تجمع حوامل سوريا-دردشة ورود سوريا-دردشة الغاليات

Nayota · 11-03-2012, 08:01 PM

مسا الخير جميعا كيفكون اليوم ان شالله تكونو بصحة وعافية

شذا حداد · 11-03-2012, 08:15 PM

اقتباس:

المشاركة الأصلية كتبت بواسطة Nayota

كيفكون صبايا حبيت شارك معكون بالدردشة
رح عرفكون عن حالي
نادولي نايوتا عمري تمانة وعشرين سنة متزوجة من سنتين ونص تقريبا عندي بنوته عمرا تقريبا ستة
شهور شامية وعايشة بسعودية

هلا والله ....حيا الله ...لعيونك...

..نايوتا هالرقبة ...سدادة ....ههه...شو اسم البنوتة ؟؟...انا حامل بالثامن ومعي بنوتة وبدي سميها كاثرين انشالله الاصل من حمص وساكنة بالسعودية عمري 27 متزوجة من سنة واربع شهور

اقتباس:

المشاركة الأصلية كتبت بواسطة ميآر [ مهند حيآتي ]

اهلين نايوتا .. نورتي التجمع حبيبتي ...

أنا رح عرفك ع حآلي .. اسمي ميار ..
عندي ولد واحد اسمو مهند وعمرو 3 شهور ساكنة بحمص مع زوجي وابني ..
متزوجة السنة الماضية يعني الي سنة وشوي ...

خليكي ع تواصل معنا يا حلوة ولا تحرمينا من طلتك الحلوة..

شذاا حبيبتي وينك تعي طمنيني عنك :)

يااااااااااقلبي انتي

....انا منيييحة ....بس كنت تعبانة وماعم فوت غير قليل كتير ....وعم يوجعني ضهري من قعدة النت ..واجاني متل تشنجات قوية مع مغص وليييي

بيسموه طلق كاااذب ...كيفو صهري بوسيلي ياه

اقتباس:

المشاركة الأصلية كتبت بواسطة ميآر [ مهند حيآتي ]

والله يا روحي عليه لل30 يوم ضل يعزبني ...

بس هلأ صاير بينام بالنهار وبيفيق بالليل والفضل لابوه هههه بيضل حاطه واعد

لان عندي دوام بالجامعة بئا بحطو عند حماتي بيضل نايم عندها بالنهار وباليل بيصحى مع ابوه

ماشي الحال لهلا بس مؤخرا عرفت اني حامل لشوف شو رح يصير فيي اكيد رح يصير فيي متل هالسمايلي

الله يخليلك بنوتك ...

شو اسما عم دور لعروس لابني ههههه صارو 5 ..

وليييييك ....مبروك الحمل ..

......والله يعينك يا قلبي اهم شي توقفي رضاعة ..وتتغذي ..والله زعلت عليكي وبنفس الوقت فرحتلك ..

اقتباس:

المشاركة الأصلية كتبت بواسطة ميآر [ مهند حيآتي ]

يااااا جمااااعة انا عم نبهكن ..

كل بناااات التجمع مخطوبات لابني ههههههههههه ديرووو بالكن ...

رنوووشة - جووود - كوكي - لجين -ندووشة هههههههه

بحياااات اللله

....اي والله لشيل عيونك من محلن ما حاجتك ...هههه...
بعدين انا متأكدة بس تشوفي كاثرين ماعاد تاخديلو غيرها ....اليوم فتها عالسونااار ...ما شالله ما بدي قلك بتفكريني مهبوولة حسسسيييت شفت ملامخها كاملة ..تقبرني انشالله ...ههه.....بخاف تقوليلي الخنفسة شافت بنتها عالحيط ....هههه..فالتلا تقبري عضامي متل اللولية بالخيط ...

Nayota · 11-03-2012, 08:27 PM

اهلا وسهلا شذا يسلمولي الحماصنة صار عندي رفيقتين حمصيات وميار كمان حمصية
ان شالله تقومي بالسلامة حلو اسم اسم كاثرين وان شالله بتجي كمان البنوتة وبتحلي اسما

ميآر [ مهند حيآتي ] · 11-03-2012, 09:29 PM

هههههههههههههههههههههههههههههههههههههههههههههههههه هههههههههههههههههههه
هههههههههههههههههههههههههههههههههههههههههههههههههه هههههههههههههههه

لك شو هاد ضحكتوني يا بنات ههههههه

لحظة خلوني خلص ضحك هههههههههههههههههههههههههههههههههههه

اول شي شذاااااااااااااااااااااااااااااا حبيبتي انتي الحمد لله ع سلامتك يا ام كوكي ....
ما ع قلبك وقلب كنتي الحلوة شر ...
نشالله اخر الغيبات

