دردشة بنات مصر , دردشة حوامل مصر , تجمع بنات مصر

[دودى مجدى]

مساء النور يا ام نوريين انتى بتصحى امتى يا بة انتى

[أم نورين2012]

الله يبارك فيكي ياقلبي وربنا يسمع منك وعقبال مانفرح بيكي كدا ويكملك علي خير يادودي

[أم نورين2012]

أنا بصحي الساعه 8 مع محمد وبنام علي الساعه 10 أو 11 لأن أخيرا عرفت أظبط نومي كنت الأول بصحي العصر وأفضل سهرانه لحد الفجر

[دودى مجدى]

طيب كويس ظبطى نومك على كدة بقى انا كمان نومى ملخبط ونفسى اظبطو اوى واصحى بدرى زى البنى ادميين العاديين

[ام انس المصريه]

طيب انا هحكي لكم وقولولى اعمل اييييييييييييييييه

عشان انا مضايقه ومخنوقه ومعيطه

جوزى مش عايزه ادعى عليه علشان من يوم ماربنا اكرمنى ب انس ونا قلت مش هدعى عليه تانى

ليه يسال اخو مراته التانيه عليها

بيساله يقوله اختك اتجوزت قاله لاء قاله ولا اتخطبت قاله لاء

فبقله بتساله عليها ليه قالى بطمن عليها علشان ممكن ارجعها قلت له انت كنت بتقول انا مش بجوز عليكى علشان حب ولا متعه انا بجوز علشان اخلف وادينى ربنا كرمنى وادانى انس

يقولى انا بقى عايز اجوز علشان اتمتع

بالله عليكم ده يرضى ربنا ليه بيحرق دمى

قلت له طلقتها ايامها علشانى ليه لو كانت احسن منى مطلقتنيش انا ليه واجوزتها هى

ليه بس بيحرق دمى انا ماصدقت انى ارتحت

وان ربنا رزقنى انس وقلت خلاص الحياه هتبقى حلوه ليه النكد وتعب القلب ده

قولولى اعمل ايه وكلكم تجاوبونى علشان بعيط ونفسيتى وحشه

مش هاقول غير منه لله

[دودى مجدى]

يا حبيبة قلبى يا شيماء ولا تعييطى ولا تزعلى نفسك اشتكى لامو وقوليلها ينفع الكلام دة يعنى هتغلطو وتديلو فى جنابو ولو قالك كدة تانى قوليلو خلاص روح دور على متعتك وابقى قابلنى لو شوفت ابنك تانى هيخاف قوليلو الطفل فى حضانة امو وانا بقى هخليك تمشى تكلم نفسك شوف بقى متعتك ولا ابنك رجالة اخر زمن بدل ما يحمد ربنا ويبوس ايدو وش وضهر عامل زى اللى عندى كلهم صنف واحد متزعليش نفسك يا بت عشان خاطر ابنك وبس

[دودى مجدى]

وعارفة ياشيماء مممكن يكون بيعمل كدة غتاتة انا جوزى ساعات بيحب يبقى غتت كدة يمكن دى حالة بتجيلهم او ممكن بينبهك انك مهتمية بانس اكتر منو او معنتيش بتهتمى بية زى الاول معلش الرجالة هبل ادلعى علية شوية ولا اعمليلو اى حاجة ربنا يهدية هو وكل الرجالة

[نولارا]

شوشو ايه بس مالك
يمكن بس بينكشك وموش قاصد حاجه
ربنا يهديه يارب ويهدى سركم

[نولارا]

سما
شكرا يادوك
والف سلامه لاروى وليكى


دينا
اخبار النونه ايه

[أم نورين2012]

معلش ياشوشو أصبري بس ياحببتي وهدي أعصابك وكبري راسك منه علي الأخر وهو لما يلاقيكي مطنشه هيرجع زي الأحسن من أول وتلاقيه كان بيقول كدا علي سبيل أن يغيظك أو عشان أنت بقيتي مهتمه بأنس ومطنشاه وهم محتاج دلع برده وأهتمام بس أنتي حاولي تبينيلو أن عادي وكفايه عليكي أنس بس هو مش هايرجعلها عشان لو كان عيزها كان أتجوزها من الأول ومافضلكيش عليها وعشان خاطر أنوس بقا مطعيتيش وأمسح دموعك وأعدي لعبي أنس وأبصي في عيني وشفايفه وهي بتضحك هاتنسي هموم الدنيا كلها وهاتنسي نفسك كمان