دادوو,,
شوفي ليش انا اقوللك انا خايفه منها لاننا هنا احس الاطباء عندنا ماتعودوا عليها مو زي امريكاا والدول الاوروبيه !!
جبت لكم كلام وحده من مننتدى ثاني اخدت ابرة الظهر وبعدين ولدوها قيصري فتحكي تجربتها لمن راحت عن دكتور خبير بابرة الظهر عشان تستفسر هل سبب الولاده القيصريه من الابره او اهمال من المستشفى :
الابره عباره عن بنج نصفي يستخدم في العمليات الجراحيه وجراحات اليوم الواحد،، وهذا الشي فعلا نعمه من ربي .. يارب لك الحمد
انا جربتها في ولادتي قبل سنه يارب لك الحمد ماسببت لي مشاكل تذكر !
اللي حسيته يمكن اذا جت يدي على فخذي احس بالبشره حقت فخذي كذا زي البرق ، جلست معي الاربعين تقريبا بعدين راحت!
بس هالشي مايمنع اني اجربها مره ثانيه ان شا الله في حملي هذا !
عيبها الوحيد انها تبطيء من عملية الولاده وهذا كلام الدكتوره حقتي هنا بامريكا.. لانها تخدر عضلات الحوض بعد بشكل بسيط ،، يعني لما تدفعين بآقصى جهدك ماتساعدك كثير.. عشان كذا هنا يخففون البنج لدرجه تشعرين فيها بالالم بصوره بسيطه اذا وصلتي ل10سم..
هذا كلامها لي وتقول هاذي توصيات جمعية اطباء النساء والتوليد الامريكيه والبريطانيه!
اما عندنا الله يخلف الا اذا كان استشاري تخدير صاحي!
انا ماخففوها ابدا ليييييين خلصت وطولت مرا واخر شي حولوني قيصري لان البيبي طول جوا وبدا نبضه يضعف!
بعد الولاده بشهر رحت انا وزوجي للدكتور حمد الصفيان (المشهور اللي كان يطلع بالتلفزيون )الله يذكره بالخير- حتى دكتور كبير شوي وباين ما شا الله العلم بعيونه - وعرضناعليه تقاريري الطبيه واللي صار معي!
لاني حسيت فيه اهمال اني اتحول قيصري، وكنت طيبه مافيني الا العافيه والبيبي وضعه سليم فجأه اضطرب النبض، وبصراحه صبيت جام غضبي على الابره، توقعت هي السبب في ضعف النبض،،
قالي انتي جيتي لواحد حضر الدكتوراه في ابره الظهر هاذي ، وان شا الله بجاوبك على كل اسألتك!
قالي انا تدربت في بريطانيا قبل حدود 20 سنه في مستشفى النسا والولاده هناك 5 سنين و اول ماداومت صعقت من الحوامل اللي في غرف الولاده يقرون مجلات ويقلبون قنوات التي في!
لما سالت المشرف علي شرح لي وش السالفه ،، يقول الشي هذا بهرني مررررا وطلبت يكون موضوع رسالتي فيها!
يقول حتى استشاري التخدير يدور بعربيته مع الممرضه طول السيب ويعطيها بدقه وحرفيه متناهيه ويشيك على الامهات ويتأكد من الجرعات ، واي وحده تدخل في وضع ولاده ووصلت 4 سم عطاها على طول ،، فكان الوضع علي جدا غريب!
يقول عندنا صريخ وصراخ وهم روقان !
ويقول بعد عرفت عندهم تعطى الابره من غير ماتطلبها الا اذا سالها الطبيب وقالت مابغى ،،لا بعد يشملها التأمين!
زي اللي بسوي عمليه استئصال زايده ويشاورونه تبي بنج ولا لا ! واذا تبي ادفع!!! ياسلام!!
لان يعتبرونه زي التعذيب اللي عندك البلسم الشافي للالم وانت ماتعطيها!
يقول قالي المشرف حقي ان القانون البريطاني يجرم الطبيب اذا طلبته الابره ورفض!
مو زينا لها سعر خاص،، وبعض المستشفيات الحكوميه ماتوفرها!
اللي فهمته منه انه هي لحالها علم بحاله ! لها جرع معينه وتخفف اذا وصلت المرأه 10 سم
حكا لي بعد موقف صار معاه: قال مره هنا في الرياض وحده من المراجعات عندي اخبرتني برغبتها باخذ الأبره ، ولما جا وقت ولادتها استدعاني المستشفى اللي بتولد فيه،، طيب!
يقول وانا جالس البس الغيار حق غرف الولاده واغسل يدي قبل الدخول للكشف اسمعها تبكي وتطلب من طبيب التخدير ابره الظهر،، يقول قام الدكتور يتكلم ويقول هذا على مسؤليتك الشخصيه ولها اضرار وممكن تسبب لك شلل وصداع نصفي والام مزمنه بالظهر والاقدام!!! يبي يخوفها!
يقول فورا طلعت واتصلت على زوجها وطلبت انه ينقلها للمستشفي ثاني!
يقول اللي صاير الان اللي مايعرف يسويها يخاف من المسؤليه ويحطها علي المريضه ومسؤليتها!
يقول عيب حتى يقول لها هالكلام ، لأنه يدل على جهل!
لكن اللي محترف تخدير ودارسها دراسه مابتعوق معه!
ولما سالت عن مشاكلها وهل لها علاقه بانخفاض النبض قال هي ابدا مالها اي اضرار على الجنين سبحان الله ابدا- الا في حاله انخفاض ضغط الام، عشان كذا باستمرار يراقبون ضغط الام!
اما باللنسبه لحالتك قال تقريرك يبين انه ضغطك كان سليم!
واللي صار معك يصير مع بعض الامهات ولا له اي تفسير طبيا..
احيانا يقف الطب عاجز امام بعض الحالات،، ومو بالضروره اللي صار لك في حملك الاول ممكن يتكرر مع الحمل الثاني!
10-29-2011, 02:49 PM
رد: تجمع اللي بيولدون في شهر ذو الحجه
لياليـ 
جديد منتدى إستفسارات مرحلة الولادة
العرض العادي
