خلي نحكيلكم قصة هي ممكن تكون ممتعة شوية ههههههه بس فيها حكمة هههههههه..
عندي صديقة تعرفت عليها في المستشفى لما جبت حمود جبت أنا وياها في نفس اليوم هي جابت بنت الفجر وأنا الظهر
المهم هي ضرة يعني هي الثانية وماشاء الله هي وسلفتها متفاهمين وهذا للأأن الرجل عادل بينهم عدل عظيم كل يوم مع وحدة والحياش جنب بعض المهم ماعلينا حكايتي مش هنا الحكاية ماشاء الله على الصغار
تقعد 6 شهور وتحمل
توا بعد حمود عندها 2 والمرة ألأخيرة شهرين وحملت ..
المهم تكلمنا اليومين الفاتو ..
الو الو .... كيف الحال والصغار ووووو
وقالتلي شنو قاعدة ماجبتيش ,, قلتلها أنا قاعدة ماحملتش على بنتي قالتلي ااااااااه كيف
قلتلها والله العام هذا قعدت نجري على خدمة ماحصلتش,,, قالتلي باهي مادام ماحصلتيش خدمة جبتي بيبي.. ههههههه قلتلها يعني منرتاحش يابيبي ياخدمة
قالتلي باهي بنتك قداش عمرها قلتلها عام وتسعة شهور قالتلي ااااااااااااااااه قريب ماتت
قالتلي انت بيتيها وخلاص قصدها زوجيها شن قاعدة تراجي ..
والله ضحكتني ,,
المهم طلعت ماشاء الله حامل طبعا أنا عارفتها حامل ,, ماشاء الله في السابع وولدها عمره 9 شهور يعني شهرين وحملت عليه ..
قعدت نضحك ونعارك فيها قلتلها انت حكم قاعدة خضراء وكيف طالعة من 40 غير شن جابه ليك ..
هو أكيد كله بيد ربي بس هي مقتنعة جدا وتبي هكي وقعدت تقنع فيا
قلتلها كيفني قاعدة صغيرة
قالتلي ومن قالك كبرتي
قالتلي جيبيهم مادام صغيرة وأمك جنبك ..
وسألتها شن جو راجلك قالتلي والله قريب يشرك شلاتيته خخخخ والله اضحك فيا على قد ماهي مقتنعة ومش هامها حد قالت شنو أنا جايته هنا باش ناكل المكرونة هو عنده صغار مايبيش لكن أنا نبي الصغار وعمار الدار
واحد بنديره معلم وواحد في الحوازة وواحد ووو,.نجيب من توا ندري على روحي شن يصيرلي باقي عمري.. قلتلها باهي مش تعب والله أنا 2 ومهبليني الحمد لله وماشاء الله عليهم ,, قالتلي أكيد متعبيني بس تعبي ليه فايدة عادي ,,
وقلتلها أنا أصلا بديت ناخد في حبوب لما فطمت بنتي ,, لا ه لاه عليك يامهبولة حرام عليك . وسألتني باهي راجلك شن رأيه قلتلها والله حتى هو يقول مازال ظهرك يوجع فيك وارتاحي مازال.. وتنوض فيا ههههههههه تسحابيه يامهبولة حق على خاطرك هو بلعاني مايبيش يحصل ويجيب الشمالات ههههههه, أسلوبها يضحك فيا ., ربي يحفظها ويحفظ صغارها ويبارك في عمرها.. طبعا أنا ماحكيتش عليها كقرمة يعني لا بالعكس حكيت عليها لأني نحبها وحبيت نشاركم القصة وبصراحة لأن كلامها لمس فيا شىء وأقتنعت ولو شوية بكلامها..
بدليل إني خلاص الشهر هذا بإذن الله بنسيب الحبوب ..
وبصراحة بالرغم من ألألأأم ظهري لكن بديت نفكر وخاطري في بيبي
ونبي نحزم على ظهري ولا نحجم ولا أي شىء..