ديوانية البحرين - دردشة حوامل البحرين - البحرينيات

[rose soul]

بسألج بنت الاياويد..بطنج كبر من السابع لثامن لتاسع ..لو استقر حجمه من السابع
لأن انا احس بطني مايكبر من دخلت السابع!!

[om khalil]

روز ،، بنت الأياويد
ماتوقعت انه السونار الابيض والاسود يبين بهالوضوح لانه على حملي ببتي وولدي كان مثل الضباب مايبان عدل.. شكلي مابجهز الا بالتاسع علشان ما انصاد بالالوان ههههههههه
تدرون حتى زوجي مابعلمه سربرايز وبجهز ملون ^_^

[بنت الأياويد]

تصدقين ماحطيت بالي بس احسه تغير في الثامن في السابع كان نفس السادس والي قبله بس الثامن كبر شوي والتاسع نزل بطني صار فيه خفقه ، امس الدكتورة تقولي شكلج وايد ضعيفه قلت لها اي تقولي وماكان لج بطن قلت لها لا قالت لي لان عضله بطنج ناطه يبيلج رياضة بعد الولادة

[om khalil]

المستشاره طفلي حياتي وينش

[om khalil]

بنت الاياويد لاتهملون بطنكم بعد الولاده ولا تنحدون على البيبسي
اني صرت فيله وبطني ماراح من ولادتي بخليل
حتى لما حملت الحين دبتي جاهزه هههههههه

[بنت الأياويد]

انا للحين انزين ماهديت الغازات بس قللت وماشرب بيبسي يزعم اشرب البديل سفن آب :)

[rose soul]

ام خليل..سوي لزوجج سبرايس..احنا قولي لنا ما بنعلم احد هههههههه
..
بنت الاياويد..شنو تقصد في عضله البطن؟؟وين تصير ذي؟؟
مشكله الضعيفات مساكين هههههههههههه..عيل لا تخلين روحج جذي بعد الولادة..شكلها ما تروح الكرش بعدين ..الا بالرياضة خصوصا العصقولات خخ
ذكرتني..من جمن يوم امي تقول لي لا تلبسين ضاقت عليج جنج نملة بو دبيبة ...ههههههه ذبحتني من الضحك
اقول لها يعني في نمل بعد بو دبيبة..تقول اي هههههه

[بنت الأياويد]

هههههههههههههههههههههههه يحليلاتها امج تنكت بعد ، مادري اشرت على بطني ان وايد ناط على برع تقولي العضله مشدودة ، انا مايهمني اهم شي ان شاء الله نولد بالسلامة وخلي العضله تولي

[rose soul]

انا من حملت ماقدر اشرب شي فيه غازات..مع ان يصير خاطري .. بس ماشرب.. وهذي احسن شي سويته من حملت خخخ

[بنت الأياويد]

اهم شي الارادة والعزيمة القوية انا كانوا متوافرين يوم كنت في البداية بس عقب مصختها وريلي يهاوشني اقوله مايطوف الاكل شسوي بس هذي عذري مال العيارة