تجمع حوامل سوريا-دردشة ورود سوريا-دردشة الغاليات

[عاشقة جوجو2]

سلامة قلبك ميار ان شاء الله ما بتشوفي شر
كيفكم بنات شلونك نايوتا كيف نايا الامورة
انا اليوم رحت اشتريت لجوجو ايباد عشان تتسلى
مسكينة عم تزهق من البيت وان شاء الله السنة الجاي على المدرسة
خليها تبعد عني شوي تتعود من هلاء عشان ما تغار من البيبي لجديد
انا على الاغلب بولد قيصري الله يسهل على الجميع

[شام الهوى]

سلام بنات كيفكن حبيباتي


سلامتك ام هنودة الف سلامة عليكي ديري بالك عحالك

مبروك الايباد لجوجو العسولة حبيبة البي بتتسلى فيه


كيفك صبايا اشتقت للكل بوساتي للكل

[Nayota]

مرحبا صبايا .....
ميار سلامتك والف لابأس عليكي
شذا ان شالله بتقومي بالسلامة وتكون ولادتك ميسرة طمنينا عنك لما تولدي
ماتقطعينا بيضل بالنا مشغول عنك لتطمنينا
ام جوجو مبروك الايباد لجوجو وان شالله ماتمل لان اكتر الاطفال صايرين ملولين
ام عبد الرحمن تشتقلك مكة كيفون اطفالك
بسبوسة وينك وين غاطة
ام ندى كيفا ندوش
كيفك زهرة

انا يابنات لقحت نايا وراح الحمد لله آثار اللقاح بيوم وليلة بس رشحت مسكينة والله حاسة حالي معكرة
يارب اتعافيلي ياها

[شام الهوى]

السلام عليكم بنات كيفكن اشتقتلكن كتييير كتييير

شو اخبارك زهورة مع الوحام طمنينى عنك


ميورة شو صار معك حبيبتي ان شاء الله احسن من اول مشغول بالي عليكي ديري بالك النزلة المعوية والاستفراغ مو مناح عالحمل
ام نيوتة كيفك ياعسولة
وام جوجو ها شريتي الايباد الله يعينك عليها لو شريتي هههه
ولادي لنا شرينالهن جننونا عقولة الرقم السري وتنزيل العاب واخر شي كسرو الشاشات هههه بس يالله فداهن

رح نزلكن صور قطاقيطي هههه

[شام الهوى]

هاد الصغيرون حمودي
اذكروا الله حبيبات البي



مريومة الغلا كله



عبودي الكبير

[زهرة سورية]

المشاركة الأصلية كتبت بواسطة شام الهوى

هاد الصغيرون حمودي
اذكروا الله حبيبات البي



مريومة الغلا كله



عبودي الكبير

ماشاءالله تبارك الله لا قوة الا بالله ...الله يحمين و يحفظن و يحميلك ياهن يارب و يجعلن من عبادو الصالحين و حفظة كتاب الله و تشوفين بأعلى المراتب

انا الحمدلله ماشي حالي لسا ما اشتهيت شي معين ومالي خلق عالاكل اكلي صاير قليل و مع هيك عم بغصب حالي
أمانة تدعيلي الله يتممها معي بالخير و يرزقني طفل سليم معافى ،حاسة حالي هالايام متل الشحادين كل ما عرفت وحدة بحملي بأمنها تدعيلي

{ فَقَالَ رَبّ إِنِّي لِمَا أَنْزَلْت إِلَيَّ مِنْ خَيْر فَقِير } .القصص أية 24

[شام الهوى]

ياحياتي ربي يسلمك ويوفقك ويجعل جنينك في اتم الصحة والعافية ويقر عينك فيه ويسهل حملك وولادتك فيه ويقر عينك فيه ويجعله من الذرية الصالحة البارة التقية ياحي ياقيوم

[Nayota]

مسالخير صبايا ....
ماشاء الله اللهم صل على سيدنا محمد الله يحميلك ياهون وتقري عينك فيهون ويطلعولك مرضيين بارين إلك وولأبوهون
شي لزيز والله بيتاكلو أكل وشوهالمريومة قمر مصور ماشالله
مابطول عندك ماشالله كم سنة وببلشو الخطابين بالطوابير
وعبودة وحمودة ماشالله الله يحميهون ويخليلك ياهون

[Nayota]

كيفك زهرة انا رحت شفت كيس الجنين بالاسبوع السابع
انا فاتتني الدورة تلت ايام حللت تحليل منزلي مرتين طلع ايجابي وماحللت دم اكتفيت بالتحليل المنزلي بس من لمافاتتني بلش الوحام
ينزل ضغطي واوقع بالارض و اجاني وحام قاسي
وماروح كل شهر عالدكتورة من الشهر التالت للسابع مارحت واعرفت بنت باول السابع
وخلص الوحام تقريبا لنص الشهر الرابع من اول اسبوع بالرابع حسيت بحركة نايا ان شالله مايكون إلك وحام والله يتمملك على خير

[زهرة سورية]

المشاركة الأصلية كتبت بواسطة nayota

كيفك زهرة انا رحت شفت كيس الجنين بالاسبوع السابع
انا فاتتني الدورة تلت ايام حللت تحليل منزلي مرتين طلع ايجابي وماحللت دم اكتفيت بالتحليل المنزلي بس من لمافاتتني بلش الوحام
ينزل ضغطي واوقع بالارض و اجاني وحام قاسي
وماروح كل شهر عالدكتورة من الشهر التالت للسابع مارحت واعرفت بنت باول السابع
وخلص الوحام تقريبا لنص الشهر الرابع من اول اسبوع بالرابع حسيت بحركة نايا ان شالله مايكون إلك وحام والله يتمملك على خير

أهلين حبيبتي الحمدلله انا تمام كيفك انتي و نايا الامورة ،يسلمو حبيبتي ع الاجابة المفصلة و ان شاءالله عقبال ما تجيبلا أخ حلو متلا لنايا ، بس كيف قدرتي تصبري من الرابع للسابع بدون ما تروحي عند الدكتورة ماشاءالله قلبك قووي

أنا الحمدلله لسا ما حاسة بوحام بس متدايقة من وجع راسي ومن الامساك العفو منك وخافف اكلي كتير وماني عن اشتهي شي ،ومالي مصدقة ايمت روح و اعمل سوتار و تقلي الدكتورة انو كل شي طبيعي باذن الله ادعيلي