بس شو مشان هي مافي غير كوكي ليكي حبيبتي ... انا خاطبتلو لمهند جود - لجين - ندوشة - رنوشة - ملاك وهلأ في نايا بنتا لنايوتا ههههههه ...وهلأ كوكي هههههههه يعني الامر واقع ومافي تراجع انتي ئلتي بتعطي هههههه

يا عمري كتير فرحتيني انك شفتي كوكي حبيبتي الله يقومك بالسلامة ويفرحنا بسلامتك وسلامة كوكي ...
الله يبارك فيكي والله ماني عرفانة ابكي ولا افرح كتييييير تعبانة نفسيتي .. وقفت الرضاعة لمهند بس قلبي بيتقطع عليه ايام ما بيرضا يشرب حليب الرضاعة :(

نايوتا : حبيبتي انتي ما بتعرفي ادي حبيتك ... انا بحب اسم نايا كتير كتير ورح يكون واحد من خياراتي اذا كنت حامل ببنت ....
ههههههه عجبتني مقولتك عن الخطابين يا ستي نشالله بتعيش نايا ايام حلوة ...
امانة حطيلنا صورتها كتير لهفلا ئلبي ...

حاجتي كريت كتير هههه

ويييييييييييينك يا ام ملاك :)

Nayota · 11-04-2012, 11:39 PM

كيفك ميار كيفو هنودة ديري بالك على تغذيتك وريحي حالك على قد استطاعتك
ولا تعبي نفسيتك ولا شي بالعكس حلو الحمل يلي مالو مخطط له وبعدين يلي بيرتبط بولد بيرتبط لتنين
وبيربو سوا بالعكس حلوين خديها بروح رياضية ومرحة انا بالنسبة إلي خططت لجيب نايا ومابتصور حالي
خطط لحدا بعدا اكيد رح يجو اخواتا مفاجئات ههههه بس ما بخفيكي هلأ آخدة احتياطي وكلو من ربنا قد مالواحدخطط ودبر
وينك اليوم غاطة هههههه
بوساتي لهنودة الزغنوط

Nayota · 11-04-2012, 11:49 PM

كيفك شذا وكيفا البي بي وان شالله سلامتك من الطلق الكازب وماعلى قلبك شر يلا هانت علمك ولدتي
مع انه بيمرو هالايام ببطء بس لا تفكري ولا تعدي اشغلي وقتك و حطي مشاريع اكتر من الوقت
وطبعا حسب حالتك ازا بتسمح والله يقومك بالسلامة
تحياتي

Nayota · 11-04-2012, 11:59 PM

تسلميلي يا ميار تحبك العافية وانا كمان حبيتك القلوب عند بعضا ومشان صورة نايا ان شالله قريبا بنزلها

Nayota · 11-05-2012, 12:02 AM

اهلا فيكي ام مالك وبوساتي لمالك وملاك

شذا حداد · 11-05-2012, 01:00 PM

كيفكم كرووووشات ......انا بشكر الله على كل حال ....والشكوى لغيرو مذلة
قدمت طلبت لجية الماما عولادتي ورفضولياه....الظاهر رح اولد لحالي ....وما عندي حدا بعرفو ....شو اعمل يا صبايا ....ش ساااويي ؟؟...ليش رفضو طلبي ؟...معقول ما بيعرفو انو الوحدة ما بتقدر تولد لحالها ...وجوزي دكتور وبيداوم شفتين ...يعني كل اللي بيجي عالبيت 3 ساعات الضهر ...شو اعمل ....اااخ ....ولمين بدي اشتكي .؟؟؟....
شو ساوي ؟؟....نايوتا ؟؟....ميار ؟؟؟.....شايفين شو صاير فيي ....اللله يلعن ابو الغربة

Nayota · 11-05-2012, 02:42 PM

وضعك لا تحسدي عليه ابدا والله صعبة كتييييييييييييييييييييير مو شوي انك تولدي لحالك ومافي حدا جنبك وخاصة امك
شوفي ازا بتحسني تجيبي شغالة شي شهر تساعدك بفترة النفاس وين ساكنة بسعودية والله براسي بجي بساعدك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
تجمع حوامل سوريا-دردشة ورود سوريا-دردشة الغاليات	jorri sham	إستفسارات حوامل من الشهر السابع إلى الشهر التاسع	791	07-07-2012 04:03 AM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM