تجمع الجزائريات المتأخرات في الحمل و أهلين بالتونسيات الغاليات

[سهام فرنسا]

راني هنا عبير

[احلى شيء الاموموة]

المشاركة الأصلية كتبت بواسطة مريم13

انا سخفت على اللون الاصفر مي ما علاباليش ادا يجيني مليح بصح هاد اللون اللي في الصور تاني مليح

ديري اي لون يوالمك الزين واش يلبس يواتيه ....انا ثاني ساخفة على حاجة موتارد مع الاسود....

عبير ربي يكون في عونك ...راني حاسة بيك انا في الحمل نتاعي الثاني جاني الوحام هكذا ...حتى الماء نرجعوا ..ان شاااء الله في ميزان حسناتك....وربي يثبت حمل كل حااامل يااا رب ...ويرزق كل محرووومة يااا رب ...

[عبير الحرية]

المشاركة الأصلية كتبت بواسطة مريم13

حاولي كي تاكلي الخيار نحيو الزريعة على خاطر تحكم 6 ساعات لكي تهضم علابيها تقيل
الزنجبيل ما شربتوش قالولي عليه برك خاطر شربت القرفة

شربتي القرفة و انت حامل

[عبير الحرية]

المشاركة الأصلية كتبت بواسطة احلى شيء الاموموة

ديري اي لون يوالمك الزين واش يلبس يواتيه ....انا ثاني ساخفة على حاجة موتارد مع الاسود....

عبير ربي يكون في عونك ...راني حاسة بيك انا في الحمل نتاعي الثاني جاني الوحام هكذا ...حتى الماء نرجعوا ..ان شاااء الله في ميزان حسناتك....وربي يثبت حمل كل حااامل يااا رب ...ويرزق كل محرووومة يااا رب ...

الله يسلمك يا حنونة معذرة على التطفل انت حملت مرتين واش المشكل بلاك نساعدك

[احلى شيء الاموموة]

عبير اختي عندك تشربي الزنجبيل او القرفة ...راهي من الاعشاب المسببة للاجهاض....شوفي كاش دواء ينقص عليك صينو اصبري حتى يفوت الوحام كلش يفوت ...ما تلعبيش بروحك...الزنجبيل حااااار عندك تشربيه ...انا الدورة ما حبتش تهبط راني نشرب في الزنجبيل كل يوم الصباح على الريق كاش يهديها ربي وتهبط اليوم الخامس....

[احلى شيء الاموموة]

المشاركة الأصلية كتبت بواسطة عبير الحرية

الله يسلمك يا حنونة معذرة على التطفل انت حملت مرتين واش المشكل بلاك نساعدك

خسارة عليك ...لا تطفل لا والو..راني حاسبتكم خواتاتي....واللي نحكيه معاكم ما نحكيه مع حتى واحد....ربي يدوم لمتنا ويجمعنا في الخير....انا حملت 3 مرات وكل حمل الوحام نتاعو بشكل...السبب توقف نبض الجنين في الاسبوع الثامن...يعني ما نلحقش حتى نفرح ..الحمد لله على كل حال ربي يعوضنا خييير...والاطباء ما عرفوليش المشكل...كل التحاليل نتاعي ونتاع زوجي مليحالشدة في ربي سبحانو...زيدي سقسي واش تحبي....راني مشتاقة هدرة ...هههههه

[مريم13]

المشاركة الأصلية كتبت بواسطة عبير الحرية

شربتي القرفة و انت حامل

لالا يا خلايا قتلك ما تربيش الزنجبيل خاطر كي ماتلي البيبي اللي قبل هدا ما هبطش نصحوني بالزنجبيل باش يطيح لكني كنت ديجا بديت نشرب في القرفة باش يهبط بصح ما هبطش خاطر الكول مقفول و بقيت غير بالدم قاوي 8 ايام ومن بعد في السبيطار دارولي سيطوطاك و كانو راح يديرولي كورطاج مي فوق الطابلة دخت خافو قالهم انيستيزيست حتى تفيق يخي كي فقت زعقت من الوجاع ههههههههه خرج وحدو فيلم اكشن

[احلى شيء الاموموة]

مريومة اختي حبيت نسقسيك ...واش سببب موت الجنين نتاعك اللي فات ربي يثيبت حملك ان شاااء الله...وشحال بقيتي حتى زدتي حملتي.؟؟

[عبير الحرية]

اهلا سهام

ااحلى شئ و اله ربي يعلم رانا خوات على وجه ربي ما خيرش من وجه ربي

قدر الله ما شاء فعل نورمالمو تشربي اسبيجيك و بروجستيرون مع الحمل الثاني و الثالث للتثبيت

الخير في ما اختاره الله قداه عندك ضرك من اخر حمل و بين كل حمل و حمل قداه انا ثاني مشتاقة تهدر

مريومة هههههههههههه و الله غير فيلم اكشن وين رحتي اذا chu عندك الحق يا يما على هذاك سبيطار

سيدي مبروك و سيتي البير خير

[سهام فرنسا]

أمومة وين رحتي