دردشة حوامل مصر - دردشة بنات مصر - تجمع حوامل مصر ‏

dr.princess · 06-07-2011, 03:59 AM

طيب ما تجربى الاول تعملى ريجيم لوحدك لو ماجبش نتيجة روحى لدكتورة

رنا خالد · 06-07-2011, 03:59 AM

لا يالولو مجربتوش بس انا بعمله بطريقه حلوه هاقولك عليها وتصلح للدايت جدااااااااا
قطعي وراك او صدور الفراخ صغيروبعدين شوحي بصلايه ع النار بزيت زيتون او عادي وبعدين انزلي بكوبايه مايه صغيره وحطي مرقه دجاج وتوابل وملح وانزلي بحتت البانيه وبعد ماتستوي انزلي بحتت طماطم وفلفل الوان وقلبي شويه صغيرين وطفي
وبعد ماتتطفي ضيفي بقدونس متقطع بجد بتبقي خطير ممكن تاكليها مع 7 معالق رز او مكرونه او نص رغيف بلدي هاتشبعي وهاتبقي منها سلطه ومنها فراخ مع عيش
قوليلي بقي عندي سمك مكرونه ومش عارفه اعمل في ايه بكره وطبعا مش هاينفع اقليه ادخله الفرن ولا ايه لاقيلي حل

Om Rodina · 06-07-2011, 04:02 AM

يااااااااااااااه
لولو ورونى ورنون حبايبى كلهم موجودين
اخباركم ايه واخبار اللى هايربونا من تانى ايه ههههههه

dr.princess · 06-07-2011, 04:04 AM

رنا ايوه انا كنت فعلا ناوية فعلا اعمل فراخ بالطريقة دى

فى واحدة كاانت كاتبة موضوع على فتكات انها حطت تتبيلة السمك العادية وحطت زيت قليل على الوش وشرايح ليمون ودخلتها الفرن وقالت ممكن كمان طماطم وبطاطس هى بتقول انها طلعت حلوووة اوى
جربيها كده

رنا خالد · 06-07-2011, 04:07 AM

بصي الدكاتره ماتعرفش انتي في بيتك ايه
انتي مشي نفسك حسب اللي متعوده تاكليه والحاجه اللي عندك
اما بقي حكاية خلفة العيال تاني دي يارانيا لاااااااااااا
حلو اوي 3 او اربع سنين عارفه اول خمس سنين جواز بيبقوا ليهم طعم تاني
حرام اضيعهم في عيل بيؤوأ وعيل بيعمل بيبي وزروطه وبهدله وده بيخنق اخوه
لا دي بتعض اختها هههههههه وشعري يتكنش واتخن تاني ومبقاش ملحقه ع البيت ولا علي جوزي ولا العيال وابقي ام العيال واخرج اجررررررر في عيال اد بعض في ايدي ياخراشي ده انا اعجز بدري لا انا عايزه استمتع بحياتي ياشيخه ومش عايزه اقهر البت بأخت او اخ ياخد مكانها دلوقتي
لما تكبر ان شاء الله عشان اقدر اتحمل مسئوليه جديده

dr.princess · 06-07-2011, 04:09 AM

ازيك يا روفى اخبارك ايه مع رودى

dr.princess · 06-07-2011, 04:10 AM

كلام مظبوووووووط يا رنا

رنا خالد · 06-07-2011, 04:10 AM

ام رودي وحشاني اوي جدا خالص
مش بعتر فيكي خالص عامله ايه انتي والعروسه الننوسه
ياتري هي اللي مسهراكي ولا انا ظلماها والعسل نايم وانتي اللي مصحصحه لوحدك
رانيا راحت تطفي البوتجاز نامت في الفرن ولا ايه ههههههه

رنا خالد · 06-07-2011, 04:13 AM

انت اللي مظبوط يالولتي زي شاي ليبتون ابو علامه حمرا هههههههههه
انا هانزل في توقيعي شريط الوزن تاني عشان اتحمس يارب نخس بقي ونبقي موز موز وجوافه

Om Rodina · 06-07-2011, 04:16 AM

بخير يالولو الحمد لله ماشى الحال ورودى مطلعة عينى على الاخر والله ربنا يهديها
والله يارنون هى اللى مسهرانى تقريبا كده والله من يوم مااتولدت مانمت ساعة بالليل هى مخاصمة النوم بالليل خالص ومش بتنام غير بالنهار لما خلاص حاسة انى هافرقع منها ربنا يهديها ويصلح حالها

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعالوا شوفوا ازواج منتدى حوامل جبتها لكم وانا قدهاا	فداك عمري يازوجي	ملتقى عضوات حوامل	22	10-19-2011 10:02 PM
مشدات حوامل,ازياء حوامل,احذية حوامل موضة 2010	ايلاف	الموضة و الجمال	12	05-19-2011 11:50 PM
لكل حوامل التوائم ضرووووووري تعالوا هنا	أم الحلوات	منتدى أنواع الحمل	8	12-01-2010 01:31 AM
حوامل الشهر التاسع تعالوا حبايبي	الأمل الساطع	إستفسارات حوامل من الشهر السابع إلى الشهر التاسع	1	09-22-2010 08:12 PM