<<تجمع حوامل اللي ولادتهم شهر رمضان1434>>

[جونة]

ان شالله ولادتك سهله وطلقك خفيف يارب وتروحي تلاقيه مفتوح 10 سنتي وتولدي بسرعه وعلى خير .. قولي اللهم اني استودعك نفسي وجنيني واستخيري وروحي المستشفى

[شروق الامل]

السلام عليكم

الف الف مبروووووووك لمحبه ومسلمه يتربو بعزكم

لا تنسون تحكولنا اكشن الولادة ��

بالنسبه لي دخلت المستشفى بعد صلاة الفجر وكان الرحم فاتح واحدسم وجلست لين صلاة الظهر بعدها كشفو علي ونفس الشي فاتح واحد سم

بعدها قرر الدكتور يجري العمليه والحمدلله ماحسيت بشي الا لما انتهى البنج سمعت الدكاتره بتباركي يقولو لي مبرووك جالك ولد بعدها ودوني

قسم الولاده اليوم اللي اجرو لي فيه العمليه كنت مرتاحه والحمدلله بس بعدها بيوم الله لايوريكم الام فضيعه والعمليه اعراضها كثيره الله يبعدها عنكم

مافي احسن من الطبيعي وجع ساعه ولا كل ساعه وربي اللي ولدوا طبيعي محظوظات

انا الحين احس بوجع في رجولي ولما انام واصحى احس رجولي متخدره ما اقدر احركها الا بعد فتره وجلسه على الارض ما اقدر اجلس

الحين صارلي ٢٢يوم من سويت العملية

بنااات عندي سؤال بما اني والده قيصري عادي اشرب واكل اشياء بارده

امي تقول لا خليك على الاشياء الدافيه وانا مليت ابي شي يبرد على قلبي في هالحر

[جونة]

اهلارسيس نورتينا تولدي بالسلامه ان شالله ايش سبب العمليه؟

[أم تااالين]

ياحياتي ياجوووونه ولك بالمثل يارب يسعل عليك ويجعل ولادتك برد وسلام عليك وع النونو
ريحتيني بدعواتك يااطيب قلب
بشرب شاي أعشاب وبشوف الوضع مع اني خاااايفه

[شروق الامل]

جونه انتي ليش تبغي تولدي بعملية وربي مافي احلى من الطبعي على الاقل ترتاحي في نفاسك وتقدري تحضني طفلك

[أم تااالين]

حبيبتي شروووق اسمعي كلام امك خليك ع الأشياء الدافيه حتى لو انك قيصري
حاسه فيك مع هالجوو ودك بحاجه تبرد ع القلب بس تحملي

[شروق الامل]

بنااات معليش كثرت عليكم الاسئله

اكيد انتم راح تخذون موانع للحمل ابي تقولولي ايش هي الموانع اللي راح تاخذوها

بالنسبه لي انا خايفه من حبوب منع الحمل وخايفه من اللولب لان اعراضها كثيره والعزل مو مضمون ف ماني عارفه ايش اسوي

احينا افكر تفكير مجنون اقول مو راجعه بيت زوجي علشان ما احمل مره ثانيه صراحه ما انلام حملي متعب جدا

[جونة]

هبووب رحتي ولا لسه ..

شروق لاني خايفه من الم الطلق والشق اقرا عنو قصص مرعبه .. بس متوكله على الله هوا اعلم بالاسهل لكل وحده فينا .. اناان شالله حسوي عزل ورضاعه بس مابغا لولب وحبوب

[ناعسة العين]

شروق الامل حمدلله على سلامتك خذي لك اللصقه اختي لها خمس سنوات

[جونة]

شروق حبيبتي سلامتك كلو اجر عظيم لكي ..
سويتي بنج نصفي ولا كلي؟
وكيف دحينه تمشي عادي وتقدري تمارسي حياتك؟