تجمع حــوامل التوائم

[محجبه]

حساسه حيل
سلامتك ياقلبي
طمنينا عن بنتك الله يطلعهم بالسلامه وتفرحين بهم سواء صراحه بدا بي الخوف يدب من الفلم المررررررررعب الله يستر
هلا زود الغلا
كيفك انا الثقل عامل عمايله وصايره بطريق انا مااقدر اطلع للناس بسهوله اشلون السوق من ناحيه التجهيز اختي بعد شهر بتجهز لي لان احس اذا طولت مشي بيطيح واحد من تحت وحركه النونوات ماشاء ماخذين راحتهم يارب تفرحنا بشوفتهم بس مو كل شوي على حسب
وانتي شلون حياتك بالبيت والتنظيف؟
جومانا
كيفك وشلون النونوات وانتي اشلونك وشلونك حركتك بالبيت انا ابو الشباب هو ينظف بس يقول ريحي بس تطلع روحي متى يقوم ويتحرك انا ماسوي الا بس اغسل غسالتي اتوماتك وبس اما الكوي مستحيل
الفراشه الجميله
هلا بك نورتي انا مثلك اول انصدمت وشلون اتحملهم سواء بس الحين اقول يارب تفرحني بشوفتهم تامين الخلقه وبين يدي وربي هو اللي بيعين ويعاون سبحانه

[نونة العسولة]

المشاركة الأصلية كتبت بواسطة محجبه

هلا وسهلا نونه وش عندك جايه تريشقين علينا ماعندك الا بطاااااريق كيف النونوات

فديتج والله محجبة الوحيدة اللي عبرتيني لووووول

مااقدر ماادخل للتجمع واشوف اخباركم

باقي الكروشات مالهم خلق كلش

الله يعينكم ويهونها عليكم يارب

والله النونات بخير بعدنا على السهر والتعب

بس الحين شووي احسن الوضع لان ماما معاي

بس بتسافر بعد اسبوع حدددي ضايق خلقي بس ماتقدر

تترك ابوي واخواني وخواتي اكثرر ...

والبنات امس وديناهم موعد دكتور فحصوهم ووزنوهم

الحمدلله كل شي تمام ...عقبالكم يارب تولدون بالسلامة وتفرحونا فيكم

[أم ياسمين]

حساسه حيل: حمدالله على سلامتج الله يقر عينج في بناتج
الفراشه الجميل:لا تخافين السهالات من الله سبحانه والله يثبتهم يا رب

[نواعم النعومه]

الله يتمم على الجميع يارب
والف مبروك للحوامل الجدد

وكل عام وانتم بخير وعساكم من عواده وتقبل الله طاعتكم.. وصيامكم :)

[لينا 3]

سلامي الحار اهديه لكل اخت لي في هذا المنتدى واقول لكم
عيدكم مبارك وكل عام وانتم بخير وعساكم من عواده
اختكم ام عبدالعزيز .

[اميرة الشعر]

الف مبرووووك لكل اللي ولدوا معي

[جومانا]

هلا كروشات ياحلوات
محجبة وزود الغلا
الايام هذي مرررة ثقلانة يادوب اقوم من مكاني اذا جلست اتعب على طول وانسدح بطني نازل على رجولي المشي اقدر امشي بس ماطول اتعب وايضيق النفس عندي وركي كمان ماااقدر اتحرك
الشكاوي ماتخلص ابد والاوجاع بس الله يعينا ويطوي عننا المدة
ويقومنا بالسلامة يارب
التجهيز لسى ماجهزت بس ان شاء الله الشهر الجاي بعد مااخلص من تجهيز المدارس وراج اجهز وكمان اتاكد من جنسهم اول

[حنان الهاجري]

الفراشة الجميله انا مثلج بعد من قالتلي الدكتورة فيج توم انصدمت وحسيت عمري بصيح خخخ قلت انا ضعيفه كيف بستحمل تعب التوام وثقلهم
بس الحمد لله الله سهل علي وعطاني الصحه والتحمل وانا الحين دشيت السابع والحمد لله رب العالمين

[نورة نايف]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
كل عام واخواتي في التجمع بخير من العايدين الفايزين
نونه العسوله افتحي تجمع جديد للي ولدو عشان ماننحرم من التجمع الرائع اختكم

[ليال العيد]

السلام عليكم بنات كل عام وانتم بخير
من العيدين ومن الفايزين