تجمع حوامل الأشهر الوسطى(الرابع,الخامس,السادس)

[~أم بتــال~]

مرحبا
بخصوص الحركه احيانا احس بشي خفيف حركه سريعه ومو واضحه
يمكن هذي اللي يقولون مثل الفراشه ^_^
واحيانا احسه يتجمع في جهه وحده سبحان الله
مع ان هذا حملي الثاني بس جد احس نسيت كل شي كأني بكر :$
الله يهون علينا يآآرب

[هيفاء..]

المشاركة الأصلية كتبت بواسطة غلاج بقلبي

يااحلووووين
ياليت كل وحدة حست بحركه الجنين تووصف كيف كانت ؟؟
>>اغلبنا بكريات ولا عندنا خبره ولا شي هههههه
الاغلب يقولوو مثل الغازات واحيانا زي اللمسات الخفيفه والبقيه تحس بالضربات الجنين

غلاج بقلبي كيفك وكيف الحمل معك حبيبتي.. انتو بكريات وماعندكم خبره في حركه الجنين.. وش نقول احنا يالي حملنا قبل هالمره وجربنا نسينا كيف ومتى يتحرك الجنين خخخخ مدري يمكن عشاني طووولت ما حملت انا اذكر انو بدايته مثل النبض ومحسوس وتفرقين بينه وبين الغازات بس هالمره عجزززت اميززز مدري يمكن اذا دخلت الخامس يبين

[هيفاء..]

المشاركة الأصلية كتبت بواسطة بنت أبيها

هلا بالبنات ومرااااااااااااحب بالي لفوا الجدد

اسال الرحمن ان يثبتنا علي خير

اليوم رحت الموعد الي انتظره كاحر من الجمر

ولله الحمد والمنه كلشي تمااااااااااااااااااااااااااااام

وعرفت الي بطني الحمد لله ولد

قسم بالي رفع السماوات دمعت عيني يوم عرفت

قلت الحمد لله الي يهب لمن يشاء اناث ويهب لمن يشاء ذكور

واسال الرحمن ان يذوق كل محرومه الفرحه

وان لا يحرمها هذا الاحساس

وان يتمم علينا وعليكم بخير وبصحه

يارب بالخلقه التاااااااااااامه لازياده ولا نقصااااان

ويبشرنا الله بجناته يوم لا ينفع مالا ولا بنوووووووووووووون

الله يحييك قلبي .. مبرررروك اهم شي اطمنتي على صحته يا قلبي الله يتمم عليك فرحتك وتذوقين نفعه وتشوفينه عريس انشاء الله وعقبالي انا بكره موعدي انشاء الله بطمن على البيبي وبشوف اذا ولد او بنت ..

[هيفاء..]

المشاركة الأصلية كتبت بواسطة (( مدلعه ))

مساء الخير جميعا" ,,
أخباركم .. عسى ماتعبتوا من الغبار ,,؟

وهيفاء ,, انا احس نفس تقلصات الدوره تجيني هالايام بأستمرار ,, وما أدري هل هي بداية الحركه او لا , و الله اني نسيت الحمل ,, ويارب سهل لك امورك في موعدك , انا وانتي بكره عندنا موعد ,, الله يعين الدكتوره علي , جمعت لها أسأله وش كثرها , الزكام و الحساسيه ذابحتني ,ابيها تعطيني علاج وارتاح شوي ..

مدلعه وش اقول انا انا اذا رحت لها تشيل همي واشيل همها ما تبيني اسالها تعصب بسرعه الله يعيني عليها بكره شايله هم شوفتها وكل ما سالتها قال الله انتي موسوسه اوي طيب من حقي اطمن على البيبي ..وبخصوص الالم انا احس زي الابره في اخر بطني اذا تنفست مره او تحركت تنغز من تحت البطن.. وولدي الله يصلحه جته كحه وعاداني صار خشمي احمر من الزكام والكحه بس خفت علي هاليومين .:هاه مدلعه بين بطنك مثلي انا بطني وصدري وزجي طايره عيونه فيني منصدم من سرعه التغيرات خخخخخ ..

