دردشة حوامل أهل جدة - دردشة بنات جدة - تجمع حوامل مدينة جدة

[أم عبدالرحمن السلفية]

سيدة الجمال غريب لا يكون نقص بالكالسيوم عندك ؟

اتأكدي من نسبه الكالسيوم في العظم .. بعضهم يجيهم هشاشة عظم بعيد عنك لا قدر الله

[قرة 1]

اخواتي مين ولدت في جده الوطني الكندره عند دكتوره هند وكيف المستشفى وكيف الممرضات وقت الولاده وكيف الغرف ونظافتها اتمنى القى اجابه جزاكم الله خير

[عطر المكان]

المشاركة الأصلية كتبت بواسطة قرة 1

اخواتي مين ولدت في جده الوطني الكندره عند دكتوره هند وكيف المستشفى وكيف الممرضات وقت الولاده وكيف الغرف ونظافتها اتمنى القى اجابه جزاكم الله خير

هلا حبيبتي قره
انا دخلت برنامج عند الدكتوره هند ومتابعه معاها وسالت عنها مررره ممتازة وسألت بنات ولدوا عندها قالوا ماشاء الله مرره كويسه وانا دحين متابعه معاها وإن شاء الله هي تولدني وكمان سالت بنات عندها قالولي تعمل خياطه تجميليه بالليزر
ومره حلوه وإن شاء الله ربي معانا ويسهل علينا يااااااارب

[أم ح ــنونـہ]

كيفكم يا حوامل</b>
انا ما راح اولد في الطب الدولي
لان التأمين الشركه راح تلغيه
لأن زوجي استقال منها :(
وراح أولد في مستشفى الزهرة بجده ان شاء الله
طبعا كاااش وبدي اعرف اسعار الولادهـ
الطبيعي والقيصري لو سمحتم
اللي عندها معلومه عن المستشفى ياريت تقولي
والله يتمم حملنا على خير

[الفراشة الحنونه]

مسااااااااااااء الخير

كيفكم بنات وش اخباركم والله وحشتوووووووني موووت

احد في ولا نايمين ^_^

[r4m]

اهلين بنات
سيده الجمال
طبيعي الالم مع الحمل انا حصلي من الرابع
انتي تقدري تستخدمي مرهم العضلات بس لمن يشتد الالم وبس علي رجولك ويدك
اما ظهرك وخصوصا اسفل الظهر والبطن لا مستحيل والافضل الفخد كمان لا تحطي عليه ابداا

بس برضو شيكي عالكالسيوم لانو ضروري احتمال الالم منه
واحتمال مع نوع الحمل لانو انا حملي كدا عظامي تالمني وماعرف انام
وسيقاني كانو احد يكسرها ليا وكل ليلة كنت ابكي منها مارتاح الا لو حطيت عليها جل جونسون لانو تقيل ويرطب وودافي يهدي الالم
او زيت سمسم

ايوة بنات + سيده

استخدمو زيت سمسم عن تجربه اخواتي
يشيل الم العضلات مرة حتي وقت الولاده مايحصلك الشد اللي يحصل
وتكون عضلاتك مرنه اكتر
انا سويته يومين ووقفت ولازم ارجعله بس الله يهدي زوجي قراف درجه اولي وبعدين بيقرف مني علي اني اتحمم بالصبح بس مشكله

[ابهار العسيري]

رددوا يااخواتي :

اللهم اغفر للمسلمين والمسلمات والمؤمنين والمؤمنات

لا اله الا انت سبحانك اني كنت من الظالمين

لا اله الا الله

لا اله الا الله

لا اله الا الله

[أم عبدالرحمن السلفية]

ابهار ما أعرف إذا يسمحوا لهم يدخلو ,, لكن سمعت المستشفى كويسة ,,, وإذا تبين رأيي اش تبغين من زوجك وانتي بهذي الحاله ,, خلييييه بعيد أحسن ..وربنا يسهل لك انتي بأي شهر

[ام عبدالله 86]

بناءً على الأمر الملكي الكريم لخادم الحرمين الشريفين حفظه الله بصرف مكافأة شهرين لأبنائه وبناته طلاب التعليم العالي ، وإلحاقاً لما صرفه لطلاب وطالبات جامعة الملك عبدالعزيز المنتظمين وطلاب وطالبات( الانتقالي ، التأهيلي ، كلية المجتمع ، الطب الموازي ) .

تقوم جامعة الملك عبدالعزيز بصرف مكافأة شهرين ( الأمر الملكي ) للطلاب والطالبات الدارسين بنظام الانتساب والتعليم عن بعد ، وذلك بناء على موافقة معالي وزير التعليم العالي بالصرف بشرط أن لا يكون الطالب المنتسب قد سبق أن حصل على مكافأة راتب الشهرين من أي جهة أخرى .

وتحث الجامعة أبنائها الطلاب والطالبات بسرعة الدخول على الرابط الموجود اسفل الصفحة وتعبئة النموذج المرفق لاستكمال صرف مكافأة شهرين( الأمر الملكي ) عن طريق تحويل سريع إلى حساباتهم البنكية .

سائلين الله أن يلبس خادم الحرمين الشريفين ثياب الصحة والعافية ويسبغ عليه نعماءه ويحفظه لنا أباً كريماً وقائداً مطاعاً له كل المحبة والوفاء والولاء .

والله الموفق ،،،


http://smart.kau.edu.sa/DAM


نقلا عن موقع الجامعة

[قرة 1]

عطر المكان ماقصرتي بس ودي اسال ايش يعني خياطه تجميليه باليزر لاني بكريه ما اعرف اعرف الخياطه التجميليه بس باليزر ايش تفرق عن الخياطه العاديه وثاني شي انا لما بولد ما بيكون معايا الا ربي باذن الله ماعندي احد يقعد معي عشان كذى اسالك كيف الممرضات وقت الولاده وبعدها حق الغرف وكيف النظافه

ثاني شي في احد تعرفوه ولد عندها قيصري وومدحها لانه الله يستر الواحد مايدري بليز طمنوني