تجمع الجزائريات المتأخرات في الحمل و أهلين بالتونسيات الغاليات

[سهام فرنسا]

راني هنا عبير

[احلى شيء الاموموة]

عبير اختي عندك تشربي الزنجبيل او القرفة ...راهي من الاعشاب المسببة للاجهاض....شوفي كاش دواء ينقص عليك صينو اصبري حتى يفوت الوحام كلش يفوت ...ما تلعبيش بروحك...الزنجبيل حااااار عندك تشربيه ...انا الدورة ما حبتش تهبط راني نشرب في الزنجبيل كل يوم الصباح على الريق كاش يهديها ربي وتهبط اليوم الخامس....

[مريم13]

المشاركة الأصلية كتبت بواسطة عبير الحرية

شربتي القرفة و انت حامل

لالا يا خلايا قتلك ما تربيش الزنجبيل خاطر كي ماتلي البيبي اللي قبل هدا ما هبطش نصحوني بالزنجبيل باش يطيح لكني كنت ديجا بديت نشرب في القرفة باش يهبط بصح ما هبطش خاطر الكول مقفول و بقيت غير بالدم قاوي 8 ايام ومن بعد في السبيطار دارولي سيطوطاك و كانو راح يديرولي كورطاج مي فوق الطابلة دخت خافو قالهم انيستيزيست حتى تفيق يخي كي فقت زعقت من الوجاع ههههههههه خرج وحدو فيلم اكشن

[احلى شيء الاموموة]

مريومة اختي حبيت نسقسيك ...واش سببب موت الجنين نتاعك اللي فات ربي يثيبت حملك ان شاااء الله...وشحال بقيتي حتى زدتي حملتي.؟؟

[مريم13]

المشاركة الأصلية كتبت بواسطة احلى شيء الاموموة

مريومة اختي حبيت نسقسيك ...واش سببب موت الجنين نتاعك اللي فات ربي يثيبت حملك ان شاااء الله...وشحال بقيتي حتى زدتي حملتي.؟؟

ظغط الدم المرتفع و المكتوب
حاشاك عجوزتي طلعتلي الزبل طلعتلي لاطونسيون في الشهر 5
فارقت في 19 ديسمبر 2012 قلي الطبيب استناي 3 غسلات باش تحاولي الحمل مرة اخرى و اعطاني دواء+ حبوب منع الحمل انا ما شربتش الحبوب خلاص المهم جانتي الدورة في الربعين 26 جانفي ومن بعد 26 فيفري ولانو فيفري فيه غير 28 هاد الهام جانتي في مارس 28 من الشهر و كانت اخر دورة

[عبير الحرية]

اهلا سهام

ااحلى شئ و اله ربي يعلم رانا خوات على وجه ربي ما خيرش من وجه ربي

قدر الله ما شاء فعل نورمالمو تشربي اسبيجيك و بروجستيرون مع الحمل الثاني و الثالث للتثبيت

الخير في ما اختاره الله قداه عندك ضرك من اخر حمل و بين كل حمل و حمل قداه انا ثاني مشتاقة تهدر

مريومة هههههههههههه و الله غير فيلم اكشن وين رحتي اذا chu عندك الحق يا يما على هذاك سبيطار

سيدي مبروك و سيتي البير خير

[سهام فرنسا]

أمومة وين رحتي

[عبير الحرية]

مريومة راكي تولدي في عز الشتاء عسي روحك من الهوا انا ولدت في افريل كان اخر الربيع بالصح ايامات برد تتقتل

و كون ما حرصتش و الله يضربني الهوا

[مريم13]

المشاركة الأصلية كتبت بواسطة عبير الحرية

اهلا سهام

ااحلى شئ و اله ربي يعلم رانا خوات على وجه ربي ما خيرش من وجه ربي

قدر الله ما شاء فعل نورمالمو تشربي اسبيجيك و بروجستيرون مع الحمل الثاني و الثالث للتثبيت

الخير في ما اختاره الله قداه عندك ضرك من اخر حمل و بين كل حمل و حمل قداه انا ثاني مشتاقة تهدر

مريومة هههههههههههه و الله غير فيلم اكشن وين رحتي اذا chu عندك الحق يا يما على هذاك سبيطار

سيدي مبروك و سيتي البير خير

انا رحت لاكلينيك ابن رشد كي شافو بلي بيبي كبير خرجوني هههههههههه قالولي سبيطار خير رحت لاسيطي البير قالولي ماعندناش طبيب كبير كون كاش ما يصرا نبعتوك للسبيطار رحت لسيدي مبروك عند ام صاحبتي قاتلي اخطيك هنا يهدمو غير اليهود ههههههه انا تم و هوما قريب قتلو مرا اتصوري باش تولدها القابلة طلعت فوقها و تتكى على كرشها كسرتلها شطبة قتلتلها البيبي و صرا ما صرا ههههههه انا خفت كنت لداخل هربت و ركبت في الكونوبيل ما حبيتش نهبط و هاديك الليلة بت في داري نبكي و في الصباح شافولي معريفة في السبيطار و جازت الحمد لله

[احلى شيء الاموموة]

المشاركة الأصلية كتبت بواسطة مريم13

انا رحت لاكلينيك ابن رشد كي شافو بلي بيبي كبير خرجوني هههههههههه قالولي سبيطار خير رحت لاسيطي البير قالولي ماعندناش طبيب كبير كون كاش ما يصرا نبعتوك للسبيطار رحت لسيدي مبروك عند ام صاحبتي قاتلي اخطيك هنا يهدمو غير اليهود ههههههه انا تم و هوما قريب قتلو مرا اتصوري باش تولدها القابلة طلعت فوقها و تتكى على كرشها كسرتلها شطبة قتلتلها البيبي و صرا ما صرا ههههههه انا خفت كنت لداخل هربت و ركبت في الكونوبيل ما حبيتش نهبط و هاديك الليلة بت في داري نبكي و في الصباح شافولي معريفة في السبيطار و جازت الحمد لله

ربي حفظك وحماك ...الهم لي صاير في السبيطارات ربي يسترنا برك...كون ما يكونش عندك المعريفة والواقف عليك ...الله لا يزيد يشوفك في هكذا ايامات ربي يسهللك ويرزقك وقفة سااهلة....والله الفراق صعيب..ان شااء الله في ميزان حسناتنا ....انا نفارق في الشهرين وقريب مت...وين يااا 5شهور....الله لا يعاودها علينا...