[@دبدوبه@]

هااااااااي بنوتاااات

[دروب الأمل]

المشاركة الأصلية كتبت بواسطة ~أم بتــال~

دروب الأمل
غريبه ليه ماتبين تعرفين جنس الجنين ^_^
مع انك في الاسبوع 22 وأكييد واضح يكون
آللہ يطمن قلبك عليه
بخصوص إبرة الكزاز ضروريه يعني ؟
ومتى نأخذها أي شهر ؟

امممممممممممم

زوجي مايبغى نعرف الحين

حابب تكون مفاجأه

بس اليوم تحمست وانا أشوف بالسونار وكان السؤال على طرف لساني

سبحاااان الله ما أدري كيف نسيت أسئلها

انقهرررت , يعني هو واضح ووضعيته كانت سهله راح يبان لو سألت

بس يالله الحمد لله على كل حال اهم شيء طمنتني ع الوضع

.
وقالت المشيمه أحسن من أول , لأانها كانت نازله

..

ابره الكزاز سمعت بها يقولون تفيد لو حصلت ولادة بمكان مو معقم ومن هالكلام

يبدون يآخذونها من الشهر الخامس , 3 إبر , كل وحده بوقت بعيد عن الثاني

بس ما أعرف لو هي ضرورية مررره او لا

.
برضوا اليوم نسيت أسئل الدكتورة عنها

ما أدري وش فيني أنسى

,
وصرت أواسي نفسي أقول لاصارها ماقالت شيء يمكن مو ضرورية

وحده من خواتي ماعطوها اياها

.............

حركة الجنين ياحلوات بنهاية الرابع , تكون مثل اممممم لو عندك ورقه وعرضتيها لهواء
تهتز سريع سريع ههههههههههه

هذا أقرب وصف سهل

[العاشقه الحزينه]

اهلين بنات كيفكم اليوم ان شاء الله بخير

بخصوص اللي يسالوني عن اهمالي للحبوب ترا والله مو جديد علي الاهمال هههه
في حملي ببنتي وولدي ابد ماكنت اخذها نفس حالي الحين بس الحمد لله عيالي سليمين ولله الحمد
وبعدين احس بملل من اخذ ادويه طول الوقت تدرون اني لما امرض اي مرض اروح المستشفى واخذ علاج بس مستحيل اشربه هههه

اكرهه الادويه
وبالنسبه للكالسيوم ماصرفت لي الدكتوره للحين واسناني تالمني مرره مع العلم اني احب الحليب واكل اجبان

[Yara87]

صباح الخير على الجميع كيفكم اليوم و كيف البيبيات الله يحفظهم و يتمملنا على خير

[وردة الأمل]

مرحبا بنات انا مبسوطه اليوم اجازه
هيفاء بعد قلبي ...
ذكرتيني بحالي بكلامك تغير جسمي بسرعه والصدر كبر وفنون الالم فيه وهذا ثالث حمل لي .. وولدي بيروح المدرسه احس ان الوحم هلكني يمكن لأني طولت
حركة الجنين ميزتها بدري تحسين فيها مثل الطير الي يرفرف او الفراشه الي تحرك جنحانها بسرعه
هي اقرب للرفرفه منها للحركه
وبكره ان شاء الله واراد اعرف جنس الجنين عندي اشعة

العاشقه الحزينه
ياحياتي معلش انا عارفه ان اخذ الدواء شي مممللللللللل اسأليني بس يقولون شحادك على المر قال الي امر انا بكل احمالي التزم بالفولك والحديد والتغذيه الزينه ومع ذلك في عند بنتي سن تعبان ومتاكل مع انها ماشاء الله في التفريش والعنايه اكثر من دكتور قال من يومك حامل صابها نقص بالكالسيوم في مرحلة تكون هذا السن من كذا احس انهم امانه لازم نتحمل عشانهم
اجل شتسوين لو ربي ابتلاك بالغده مثلي بعيد الشر عنك وعن السامعين
الحمدلله على كل حال الحبوب لازم اخذها كل يوم مدى الحياة والقصور بالغده مع تقدم الحمل يصير خطير ولازم تكون الجرعه مظبوطه وتحاليل والي مابتاخذ دواء العده ممكن توصل لموت الجنين ببطن امه ... اعذريني طولت عليك بس عشان ابين لك اهمية الدواء
والله يتمم علينا جميع بالحمل السليم والولاده السهله واقول لكل بنات التجمع يعطيكم العافيه

[سكر مالح]

صباح الخير كروشات أخباركم مع الحمل
أنا موعدي بعد أسبوع و نص والله يطمني على البيبي
وأن شاء الله يسوون لي أشعة وأعرف جنس المولود
مع أني عندي ولد و بنت بس أبي اعرف

سلاااااااامي