ديوانية البحرين - دردشة حوامل البحرين - البحرينيات

[حنين للماضي]

المشاركة الأصلية كتبت بواسطة بنت الأياويد

مساء الخير ، شخباركم
حبيت اسلم عليكم واسأل عنكم لاني في الويك اند ارجع شقتي وليلة الاحد ارجع بيت ابوي حق الجامعه والله حالة وزوجي معور قلبي مسكين بس الله يعطيه الصبر
ان شاء الله انشوفكم في اقرب وقت ، انا اعاني من النغزات الي اتييني على غفله وتنقزني من مكاني وبكرى عندي موعد في العيادة الدكتورة بتكشف علي من تحت لاني بدش 38 اسبوع بتشوف الوسع الي تحت طبيعي او لا دعواتكم واذا مادخلت عرفوا اني توسعت وحولوني حق ولادة هههههههههه
تصبحون على خير واحلام سعيدة بعيدا عن الشد العضلي والالام

بنت حلال والله
مساعة كنت اقول هاليومين مابينت بنت الاياويد ان شاءالله ولدت
نسيت انش ترجعين شقتش
حبيبتي طمنينا باجر وان شاءالله مايصير اله الخير

[طفلي حياتي]

السلام عليكم
مكتئبه حدددددددي ونفسيتي زفت
زوجي الله يهديه يبط جبدي ولا يفهم ان الحامل نفسيتها تخترب اقل شي
واحاتي اشياء وايد ويش اسوي

[بنوتة حلوة]

الازواااج لو ماتقولين ليهم خيووو على هداوة ان طبيعة الحوااامل تتغير نفسياتهم ولا بيعرفووون .. اني زوجي طفشني بداية حملي عباله اني متحججة مني ومن نفسي وكان كله متنرفزز .. بعدين اني شرحت ليه ان الحامل على اقل شي تعصب وهيك اشياء تغييرات هرمونية وغيره وقام يقرأ هو بعد فهم اشوااا .. احين اجوفه يطووف اشياء ويتعامل ويا اشياء بهداوة عكس قبل ...

حصلت سلة في مذركير السيتي سنتر ب47 دينار .. احسها ماتسوى !!

[rose soul]

رجعت من رحلة الشواي..كان وناسة
حنون..اي في مدينة حمد
..
بنت الاياويد..الله يسهل لج يااااااااااااااارب..هذي احنا نترياج تولدين لنا بالسلامة وتبشرينا حبيبتي
..
طف طف..سلامتج من الاكتئاب .. اهما ساعات يبطون الجبد .. ولا يفهمون لحالة الوحدة..انا اللي عندي ساعات ينرفزني .. ساعات يتفهم الا لما ينزل الدمعة مني.. يقول اووه نسيت ان انتي حساسة الحين..ويتندم..بس ساعات يرد يرجع مرة ثانية نفس الحال..

[بنوتة حلوة]

كلللهم جدي خخخخخ .. الله يعين بس ..

[طفلي حياتي]

كالعاده رحت اتقلب ذات اليمين وذات الشمال ولعيون مبققه مانمت
معني المغرب ابغي ابطلها تنصك قلت الليله نووووووووووووم لكن مافي فايده
شخباركم وحشتوني ووحشتني القعده والسوالف
وعلى لريال ما يعقلون خصوصا هاللي عندي يقعد يضحك اذا قلت له نت تتعمد تقهرني واذا عصبت يعصب افففف

[طفلي حياتي]

ان شاء الله ناصر يدخل الشهر السادس عقب باجر
ياخلف جبدي هالمفصخ
هههههههههههههههههههههه
مو مني من القهر ابغي انام

[بنوتة حلوة]

ناااصر تقصدين ولدش اللي في بطنش ؟؟ الله يحفظه ليش ويتمم ليش الحمل ان شاءالله وتولدينه وتالي تنشغلين به ... اني مستحيل انام في الليل .. وعدد ساعات النوم خلال اليوم شووووية كلش ولا كأني حامل .. كل الحوامل اسمعهم يحبووون النوم إلا اني .. كفاية عليي 3 أو 4 ساعات وخلاص بسرعة ابي اقوم واسوي اي شي ثاني .. ما اطيق النوم كلش :(

[أحلام أم]

صباح الخير على عيونكم
طفلي حياتي
بسش وسواس بروحش لاتفكرين وايد،كلنه أول حمل جده وأزيد منش خصوصا إللي مثل طرحتي
مبرووك مقدما دخولش السادس ويارب تبشرينه بدخولش التاسع وولادتش حبيبتي
وهذا هم الريال يبطوون الجبد مايعاملوونه معاملة خااصه في هالفتره ،كأنه رفقانهم لو وياهم في الشغل مايدروون بحساسيتنه الزايده ولين فهمتينهم يطالعونش بعيون تعور الفاد ههههه
ويش أسوي عوار الراس ذابحني موراضي يفكني العويين الله على وجعه
سلامي لكل حوامل جاردن ستي هم ونونواتهم بعد

[بنت الأياويد]

صبااح الخير شخباركم ، بنوتة انا يوم التخفيض مال مذركير شريت سرير حق بنتي حق الشقة ماشاء الله عود ووسيع ب48 اقل من خمسين ، وخذيت لها مترس ب16 الحمدلله على حظي يوم بروح اشتري كان تخفيض وكان اخر واحد بعد ، في محل في شارع عراد يم محل برجر لاين او شي جذي اسمه على ماعتقد اسمه اطفال الجنه اسعاره ترى وايد زينة بالنسبه حق المحلات الثانية عنده سلال وشناط وكلشي تحتاجينه حق البيبي واسعاره وايد معقولة ورحت انا احلى الاطفال في مدينة حمد بالضبط نفس الاغراض عندهم بس هذي ارخص بشوي الي يقدر يروح يشوف انا بروح اخذ منه قطن حق السدر جونسون وباخذ منه مشط حق شعر بنتي القرعة هههههههه