب ،، اوقات اسمع شي واطنش بس لما يجي وقت النوم افكر فيه واقعد اوسوس ،، هههههه حاله نفسيه ،،

حلوين الملابس ،، احب اشوف ملابس النونوات ،، لما شفت الصور رحت لدولاب النونو وقعدت اشوف الملابس للمره المليون هههههههه >>> لين الولاده بتوصل ال5 ملايين ،،!
صار ودي اجهز الشنطه من الحين ،، ههههههه بس تعوذت من ابليس وقلت اجهزها وزوجي صاحي ومعاي احسن ،،
كرشتي الحين صارت تبان ههههههه ،، بس شكله مشواري طويل يا اختي !! هههه روعه فساتين الحمل ،، اجسامهم تناسب ههههه مو اجسامنا ! هم بس الكرشه تكبر ،، احنا نروح بالعرض والطول والوزن وكل شي هههه !! غير الصدر اللي ماله معنى

انا جهزت كل الاغراض وباقي جلابيات النفاس والبجامات لي والملابس الداخليه ،، وكل هذا تحسبا للولاده المبكره ،، لاني ما اضمن نفسي بصراحه وبعدين بصير ثقيله ،، من الحين بادي الثقل معاي الله يعين ،،

طيب هذا الي انا اشتريه الي على قولتك تشك تشك هههههه بجد يفيد عن تجربه بس البسيه من اول يوم لين تخلصين الاربعين بتضايقين منه وبتحسين بحر منه بس اصبري لين تخلصين الاربعين وبعد بتشوفين ان الكرشه اختفت --- اللهم آآآمين ربي يسعدك وانتي بعد تستاهلين كل الخير الله يعوضني فيهم يارب ومايروح تعبي على الفاضي مشكوره حسيتك دعيتيلي من قلبك الله يسعد ويوفقك ويفرحك ببنك يارب --- ههههه حتى انا عديتوني سرت اوسوس زيكم لجيت انام --- تصدقين هذا وانا مو اول طفل لي ونفس حالتك اروح للاغراض احب اشوفها كل يوم وابتسم --- احسن خليه يرتب معاك عشان ينبسط واذا احتجتي شي بنسبه لشنطه قوليلي وانا باذكرك باشياء المهم فيها ---- وانا مشاءالله زوجي يقولي رحت وماعندك بطن ورجعت مشاءالله كانك في السادس --- هههههههههههههه بس الكرشه تكبر ،، احنا نروح بالعرض والطول والوزن وكل شي هههه !! غير الصدر اللي ماله معنى --- كويس انك جهزتي وربي يسهلها عليك وعلينا ويتمم حملنا بخير ويرزقنا ساعه سهله ميسره باذن الله

[اميرة الورد ~]

شكلكم نمتوا خخخخ
اتخيل كروشاتكم طايحة ع اللاب خخخ

[ملكتني بهمسك]

اعز والله حقهم يتشرطون وماياكلون انا زوجي كذا بس الحمدالله لمن يسافر ارتاح شويه عيالي عادي شربه وسنبوسه وعصير توت والحمدالله يكفيهم

دلع بتسير كذا في الشهر الثامن --- والحزام حلو انا كمان لو اشوفه اشتريه حتى لو ضروف زوجي ماتسمح لان سعره غالي على طول ادخل جمعيه واشتريه هههههه

اميره انا ما احط راسي على المخده الا لمن اتاكد وصل النوم حده لان لو انسدحت ادور للنوم ماراح يجي ماتجي الا الوساويس وهموم الدنيا

[اميرة الورد ~]

ههههههه
ربي يكوون بالعووون
انا مثلك بس مرات اغصب نفسي انني انسدح لين انام
يااااه متعب هالحمل تخلصين من النساة يجيك الم الظهر والبطن بعده الامساك بعده الثقل بعده حرقان المعدة وشد عضلي ووووو وكل هذا بصوب والتاسع بكبره بصوووب تحسين الاشهر اللي راحت ولاشيئ قدام الشهر
ماقول الا ربي يلطف بحالننا بس

[اميرة الورد ~]

واخيرا شرف السي سيد
الحين اقدر انام وانا متطمنه
تمسوون ع خيير

[ملكتني بهمسك]